Luka 2:9 - AHYERƐLƐ KRONGRON

⁹ Na Awurade abɔfo yele ye nwo ali hyirele bɛ, na Awurade animnyam tale bɛ nwo bra yiale, na ɛserɛ hane bɛ paa.

Luka 2:9 Iomraidhean Croise

1 Ahemvo 8:11

maa ɔnate munungum ne ati asɔfo nemɔ bangora bandoa so banyɔ ɛsɔnenɛ adwuma ne; ofikyɛ AWURADE animnyam yili AWURADE awuro berɛ tɛkyɛ.

Ɛksadɔso 16:10

Na Aarɔn noa wɔ so bɔ odwudwo kyire Yisrael ɛlɔen nen, bɛtole bɛ nye bɛneane ɛserɛ ne aso dɔ, na mvum nu, AWURADE animnyam yele ye nwo ali wɔ munungum ne anu.

Ɛksadɔso 16:7

Na ngyerɛmɔ koso ɛmɔkonwu AWURADE animnyam, ofikyɛ AWURADE anwu kyɛ ɛmɔpenepene bɛ komvi begua ye so. Na yɛ de, yɛ ole nwa bɔ ɛmɔpenepene bɛ komvi begua yɛ so ɔ?”

Yesaya 35:2

Ɔkɔbɔ nyerɛen pee, na ɔkɔfa anika kɔto dwein koli ahurusi. Bɛkɔfa Lebanon animnyam ne bɛkɔma ye, Kamɛl ne Saron nyemene ne, bɛ yeɛ bekonwu AWURADE animnyam ne, yɛ Nyameɛ tumi ne ɔ.

Yesaya 40:5

Na AWURADE animnyam ne kɔla ali, na anwoɔnaen amukoraa kɔbɔ nu konwu ye, ofikyɛ AWURADE noa dwirɛ ɛne.”

Yesaya 60:1

Dwɔso, ta hyireinn, ofikyɛ wɔ kanea ne wawa, yeɛ AWURADE animnyam ne apukye wɔ so.

Hesekiel 3:23

Yiti ndwɔsole nzili nu ngɔle bɔnza ne anu, na yieee, né AWURADE animnyam ne gyi berɛ, bɔ ɔte kyɛ animnyam bɔ nwuni ye wɔ asue Kebare noa ne ala ɔ; na mvale me nyunu mmutuli ase.

Mateo 1:20

Na ogu so ɔfa ɛhe nwo adwene ne, Awurade abɔfo yele ye nwo ali hyirele ye wɔ laleɛ nu, na osele ye kyɛ, “Yosef, Dawide bosoniɛ, nnɛsuro kyɛ ɛkɔfa ɛye Maria ɛkɔwa w’awuro ɔ; ɔnate kyɛ bɔ ɔnwonzɛ ye ne ofi Sunzum Krongron nu.

Luka 1:28

Na abɔfo ne wale ye berɛ oosele kyɛ, “Asomdwee hã wɔ! Wɔ bɔ balo wɔ ɔ, Awurade gyi wɔ si!”

Luka 2:8

Né mmoaenneafoɛ biemɔ bɛwɔ porɛ ne anu berɛ ɛserɛ so, bɔ bɛ́nea bɛ mmoaen kure so kɔngɔen ne ɔ.

Luka 24:4

Na ɔwale kyɛ, ɛhe maa bɛyɛle basaa, na mvum nu, mmienzua nyɔ bɔ bɛ ndaadeɛ te fufue hyɛnhyɛnn ɔ beegyinane bɛ nwo berɛ.

Yohane 12:41

Yesaya hane sɔ, ofikyɛ onwuni ye animnyam, na ɔhane ye nwo dwirɛ.

Asomafoɛ 12:7

Aworafire nu, Awurade abɔfo wale kuku nu berɛ, na sua ne anu tale hyireinn. Abɔfo ne pusupusuli Petro maa otingyele, na osele ye kyɛ, “Dwɔso ndɛ!” Na berɛ ne ala ngɔnzɔngɔnzɔ ne fili ye sa puro guale.

Asomafoɛ 27:23

Ɔnate kyɛ, ɛnɛ kɔngɔen ye, Nyameɛ bɔ nde ye deɛ ná meso ye n’abɔfo wale me berɛ,

Asomafoɛ 5:19

Nakoso kɔngɔen ne, Awurade abɔfo wale oobukyele kuku nu anoa nemɔ, na ɔyele bɛ fili kuku nu berɛ fitele, na osele kyɛ,

2 Korintofoɛ 3:18

Baye yɛ mukoraa yɛ nyunu ngatanyunu ne, yiti yɛnwu Awurade animnyam ne kyɛ yɛnea neanu nu ɔ, na Awurade Sunzum ne gu so ɔsesã yɛ maa yɛnya ye sue ne bie yɛfi animnyam nu yahɔ animnyam nu.

2 Korintofoɛ 4:6

Ofikyɛ Nyameɛ bɔ ɔmane kanea fili awosii nu tale ne, wata hyireinn wɔ y’ahone nu, kyɛ Nyameɛ animnyam nwo nimdeɛ kanea bɔ ɔwɔ Yesu Kristo nyunu ne.

1 Timoteo 3:16

Aporowaa biala nne ye nwo kyɛ nyamesom nu mvealeɛ nu dwirɛ ne ɔte piri: Nyameɛ lale ye nwo ali anwoɔnaen nu, olili be wɔ Sunzum nu; abɔfo mɔ nwuni ye, bɛbɔle ye nwo dawure wɔ maen maen nu; belele ye belili wɔ wiase, na bɛfale ye bɛhɔle nyameɛso animnyam nu.

Hebrifoɛ 12:21

Na bɔ osili berɛ ne, kyɛbɔ ye suronyi si te ne ati, ɔmaa Mose hane kyɛ, “Mesuro, na me nwo wosowoso me.”

Nyekyire 18:1

Na ɛhemɔ asi ne, nwuni abɔfo foforɛ kyɛ ofi nyameɛso odwu ba ɔ. Né ole tumi piri, na ye animnyam tale aseɛ so.

Nyekyire 20:11

Afei nwuni ahennie bia fufue pirikua bie ɔne bɔ ɔte so ne, bɔ aseɛ ne nyameɛso nwati fili ye nyunu ne; na bannya nekaa bamma bɛ.