Luka 20:17 - AHYERƐLƐ KRONGRON

¹⁷ Nakoso ɔneane bɛ haa, na obisale kyɛ, “Né nzaade, ye bo kyire sɛɛ, ɛhe bɔ bahyerɛ ye kyɛ, ‘Nyɔboɛ bɔ suasilɛfoɛ bɛpole ye ne, ye ala yeɛ waayɛ sua ne ndweasoɛ nyɔboɛ titire ɔ.’

Luka 20:17 Iomraidhean Croise

Edwein 118:22

Nyɔboɛ bɔ suasilɛfoɛ bɛpole ye ne, ye ala yeɛ waayɛ sua ne ndweasoɛ nyɔboɛ titire ɔ.

Yesaya 28:16

Yiti AWURADE Nyameɛ nwa nyoo: “Ɛ́mɔtie, méfa nyɔboɛ bie méto fapem wɔ Sion, nyɔboɛ bɔ maso manea, ndweasoɛ nyɔboɛ bɔ ye nyɔboɛ yɛ se bɔ otimu berɛ pindinn ɔ: ‘Ebiala bɔ ɔkɔfa ye nwo kɔto so ne, ɔngɔte ngɔtɔ.’

Sakaria 10:4

Ye nu yeɛ ndweasoɛ nyɔboɛ ne kofi ɔ, ye nu yeɛ pɛmbɛen ne kofi ɔ, ye nu yeɛ koɛhonɛ agyaen ne kofi ɔ, ye nu yeɛ maenbulɛniɛ biala kofi ɔ.

Sakaria 3:9

Tie, nyɔboɛ bɔ mafa mato Yosua nyunu, nyɔboɛ komapɛ bɔ ye nye nzoo ne. Tie, so yeɛ ngokolikoli ye ahyerɛlɛ ne ngogua ɔ, Asafo AWURADE noa dwirɛ ɛne, na ngokyikyi aseɛ he amumuyɛɛ ne ngofi berɛ ɛlɛhomapɛ.

Mateo 21:42

Yeɛ Yesu bisale bɛ kyɛ, “Aso ɛmɔkkenngale Ahyerɛlɛ ne le, kyɛ, ‘Nyɔboɛ bɔ suasilɛfoɛ bɛpole ye ne, ye ala yeɛ waayɛ sua ne ndweasoɛ nyɔboɛ titire ɔ. Awurade yeɛ wayɔ ɛhe ɔ, na ɔyɛ nwanwa wɔ yɛ nye so?’

Marko 10:23

Yeɛ Yesu totole ye nye bra yiale, na osele ye asuafoɛ nemɔ kyɛ, “Yeɛ ɛmɔanwu kyɛbɔ osi yɛ se ma bɛ bɔ banya bɛ nwo kyɛ bɛkɔhɔ Nyameɛ ahennie ne anu ɔ!”

Marko 12:10

Aso ɛmɔkkenngale Ahyerɛlɛ he le, kyɛ, ‘Nyɔboɛ bɔ suasilɛfoɛ bɛpole ye ne, ye ala yeɛ waayɛ sua ne ndweasoɛ nyɔboɛ titire ɔ,

Marko 3:5

Na Yesu le ɛyaa neane bɛ bra yiale, na ɔnate b’asoserɛ ti ɔyɛle ye yea, na osele biaa ne kyɛ, “Tengyɛ wɔ sa ne anu.” Ɔtengyɛle nu, na ye sa ne yɛle paa kyɛ ye daa ne ala.

Luka 19:41

Na opingyele kuro ne, ná ɔtole ye nye neane ye nen, osũ mane ye kyɛ,

Luka 22:37

Na mekã mekyire ɛmɔ kyɛ, sɔ dwirɛ he bɔ Ahyerɛlɛ ne ɔkã ne, ɔsɛ kyɛ ɔba nu wɔ me nwo kyɛ, ‘Bɛhale ye bɛfrale mmeraatolɛfoɛ.’ Ofikyɛ bɔ ɔfa me nwo ne, ye mmerɛ bɔ ɔsɛ kyɛ ɔba nu ne wadwu.”

Luka 22:61

Na Awurade pɛle ye nye neane Petro nyunu, na Petro kayele Awurade dwirɛ bɔ ɔhã hyirele ye kyɛ, “Ɛnɛ, akɔ ngɔbɔ né ahã ye pɛen nza kyɛ ɛnze me” ne.

Luka 24:44

Na osele bɛ kyɛ, “Ɛhemɔ ole me dwirɛ bɔ nga ngyirele ɛmɔ ne, mmerɛ bɔ né me ne ɛmɔ yɛwɔ berɛ ne, kyɛ bɔ bahyerɛ bafa me nwo amukoraa wɔ Mose mmeraa ne ngɔmhyɛlɛfoɛ ne Edwein Nwomaa ne anu ne, ɔsɛ kyɛ ɔba nu ɔ.”

Yohane 15:25

Na ɛhe ama edwirɛ bɔ bahyerɛ ye wɔ bɛ mmeraa ne anu ne wawa nu kyɛ, ‘Bɛpɔle me mbaen.’

Asomafoɛ 4:11

Na ɛhe ole ‘Nyɔboɛ bɔ ɛmɔ suasilɛfoɛ apo ye, nakoso waayɛ ndweasoɛ nyɔboɛ titire ɔ.’

Ɛfesofoɛ 2:20

Bafa ɛmɔ basie asomafoɛ nemɔ ne ngɔmhyɛlɛfoɛ nemɔ fapem bɔ Yesu Kristo bɔbɔ yeɛ ɔte ye ndweasoɛ nyɔboɛ titire ne aso.

1 Petro 2:6

Ofikyɛ ɔwɔ Ahyerɛlɛ ne anu kyɛ: “Tie, méfa ndweasoɛ nyɔboɛ titire bɔ maneanea nu maye ye, ná odi mu ɔ meto Sion, na ebiala bɔ ode ye di ne, ye nyunu ngogua ase.”