Luka 20:26 - AHYERƐLƐ KRONGRON

²⁶ Na bangora bannya ye noa dwirɛ nu mvomsoɛ bangyina so wɔ mmenia n’anyunu berɛ, na mmom ye mmuayɛɛ ne yɛle bɛ nwanwa maa bɛhane bɛ noa bɛtole nu.

Luka 20:26 Iomraidhean Croise

Daniel 6:4

Yeɛ mbanyi so neafoɛ nemɔ ne mbɔtam mbanyi nemɔ, bɛpenane ahennie ne bulɛ nwo dwirɛ bɔ ɔkɔma Daniel nwo kɔhyere ye ɔ, nakoso bannya mvomsoɛ anaa ye nwo dwirɛ tɛɛ biala, ofikyɛ né odi nahorɛ, na bannya ye nwo mvomsoɛ anaa bɔne biala.

Mateo 22:12

Na obisale ye kyɛ, ‘Damvo, ɛyɛle sɛɛ yeɛ ɛwale wa ɔ, bɔ wɔ de nna atɔmvorɛfalɛ ataadeɛ yeɛ ewura e?’ Na wangora wammukye ye noa.

Mateo 22:22

Na bɛtele edwirɛ he nen, ɔyɛle bɛ nwanwa, na befili ye nwo berɛ besili nu bɛhɔle.

Mateo 22:34

Na mmerɛ bɔ Farasiifoɛ nemɔ bɛtele kyɛ Yesu noa abɔ Sadusiifoɛ nemɔ nen, beeyiale neka horɛ,

Mateo 8:10

Na Yesu tele bɔ ɔhane nen, ɔyɛle ye nwanwa, na osele mmenia bɔ beli ye si ne kyɛ, “Nahorɛ nu, mekã mekyire ɛmɔ kyɛ, Yisrael po, nnwuni gyidie piri bɔ ɔte sɔaa ɔ.

Luka 11:54

kyɛ ebiaa ɔkɔhã dwirɛ bɔ ɔkɔma ye noa kɔtɔ ɔ.

Luka 13:17

Na ɔhane sɔ nen, ye pɔfoɛ nemɔ amukoraa bɛfɛrele; na mmenia ne amukoraa bɛ nye gyele animnyam nningyein bɔ ɔyɔle ne amukoraa nwo.

Luka 20:20

Yiti bɛtetɛle ye. Na bɛsomane mmenia biemɔ bɔ bayɛ bɛ nwo kyɛ bɛte mmeni paa ɔ maa bɛhɔle ye berɛ, kyɛ bɛɛfa dwirɛ besua ye ngaen, ná bagyina so baye ye bawura amrado tumi ne ye mmeraa sa.

Romanfoɛ 3:19

Afei yɛse kyɛ nikyee biala bɔ mmeraa ne kã ne, ɔkã kyire bɛ bɔ bɛwɔ mmeraa ne abo ɔ. Na ɔnate sɔ ne ati, ebiala ngɔhora ngɔhã ngɔtete ye nwo, na Nyameɛ kobua wiase amukoraa ndɛen.

Tito 1:10

Ofikyɛ mmeni pee wɔ berɛ bɔ bɛte asoserɛfoɛ, nzekurebɔlɛfoɛ, nnakannakafoɛ, nganga bienzuapɛlɛfoɛ nemɔ,