Luka 2:37 - AHYERƐLƐ KRONGRON

³⁷ Né ɔte kunaniɛ bɔ wali afoɛ kɔyɛ aburawɔtwɛ ne nna; na daa biala né ɔwɔ asɔneyɛɛ sua nu berɛ, bɔ eyia ne kɔngɔen ole akɔngyere ne mbaeɛbɔlɛ ɔsɔne Nyameɛ ɔ.

Luka 2:37 Iomraidhean Croise

Edwein 22:2

Ao me Nyameɛ, alehyeleɛ biala mesu mefrɛ wɔ, nakoso ɛndɛ me so; mesu mefrɛ wɔ kɔngɔen biala, nakoso me nwo ndɔ me.

Edwein 23:6

Amba, saleɛ ne anwumvoinnwunɛ bekoli me si wɔ mmerɛ bɔ nde ngoa nu amukoraa, na ngɔtena AWURADE awuro afebɔɔ.

Edwein 27:4

Nikyee komapɛ yeɛ masrɛ AWURADE ɔ, sɔ nikyee ne yeɛ mepena ye si atee ɔ: ye ole kyɛ ngɔtena AWURADE awuro mmerɛ bɔ nde ase amukoraa, ná manea AWURADE animnyam, ɔne kyɛ me ne ye yɛkoli ngitahoɛ wɔ ye asɔneyɛɛ sua nu ɔ.

Edwein 84:10

Ofikyɛ ɛlɛhomapɛ bɔ ngoli ye wɔ w’aluo berɛ ne, ɔte paa tra ngyẽa apee bɔ ngoli ye nekaa bie ɔ. Mekuro kyɛ ngɔyɛ me Nyameɛ awuro berɛ anoa wɛmvoɛ tra kyɛ ngɔtena bɔnefoɛ ɛtena sua nu ɔ.

Edwein 84:4

Bɛ bɔ bɛtena w’awuro berɛ ne, benya saleɛ, na bɛto wɔ nwo ayɛyelɛ dwein daa. Sela

Edwein 92:13

Balua bɛ wɔ AWURADE awuro, na befifi frɔmfrɔm wɔ yɛ Nyameɛ aluo berɛ.

Ɛksadɔso 38:8

Ɔyɔle kɔɔbere ayaa, na ye nyinasoɛ ne koso te kɔɔbere. Na mmrasua bɔ bɛso wɔ ɛtena sua atenaleɛ anoa nu berɛ ne, bɛ neanu mɔ yeɛ ɔfa yɔle ɔ.

Luka 5:33

Na besele Yesu kyɛ, “Yohane asuafoɛ nemɔ bɛtaa bɛyɔ akɔngyere ná bɛbɔ mbaeɛ, yeɛ Farasiifoɛ b’asuafoɛ koso bɛyɔ sɔ ala; nakoso w’asuafoɛ nemɔ de, bedidi ná bɛno.”

Asomafoɛ 13:3

Bɛyɔle akɔngyere, bɛbɔle mbaeɛ, bɛfale bɛ sa beguale Banaba ne Sɔɔlo so, na beguale bɛ ate.

Asomafoɛ 14:23

Na besili asɔre biala nu mbanyi bɛmane bɛ, na bɛfale mbaeɛbɔlɛ ne akɔngyere betuli bɛ bewurale Awurade bɔ bale ye bali ne sa.

Asomafoɛ 26:7

Na sɔ bɔhyɛ komapɛ ne ala yeɛ yɛ mmusua kure buru ne nyɔ ne bɛ nye la so kyɛ bekonya ɔ, na bɛsɔne Nyameɛ alehyeleɛ ne alesaleɛ biala. Nana Agripa, ɔnate anyelasoɛ he ati yeɛ Yudafoɛ afa edwirɛ ato me so ye.

1 Timoteo 5:5

Brasua kunaniɛ bɔ olle bie, bɔ waha ye ngome ne, ɔfa ye nye to Nyameɛ so, na otu ye nwo sie berɛ ma ngotosrɛ ne mbaeɛ kɔngɔen ne eyia.

Nyekyire 3:12

Na bɔ odi ngonim ne, ngɔyɛ ye bonima wɔ me Nyameɛ asɔneyɛɛ sua ne anu; na ongofi nu ngofite ko. Na me Nyameɛ dumaa, ɔne me Nyameɛ kuro dumaa, bɔ ɔte Yerusalem foforɛ ne, bɔ ofi nyameɛso ɔba ase fi me Nyameɛ berɛ, ɔne me dumaa foforɛ ne, ngɔhyerɛ ngogua ye nwo.

Nyekyire 7:15

Na ye sɔ ati yeɛ bɛwɔ Nyameɛ ahennie bia ne nyunu, ná bɛsɔne ye alehyeleɛ ne alesaleɛ wɔ ye asɔneyɛɛ sua nu ɔ; na bɔ ɔte ahennie bia ne aso ne, ɔkɔfa ye tena sua ne kɔkata bɛ so.

1 Samuel 2:2

Ebiala nne berɛ bɔ ɔte krongron kyɛ AWURADE ɔ, amba, ebiala nne berɛ bɔ ɔte kyɛ wɔ ɔ; Nyɔbotaen biala nne berɛ bɔ ɔte kyɛ yɛ Nyameɛ ɔ.