Luka 20:16 - AHYERƐLƐ KRONGRON

¹⁶ Ɔkɔwa koohu sɔ hwɛsofoɛ nemɔ, ná wafa bobe boo ne wawura mmenia foforɛ sa.” Na bɛtele sɔ dwirɛ ne nen, besele kyɛ, “Nyameɛ pa gua!”

Luka 20:16 Iomraidhean Croise

Mateo 21:34

Na mmerɛ bɔ bobe telɛ dwuli nen, ɔsomane ye somvoɛ mɔ maa bɛhɔle hwɛsofoɛ nemɔ berɛ kyɛ beele ye mmakaammaa deɛ bɛbrɛ ye.

Mateo 21:41

Na bebuale ye kyɛ, “Okohu sɔ awudifoɛ nemɔ ewue yealɛ, ná wafa bobe boo ne wawura hwɛsofoɛ foforɛ mɔ sa, bɔ bobe telɛ dwu so a bɛkɔfa ye mmakaammaa deɛ bɛkɔma ye ɔ.”

Mateo 22:7

Na ɛhene ne tele ne, ye ahone huli, na ɔsomane ye asraafoɛ maa beehuhuni sɔ awudifoɛ nemɔ, na bɛyerale bɛ kuro.

Marko 12:9

“Nzikyɛ nikye yeɛ bobe boo mene ne ɔkɔyɔ ɔ? Ɔkɔwa koohu hwɛsofoɛ nemɔ, ná wafa bobe boo ne wawura mmenia foforɛ sa.

Luka 19:27

Na me pɔfoɛ mɔ bɔ né bɛmbene so kyɛ medi bɛ so hene ne de, ɛ́mɔfa bɛ bɛbra wa beehu bɛ me nyunu wa!’ ”

Luka 20:15

Yiti bɛhwene ye befili bobe boo ne anu beehuni ye. “Yiti nzikyɛ yeɛ bobe boo mene ne ɔkɔfa kɔyɛ bɛ ɔ?

Asomafoɛ 13:46

Na Pɔɔlo ne Banaba sili b’ahone besele kyɛ, “Né ohia kyɛ ɛmɔ, Yudafoɛ yeɛ yɛdi moa yɛkã Nyameɛ dwirɛ ne yɛkyire ɛmɔ ɔ. Nakoso ɔnate kyɛ ɛmɔpo edwirɛ ne, ná ɛmɔmmu bɛ nwo kyɛ ɛmɔfata daa ngoa ne ati, ɛ́mɔtie, yɛkɔyakyi yɛkɔhɔ Amaenmaensofoɛ mɔ berɛ.

Romanfoɛ 11:1

Afei mebisa, aso Nyameɛ wapo ye maen anaa? Dabida! Ofikyɛ me bɔbɔ nde Yisraelniɛ, nde Abraham bosoniɛ, mvi Benyamin abusua kure nu.

Romanfoɛ 11:11

Yiti mebisa kyɛ, aso basoti bɔ bɛpena befi ase anaa? Dabida! Na mmom ɔnate b’asoserɛ ne aso yeɛ Amaenmaensofoɛ banya ngoalelɛ ɔ, bɔ ɔkɔma Yisrael kɔhwe ye nwo kora ɔ.

Romanfoɛ 3:31

Yiti ɔnate gyidie he ati yɛto mmeraa ne yɛgua anaa? Dabida! Na mmom yɛde mmeraa ne yɛto nu.

Romanfoɛ 3:4

Dabida! Ɔwɔ nu kyɛ kuro sona biala te ngondomboniɛ de, nakoso Nyameɛ de ɔtte sɔ, odi nahorɛ, kyɛbɔ bahyerɛ kyɛ, “Kyɛbɔ bekonwu kyɛ wɔ noa dwirɛ te nahorɛ, na sɛ bebua wɔ ndɛen a, ali be ɔ.”

Romanfoɛ 3:6

Dabida! Sɛ Nyameɛ nga nahorɛ a, nzaade ɔkɔyɛ sɛɛ né wabua wiase ndɛen?

Romanfoɛ 6:15

Afei nzikyɛ bieku? Ɔnate kyɛ yɛwwura mmeraa bo, na mmom yɛwura adom bo ne ati, yiti odi kyɛ yɛyɔ bɔne anaa? Dabida!

Romanfoɛ 6:2

Dabida! Yɛ bɔ yawu yafi bɔne nu ne, ɔkɔyɛ sɛɛ ná yahɔ so yatena bɔne nu?

Romanfoɛ 7:13

Aso ɛhe kyire kyɛ nikyee bɔ ɔte paa ne ɔmaa nyane ewue anaa? Dabida! Nakoso kyɛbɔ ɔkɔyɛ na bekonwu bɔne pefee kyɛ ɔte bɔne ne ati, bɔne nate bɔ ɔte paa so maa nwuli, amaa ɔnate ahyɛdeɛ ne aso banwu ye kyɛ bɔne te nikyee bie bɔ ɔtte mayee koraa ɔ.

Romanfoɛ 7:7

Afei yɛkɔhã ye sɛ? Kyɛ mmeraa ne ɔtte mayee anaa? Dabida! Na sɛ nna mmeraa ne ahɔ a, ahaa menze bɔne. Sɛ mmeraa ne anga kyɛ, “Nnɛma wɔ nye boro ebie nikyee” a, ahaa menze kyɛbɔ besi bɛma bɛ nye boro nikye ɔ.

Romanfoɛ 9:14

Afei, yɛkɔhã ye sɛ? Aso Nyameɛ te nyeyemuɛ anaa? Dabida!

1 Korintofoɛ 6:15

Ɛmɔnze kyɛ ɛmɔ nipadua ne te Kristo akwaa anaa? Aso mva Kristo akwaa ne nyɛ adwamanbɔlɛniɛ akwaa anaa? Nyameɛ pa gua!

Galatiafoɛ 2:17

Mmerɛ bɔ yɛbɔ mmɔden kyɛ ɔnate Kristo so bekobua yɛ be ye, na sɛ benwu yɛ kyɛ yɛte bɔnefoɛ a, né ɛhe kyire kyɛ Kristo te bɔne somvoɛ anaa? Nyameɛ pa gua!

Galatiafoɛ 3:21

Aso ɛhe kyire kyɛ mmeraa ne tia Nyameɛ bɔhyɛ nemɔ anaa? Dabida! Ofikyɛ sɛ bɛmane sona mmeraa bie bɔ ɔkora ma daa ngoa de a, nzaade ahaa ɔte amba kyɛ sona nate mmeraa so yeɛ ɔyɛ tenenee ɔ.

Galatiafoɛ 6:14

Na me de, Nyameɛ pa gua kyɛ ngɔfa nikyee bie ngɔhoahoa me nwo, sana y’Awurade Yesu Kristo mmeamudua ne ngome; ofikyɛ ɔnate mmeamudua ne aso babɔ wiase mmeamudua nu bama me, na me koso babɔ me mmeamudua nu bama wiase.