Luka 20:22 - AHYERƐLƐ KRONGRON

²² Aso otia mmeraa kyɛ yɛtua ɛtoɔ yɛma Kaesare, anaakyɛ ondia?”

Luka 20:22 Iomraidhean Croise

Ɛsra 4:13

Nana, yɛbɔ wɔ amaneɛ kyɛ, sɛ besa bɛkyekye sɔ kuro ne, ná bɛto ye nwo fasue beyie a, ye de bengotua ɛtoɔ, anaa ndɔ, anaa aseɛ nwo toɔ ne. Sɛ ɔba ye sɔ a, sikaa bɔ ɔba ahemvie dɔ ne, so kɔte.

Ɛsra 9:7

Fite yɛ nana mɔ aberɛ so toonn bɔ ɔbaadwu ɛnɛ ɔ, mvomsoɛ ali yɛ ti. Na ɔnate yɛ ne y’ahemvo mɔ ne y’asɔfo mɔ amumuyɛɛ ti, yeɛ Amaenmaensofoɛ ahemvo mɔ bɛ sa ahã yɛ bɔ beku yɛ, bɛkye yɛ nnure, bɛfẽ yɛ nningyein bɛfa, ná begua yɛ nyunu ase, kyɛbɔ kekesaala ye ɔte ye.

Nehemia 5:4

Na né ebiemɔ koso bɛkekã kyɛ, “Ɛtoɔ bɔ odi kyɛ yɛtua yɛma Nana wɔ y’aseɛ ne yɛ bobe boo nwo ne, ɔyɛ a yɛbɔ bosea koraka né yatua.

Nehemia 9:37

Ahemvo mɔ bɔ ɔnate yɛ bɔne bɔ yayɔ ti amaa bali yɛ so ne, bɛ mmom yeɛ bedi aseɛ ne aso aleɛ paa ne ɔ. Bele yɛ nipadua ne y’ayɛmmoa mɔ so tumi. Bɔ bekuro yeɛ bɛfa bedi yɛ ɔ, na edwirɛ piri paa yeɛ wato yɛ ɔ.”

Mateo 17:25

Na obuale kyɛ, “Otua.” Na Petro wale awuro nen, Yesu lili moa bisale ye kyɛ; “Simɔn, ɛdwene ye nwo sɛ? Nwa mɔ dɔ yeɛ aseɛ so ahemvo mɔ bedide ndɔ anaa ɛtoɔ ɔ? Bɛ mma mɔ dɔ, anaa amanvrafoɛ mɔ dɔ?”

Luka 20:21

Yiti bebisale ye kyɛ, “Kyerɛkyerɛniɛ, yɛse kyɛ wɔ noa dwirɛ ne wɔ ngyerɛkyerɛ te turoloo, yeɛ ɛmva wɔ nye ndo sona ye dibea, na mmom ekyirekyire Nyameɛ atee ne nahorɛ nu.

Luka 20:23

Na Yesu nwuni b’adwenemmɔne nen, osele bɛ kyɛ, “[Nzu ati yeɛ ɛmɔso me bɛnea ɔ]

Luka 23:2

Na bɛhyɛle ye bo bɛbɔle ye kwaadu kyɛ, “Akoaa he, yɛhyele ye kyɛ ɔbɔ yɛ maen ne anwo tokuro, na ɔbera mmenia kyɛ nnɛmaa betua toɔ bɛma Kaesare; afei koso, ɔnwa ye ala ole Ɛhene Kristo ne.”

Asomafoɛ 5:37

Ɛhe asi ne, Yudase bɔ ofi Galilea wale wɔ mmerɛ bɔ né bɛka mmenia ɔ, ɔhwene ɛlɔen lili ye si, na ye koso behuni ye, na ye mmenia bɔ beli ye si ne bɔle aya.

Romanfoɛ 13:7

Ɛ́mɔtua ebiala deɛ bɔ ɔfata ye ɔ bɛ́ma ye! Ɛ́mɔtua ɛtoɔ bɛ́ma bɔ ɛtoɔ fata ye ɔ; ɛ́mɔtua ndɔ bɛ́ma bɔ ndɔ fata ye ɔ; ɛ́mɔsuro bɔ odi kyɛ besuro ye ɔ; yeɛ ɛ́mɔfa anidie bɛ́ma bɔ anidie fata ye ɔ.

Deuteronomi 17:15

ye de, sona bɔ AWURADE wɔ Nyameɛ kɔneanea nu kɔye ye ne, ye yeɛ maa oli wɔ so hene ɔ. Wɔ bɔbɔ eliɛma nemɔ anu bie yeɛ fa ye ma oli wɔ so hene ɔ. Amanvoraniɛ de, nna eliɛma ɔ, yiti nnɛfa ye maa odi wɔ so hene.