Luka 20:23 - AHYERƐLƐ KRONGRON

²³ Na Yesu nwuni b’adwenemmɔne nen, osele bɛ kyɛ, “[Nzu ati yeɛ ɛmɔso me bɛnea ɔ]

Luka 20:23 Iomraidhean Croise

Edwein 95:9

mmerɛ bɔ ɛmɔ nana mɔ sole me bɛneane, ná bɛgyegyele me ne, ɔwɔ nu kyɛ né banwu me nnwumaa de.

Mateo 16:1

Farasiifoɛ ne Sadusiifoɛ wale kyɛ bɛbaaso Yesu bɛnea, yiti besele ye kyɛ ɔyɔ sɛngyerɛnneɛ bɔ ofi nyameɛso ɔ ma bɛnea.

Mateo 22:18

Nakoso Yesu nwuni b’adwenemmɔne ne, na obuale kyɛ, “Ɛmɔ, nyaatwomfoɛ! Nzu ati yeɛ ɛmɔbaatetɛ me noa ɔ?

Luka 20:20

Yiti bɛtetɛle ye. Na bɛsomane mmenia biemɔ bɔ bayɛ bɛ nwo kyɛ bɛte mmeni paa ɔ maa bɛhɔle ye berɛ, kyɛ bɛɛfa dwirɛ besua ye ngaen, ná bagyina so baye ye bawura amrado tumi ne ye mmeraa sa.

Luka 20:22

Aso otia mmeraa kyɛ yɛtua ɛtoɔ yɛma Kaesare, anaakyɛ ondia?”

Luka 20:24

Ɛ́mɔma me denare ko maa nnea! Nwa mvonini ne dumaa yeɛ ɔwɔ so ye?” Bebuale kyɛ, “Kaesare deɛ ɔ!”

Luka 5:22

Na Yesu nwuni b’adwene nen, obuale bɛ kyɛ, “Nzu ati yeɛ ɛmɔdwene adwene sɔ ye?

Luka 6:8

Nakoso né Yesu de ɔse b’adwene, na osele biaa bɔ ye sa ko awu ne kyɛ, “Dwɔso baagyina anyunu wa.” Na odwɔso gyinane berɛ.

Asomafoɛ 13:10

na osele ye kyɛ, “Ɛte abɔnzam sona! Ɛte tenenee mukoraa pɔfoɛ, nnakannaka ne amumuyɛɛ ayi wɔ ti anu tɛkyɛ, aso ɛngɔyakyi kyɛ ɛkɔhyea Awurade tenenee atee ne ɔ?

1 Korintofoɛ 10:9

Nnɛmɔma yɛso Kristo yɛnea kyɛbɔ bɛ nu biemɔ yɔle ná ewoo kekale bɛ maa bewuwuli ne.

1 Korintofoɛ 3:19

Na ewiase nworɛ te ngwaseasɛm wɔ Nyameɛ nyunu, ofikyɛ bahyerɛ kyɛ, “Nworɛfoɛ bɛ bɔbɔ bɛ kanda yeɛ ɔfa sua bɛ ngaen kye bɛ ɔ.”

Ɛfesofoɛ 4:14

amaa ɔnate so yangɔ so yanyɛ ngwadaammaa bɔ ngyerɛkyerɛ mvrama biala ɔbɔ bɛ papapapa fa bɛ di akɔneaba ɔ, mmenia nnakannaka nu, bɔ bɛfa kanda nworɛ so bɛdɛɛdɛɛ ne.

Hebrifoɛ 4:13

Abɔdeɛ biala mvea wɔ Nyameɛ nyunu, ye bɔ odi kyɛ yɛbu ngondaa yɛkyire ye ne, nikyee biala mvea ye, na ye nye tua nningyein mukoraa.