Luka 2:47 - AHYERƐLƐ KRONGRON

⁴⁷ Na bɛ bɔ betiele ye ne amukoraa, ye nworɛ ne ye mmuayɛɛ ne yɛle bɛ nwanwa.

Luka 2:47 Iomraidhean Croise

Edwein 119:99

Me nimdeɛ tra bɛ bɔ bekyire me nikyee amukoraa, ofikyɛ wɔ noa dwirɛ nwo yeɛ medwenedwene ɔ.

Mateo 13:54

Na ɔhɔle ye bɔbɔ ye kuro nen, ɔyɛle ngyerɛkyerɛ hyirele bɛ wɔ bɛ nyianu sua nu maa bɛ nwo dwirili bɛ, na bebisale kyɛ, “Nisua yeɛ biaa he onyane sɔ nworɛ ne anwanwadeɛ tumi hemɔ fili ɔ?

Mateo 22:33

Na ɛlɔen ne tele ɛhe nen, ye ngyerɛkyerɛ ne yɛle bɛ nwanwa.

Mateo 7:28

Yesu yiele sɔ dwirɛ nemɔ kã nen, ɛlɔen ne nwo dwirili bɛ wɔ ye ngyerɛkyerɛ ne anwo,

Marko 1:22

Ye ngyerɛkyerɛ ne mane bɛ nwo dwirili bɛ, ofikyɛ ohyirehyirele bɛ kyɛ ebie bɔ ole tumi ɔ, na wanyɔ ye kyɛ ahyerɛlɛfoɛ nemɔ deɛ ne bie.

Marko 11:18

Na asɔfo mbanyi ne ahyerɛlɛfoɛ nemɔ bɛtele sɔ dwirɛ ne nen, bɛpenane atee bɔ bɛkɔfa so bekohu ye ɔ; nakoso né besuro ye, ofikyɛ ye ngyerɛkyerɛ ne yɛle ɛlɔen ne amukoraa nwanwa.

Marko 6:2

Na afofikyẽa dwuli nen, ɔhyɛle ye bo yɛle ngyerɛkyerɛ wɔ nyianu sua nu. Mmenia wora bɔ bɛtele ye ngyerɛkyerɛ nen, bɛ nwo dwirili bɛ, na bɛhane kyɛ, “Nisua yeɛ biaa he oosuane ɛhemɔ ye? Nworɛ beni yeɛ bafa bama ye sɔa ye? Ɔyɛ sɛɛ yeɛ ɔyɔ anwanwadeɛ hemɔ ye?

Luka 2:18

Na edwirɛ bɔ mmoaenneafoɛ nemɔ hane ne, ɔyɛle ebiala bɔ ɔtele ne nwanwa.

Luka 2:46

Na ɔwale kyɛ, ye ɛlɛsa ne aso, beenwuni ye wɔ asɔneyɛɛ sua ne anu kyɛ ɔte akyerɛkyerɛfoɛ mɔ b’afia, bɔ ótie bɛ ná óbisabisa bɛ dwirɛ ɔ.

Luka 4:22

Na bɛ mukoraa bɛhane edwirɛ paa bɛfale Yesu nwo, na ye noa dwirɛ bɔ ɔte adom dwirɛ ne ɔyɛle bɛ nwanwa; nakoso bebisale kyɛ, “Aso nna Yosef awa ne ɛhe anaa?”

Luka 4:32

Ye ngyerɛkyerɛ ne yɛle bɛ nwanwa, ofikyɛ né tumi wɔ ye dwirɛ ne anu.

Yohane 7:15

Na ɔyɛle Yudafoɛ nemɔ nwanwa maa bɛhane kyɛ, “Ɔyɛle sɛɛ bɔ biaa he nyane nimdeɛ sɔa ɔ, wɔ aberɛ bɔ ossuane nwomaa biala ɔ?”

Yohane 7:46

Na asomvoɛ nemɔ buale kyɛ, “Sona biala nne berɛ bɔ wadwudwo kyɛ biaa he ɔ le!”