Luka 2:40 - AHYERƐLƐ KRONGRON

⁴⁰ Na akwadaa ne nyini, na ɔyɛle se sunzum nu, na onwuni nworɛ paa, na né Nyameɛ adom wɔ ye so.

Luka 2:40 Iomraidhean Croise

Edwein 22:9

Nakoso wɔ yeɛ ɛyele me fili me ni akunu ɔ; ndua me maame nyɔfone noa ne, wɔ yeɛ ɛbɔle me nwo waen ɔ.

Edwein 45:2

Wɔ nwo yɛ nyemene tra sona biala; wɔ noa dwirɛ yɛ fɛ, yiti Nyameɛ ayira wɔ afebɔɔ.

Luka 1:80

Na akwadaa ne nyini, na ɔyɛle se sunzum nu, na ɔtenane ɛserɛ so maa oodwuli kyẽa bɔ ɔyele ye nwo ali hyirele Yisrael ɔ.

Luka 2:47

Na bɛ bɔ betiele ye ne amukoraa, ye nworɛ ne ye mmuayɛɛ ne yɛle bɛ nwanwa.

Luka 2:52

Na Yesu nyini nworɛ ne nipadua nu, yeɛ onyane adom wɔ Nyameɛ ne sona nyunu.

Yohane 1:14

Na Edwirɛ ne ɔɔyɛle anwoɔnaen, na ɔne yɛ ɛɛtenane, na yɛnwuni ye animnyam kyɛ Baba n’Awa bɔ ɔwole ye komapɛ twe n’animnyam, na adom ne nahorɛ ayi ye tɛkyɛ.

Asomafoɛ 4:33

Asomafoɛ ne fale tumi so lili Awurade Yesu wutingyelɛ ne nwo adanzeɛ, na Nyameɛ hwiele adom pee guale bɛ mukoraa so.

Ɛfesofoɛ 6:10

Bɔ ɔpɛ ye bo ɔ, aliɛmaa mɔ, ɛ́mɔma ɛmɔ nwo yɛ se wɔ Awurade nu, ɔne ye anwoserɛ tumi ne anu.

2 Timoteo 2:1

Yiti mma, ma wɔ nwo yɛ se wɔ adom bɔ ɔwɔ Kristo Yesu nu ne anu.

Maenbulɛfoɛ 13:24

Braa ne wole bienzua na ɔtole ye dumaa Samson. Akwadaa ne nyini, na AWURADE yirale ye.

1 Samuel 2:18

Né Samuel de, ɔte akwadaa bɔ ɔso AWURADE ɔ. Né owura ɔsɔfo somvoɛ ataadeɛ bɔ ɔte nwera ɔ.

1 Samuel 2:21

AWURADE lole Hana, ɔnwonzɛle, na osa wole mmienzua nza ne mmrasua nyɔ. Na akwadaa Samuel nyini wɔ AWURADE solɛ adwuma ne anu.

1 Samuel 2:26

Abɛɛmaa Samuel hɔle so nyini, na ɔsɔle AWURADE ne kuro sona nye.

1 Samuel 3:19

Na Samuel de onyi ne, AWURADE gyinane ye si, na edwirɛ biala bɔ Samuel hane ne, AWURADE maa ɔwale nu.