Luka 2:4 - AHYERƐLƐ KRONGRON

⁴ Na Yosef koso, ofili Nasarɛte bɔ ɔwɔ Galilea sili nu hɔle Dawide kuro Betlehem bɔ ɔwɔ Yudea, ɔnate kyɛ né ofi Dawide awuro ne ye abusua nu.

Luka 2:4 Iomraidhean Croise

Gyenesise 35:19

Yiti Rahɛl wuli, na besiele ye wɔ Efrate (bɔ besa bɛfrɛ ye Betlehem) atee ne aso dɔ.

Gyenesise 48:7

Ofikyɛ mvi Padan méba ne, atee nu, ɔhale kãa maa yɛdwu Efrate ne, Rahɛl wuli Kanaan aseɛ so mane me wora bɔle, na nziele ye wɔ Efrate (bɔ ye ole Betlehem) atee nu.”

Mika 5:2

Nakoso wɔ, ao Betlehem Efrata, ɔwɔ nu kyɛ ɛte kãa wɔ Yuda nguro nemɔ anu de, nakoso bɔ ɔkɔyɛ Yisrael maenbulɛniɛ ne, bɔ ye ahyɛaseɛ fi tete, bɔ ofi mmerɛ bɔ olle ahyɛaseɛ ne, wɔ yeɛ okofi wɔ nu kɔwa kɔma me ɔ.

Mateo 1:20

Na ogu so ɔfa ɛhe nwo adwene ne, Awurade abɔfo yele ye nwo ali hyirele ye wɔ laleɛ nu, na osele ye kyɛ, “Yosef, Dawide bosoniɛ, nnɛsuro kyɛ ɛkɔfa ɛye Maria ɛkɔwa w’awuro ɔ; ɔnate kyɛ bɔ ɔnwonzɛ ye ne ofi Sunzum Krongron nu.

Mateo 2:23

Na ɔhɔle kuro bie bɔ bɛfrɛ ye Nasarɛte so ɔɔtenane berɛ. Na ɛhe mane bɔ ngɔmhyɛlɛfoɛ nemɔ hane ne wale nu kyɛ, “Bɛkɔfrɛ ye Nasarɛteniɛ.”

Luka 2:3

Na mmenia mukoraa bɛhɔle bɛ kuro bɛɛhyerɛle bɛ dumaa.

Luka 2:5

Ɔɔhyerɛle ye ne ye asiwa Maria bɔ né y’aworɛ apingye ne dumaa.

Luka 4:16

Yesu hɔle Nasarɛte, nekaa bɔ bɛtetele ye ne; na afofikyẽa ne, kyɛbɔ ɔyɔ ye daa ne, ɔhɔle nyianu sua nu. Na odwɔso gyinane berɛ kyɛ ɔbaakenga.

Yohane 1:46

Na Nataneɛl bisale ye kyɛ, “Aso nikyee paa bie kɔhora kofi Nasarɛte kɔwa?” Yeɛ Filipo buale ye kyɛ, “Bra baanea.”

Yohane 7:42

Ahyerɛlɛ ne, aso wanga kyɛ Kristo ne kɔyɛ Dawide bosoniɛ, na Betlehem kuro bɔ Dawide tenane so ne anu yeɛ okofi ɔ?”

Rutu 1:19

Yiti bɛ munyɔ besili nu bɛhɔle beedwuli Betlehem. Na beedwuli Betlehem nen, ɔnate bɛ ti, kurotue ne amukoraa bɔle twi, na mmrasua nemɔ bisale kyɛ, “Yiti Naomi ɛhe?”

Rutu 2:4

Sɔ mmerɛ ne, Boase fili Betlehem wale. Ɔha hyirele ayuotelɛfoɛ nemɔ kyɛ, “AWURADE gyina ɛmɔ si oo.” Na bebuale ye kyɛ, “AWURADE yira wɔ oo.”

Rutu 4:11

Yeɛ mmenia bɔ né baayia pambim ne anu berɛ ne amukoraa, bɛ ne mbanyi nemɔ bebuale kyɛ, “Yɛdi adanzeɛ. Braa ye bɔ ɛkwaagya ye ba w’awuro ne, AWURADE ma ɔyɛ kyɛ Rahɛl ne Lea, bɔ bɛ munyɔ yeɛ besuli Yisrael awuro ama nen. AWURADE ma wɔ boso trɛ wɔ Efrata, ná ɛyɛ sona titire wɔ Betlehem.

Rutu 4:17

Mandamu berɛ mmrasua nemɔ tole akwadaa ne dumaa, na bɛhane kyɛ, “Bawo baa bienzua bama Naomi.” Bɛtole ye dumaa Obɛde; na ye yeɛ ɔwole Yese, bɔ yeɛ ɔte Dawide baba ne.

1 Samuel 16:1

AWURADE bisale Samuel kyɛ, “Kyinzu koraa yeɛ ekoli Sɔɔlo nwo aworabɔlɛ maa okoodwu ɔ? Maye me sa mafi ye bo maa ye sɔ ati ɔtte Yisrael so hene ko. Fa ngoo gua wɔ towaa ne anu ná si nu kɔ. Mésoma wɔ Betlehemniɛ Yese berɛ, ofikyɛ ye mma nemɔ anu ko yeɛ me bɔbɔ maye ye kyɛ oli hene ɔ.”

1 Samuel 16:4

Samuel yɔle bɔ AWURADE hyɛle ye ne, na ɔhɔle Betlehem. Kuro berɛ mbanyi fale ahunundetelɛ beeyiale ye, na bebisale ye kyɛ, “W’atee so bɔkɔɔ de?”

1 Samuel 17:12

Dawide baba li Yese. Ɔte Efrateniɛ. Ofi Betlehem bɔ ɔwɔ Yudea. Né Yese le mmaa mmienzua mmɔtwɛ. Na Sɔɔlo aberɛ so ne, né sɔ biaa ne wanyi wayɛ aworowaa.

1 Samuel 17:58

Na Sɔɔlo bisale ye kyɛ, “Aberandeɛ, nwa awa ole wɔ?” Yeɛ Dawide buale kyɛ, “W’akoaa Yese, Betlehemniɛ ne, ɔwa ole me.”

1 Samuel 20:6

Sɛ wɔ baba bisa me boso a, ka kyɛ, ‘Dawide srɛle me ate serɛserɛ kyɛ ɔ́bɔ hwii kɔ ye kuro Betlehem, ofikyɛ ye abusua ne amukoraa bɛ́bɔ afoɛnoa afɔleɛ wɔ berɛ.’