Luka 20:10 - AHYERƐLƐ KRONGRON

¹⁰ Na bobe mmaa telɛ dwuli ne, ɔsomane ye somvoɛ ko maa ɔhɔle hwɛsofoɛ nemɔ berɛ, kyɛ bɛ́ma ye bobe boo ne anu mmaa ne bie. Nakoso hwɛsofoɛ nemɔ bole ye, na bɛmaa osa hɔle nzanza.

Luka 20:10 Iomraidhean Croise

1 Ahemvo 22:24

Yeɛ Kenaana awa Sedekia ɔwale Mikaya nwo berɛ ɔɔbɔle ye so anu, na obisale kyɛ, “Aso AWURADE Sunzum kosa me nwo kodwudwo kohyire wɔ?”

2 Ahemvo 17:13

Né AWURADE nate ngɔmhyɛlɛfoɛ amukoraa ne ye mmenia bɔ bɛse ase amukoraa so wabɔ Yisrael ne Yuda kɔkɔ kyɛ, “Ɛmɔhwe ɛmɔ nwo béfi ɛmɔ bɔne nwo, ná ɛmɔli me mmeraa dwirɛ ne m’ahyɛdeɛ so, kyɛbɔ mmeraa bɔ nhyehyɛle mane ɛmɔ nana mɔ, bɔ nnate me somvoɛ ngɔmhyɛlɛfoɛ so mva mmrɛle ɛmɔ ne, ɔte ne ala.”

1 Aberɛso Dwirɛ 19:4

Yiti Hanun hyele Dawide ɛbɔfoɛ nemɔ, ɔpoane ebiala kanza, ɔpepɛle bɛ ndaadeɛ nemɔ nekaa bɔ ɔkata bɛ bo ne guale, na ɔfoane bɛ maa bɛhɔle.

2 Aberɛso Dwirɛ 16:10

Asa fɛle biaa bɔ ɔse ase ne aso yaa, na Asa bɔle ye panwu fale ye tole kuku nu, ofikyɛ edwirɛ ne mane Asa fɛle yaa paa. Afei sɔ mmerɛ ne, Asa tanene maen ne anu ama nemɔ bie nye.

Nehemia 9:26

“Nakoso bɛyɛle asoserɛ, na bɛyɛle wɔ nwo lɔen, bɛfale wɔ mmeraa ne bɛtole ahameɛ, na wɔ ngɔmhyɛlɛfoɛ bɔ bɛbɔle bɛ kɔkɔ kyɛ besa beeli wɔ si ne, behuhuni bɛ maa ɔnate so bɛbɔle musue mbiri mbiri paa.

Nehemia 9:30

Afoɛ pee yeɛ enyane bɛ nwo aboterɛ ɔ, na ɛnate wɔ Sunzum so fale wɔ ngɔmhyɛlɛfoɛ so bɔle bɛ kɔkɔ; nakoso bandie. Yiti ɛfale bɛ wurale aseɛ nemɔ aso ama bɛ sa.

Edwein 1:3

Ɔte kyɛ bakaa bɔ balua ye asue noa, bɔ osu ye mma wɔ mmerɛ bɔ odi kyɛ osu ɔ nu, bɔ ye nyaa ɔngese ɔ. Nikyee bɔ ɔyɔ biala, oyie ye yé.

Yeremia 2:30

Ɛhwenɛ bɔ mahwe ɛmɔ mma mɔ bɛ so ne, wayɛ mbaen, bande fo. Ɛmɔ bɔbɔ ɛmɔ ngrandɛ yeɛ wahũ ɛmɔ ngɔmhyɛlɛfoɛ kyɛ gyata bɔ ye nye aboro ɔ.

Yeremia 20:2

Yeɛ Pasure bole ngɔmhyɛlɛniɛ Yeremia, na ɔbɔle ye panwu wɔ Benyamin anoa piri bɔ opingye AWURADE awuro berɛ ne, ye sorɔ dɔ.

Yeremia 35:15

Mahɔ so masoma me somvoɛ ngɔmhyɛlɛfoɛ amukoraa wɔ ɛmɔ berɛ dee kyɛ, ‘Odi kyɛ ɛmɔ anu biala sakyera ye adwene wɔ ye bɔne atee nwo, ná ɔbɔ bra paa; na nnɛma ɛmɔkodi nyameɛ foforɛ mɔ si bɛso bɛ, amaa ɔnate so ɛmɔatena aseɛ bɔ mva mane ɛmɔ ne ɛmɔ nana mɔ ne aso. Nakoso ɛmɔanyɛ asoɛ bandie me dwirɛ.

Yeremia 5:24

Bɛndwene ye nwo kyɛ, ‘Ɛ́mɔma yɛsuro AWURADE yɛ Nyameɛ bɔ ɔma esue tɔ wɔ mmerɛ bɔ ɔsɛ ɔ nu, bamborɔ ne nyenyenzue, ná ɔnea kyɛ fieso nningyein koti mmerɛ bɔ yeɛ ɔsɛ ɔ nu.’

Luka 13:34

“O, Yerusalem, Yerusalem, wɔ bɔ eku ngɔmhyɛlɛfoɛ ná ɛboro bɛ bɔ basoma bɛ wɔ berɛ nyɔboɛ ɔ! Mmerɛ nyɛɛ ɛhe yeɛ mbenane kyɛ ahaa meboaboa wɔ mma noa, kyɛbɔ akɔtaen boaboa ye mma noa wura ye ndaa bo ɔ, nakoso ɛmɔambene so!

Luka 20:11

Na ɔsomane somvoɛ foforɛ; na ye koso bɛbole ye beguale ye nyunu ase, na bɛmaa osa hɔle nzanza.

Luka 20:9

Na Yesu hyɛle ye bo buli anyandera he hyirele mmenia nemɔ kyɛ, “Biaa bie yɔle bobe boo, ɔfa wurale hwɛsofoɛ biemɔ sa, na otuli atee hɔle maen bie aso dedeede ɔɔhyɛle.

Yohane 15:16

Nna ɛmɔ yeɛ ɛmɔaneanea nu baye me ɔ, na mmom me yeɛ maneanea nu maye ɛmɔ ɔ. Na matu ɛmɔ masie berɛ kyɛ ɛmɔhɔ beesu mmaa, ná ɛmɔ mmaa ne bɛhɔ so bɛtena berɛ; na nikyee biala bɔ ɛmɔkobisa Baba ne wɔ me dumaa nu nen, ɔkɔfa kɔma ɛmɔ.

Romanfoɛ 7:4

Aliɛmaa mɔ, sɔ ala yeɛ ɛmɔ koso bɛnate Kristo nipadua so ɛmɔawu bama mmeraa ne ɔ, bɔ ɔnate so ebiala te obiɛngo deɛ ɔ, bɔ ɛmɔte bɔ batingye ye bafi ewue nu ne deɛ ɔ, kyɛbɔ ɔkɔyɛ bɔ yɛkosu mmaa yɛkɔma Nyameɛ ɔ.