Luka 2:32 - AHYERƐLƐ KRONGRON

³² kanea bɔ ɔkɔla wɔ ali kohyire Amaenmaensofoɛ ɔ bɔ ɔte wɔ maen Yisrael animnyam ne.”

Luka 2:32 Iomraidhean Croise

Edwein 85:9

Amba, ye ngoalelɛ pingye bɛ bɔ besuro ye ɔ, na ye animnyam ne kɔtena ye aseɛ ne aso.

Yesaya 11:10

Sɔ kyẽa ne, Yese ndii ne kogyina berɛ kɔyɛ frangaa kɔma maen ne; maen maen kɔpena ye si atee, na nekaa bɔ ɔte ne kɔyɛ animnyam nekaa.

Yesaya 4:2

Sɔ kyẽa ne, AWURADE (bakaa) mmaen ne kɔyɛ nyemene, okonya animnyam, na aseɛ ne aso mmakaammaa kɔyɛ anwohoahoa nikyee ne animnyam kɔma Yisrael mmenia bɔ banya bɛ ti badidi nu ne.

Yesaya 45:25

AWURADE nu yeɛ Yisrael boso ama mukoraa bekoli ngonim bekonya animnyam ɔ.”

Yesaya 49:6

Ɔnwa nyoo: “Kyɛ ɛkɔyɛ me somvoɛ, kyɛ ɛkɔpagya Yakob mmusua kure nemɔ, ɔne kyɛ ɛkɔfa Yisraelfoɛ bɔ banya bɛ ti badidi nu ne ekosa kɔwa ne, aso ɔte adwuma ba? Ngosa ngɔfa wɔ ngɔyɛ kanea ngɔma maen maen mɔ, amaa ɔnate so ama me ngoalelɛ waadwu aseɛ so nekaa biala.”

Yesaya 49:9

ná ɛkã kyire kukunufoɛ kyɛ, ‘Ɛ́mɔfite bɛbra!’ ɔne bɛ bɔ bɛwɔ awosii nu kyɛ, ‘Ɛmɔbra pandann nu!’ Atee nemɔ noa yeɛ bekodidi ɔ, na pambaa amukoraa bɔ so te pralaa ne, bekonya aleɛ wɔ so.

Yesaya 51:4

“Me mmenia, ɛ́mɔtie me yé, me maen, yɛ asoɛ tie me; ofikyɛ mmeraa kofi me berɛ kɔwa, na me ndɛenbualɛ kɔyɛ kanea kɔma maen maen mɔ.

Yesaya 60:19

“Nna eyia yeɛ ɔkɔyɛ wɔ kanea alehyeleɛ ɔ ko, yeɛ nna ɛsraen yeɛ ɔkɔta hyireinn kɔma wɔ alesaleɛ nu ɔ, na mmom AWURADE yeɛ ɔkɔyɛ wɔ kanea afebɔɔ ɔ, na wɔ Nyameɛ kɔyɛ w’animnyam.

Yesaya 9:2

Maen bɔ né ɔnate awosii nu ne, wanwu kanea piri ne, bɛ bɔ né bɛte awosii kabii aseɛ so ne, kanea ata bɛ so.

Yeremia 2:11

Aso maen bie wasesã ye nyameɛ mɔ, bɔ ye po nna nyameɛ mɔ ahɔ ɔ? Nakoso me maen de, wafa nningyein bɔ mvasoɛ nne so ɔ wasesã ye animnyam.

Sakaria 2:5

Ofikyɛ me bɔbɔ, ngɔyɛ ye see fasue ngɔpɛ ye nwo ngɔbra ngoyia, AWURADE noa dwirɛ ɛne, na ngɔyɛ ye nu animnyam.’ ”

Mateo 4:16

maen bɔ ɔte awosii nu ne, wanwu kanea hyireinn; na bɛ bɔ bɛte ewue aseɛ awosii kabii so ne, kanea bie apukye ama bɛ.”

Luka 2:10

Na abɔfo ne sele bɛ kyɛ, “Nnɛma ɛmɔsuro, na ɛ́mɔtie, ndɛenvɛen bɔ ɔte anigye piri paa bɔ ɔkɔyɛ maen maen amukoraa bɛ deɛ yeɛ mefa mebrɛ ɛmɔ ɔ;

Luka 2:31

bɔ asiesie wɔ maen maen amukoraa bɛ nyunu ne,

Asomafoɛ 26:23

kyɛ Kristo ne konwu amaneɛ okoli moa kodwɔso kofi awufoɛ nu ná wabɔ kanea ne nwo dawure wahyire Yudafoɛ ne Amaenmaensofoɛ.”

Asomafoɛ 28:28

Afei Pɔɔlo dwurale ye dwirɛ ne kyɛ, “Mema ɛmɔnwu ye kyɛ bafa Nyameɛ ngoalelɛ nwo dwirɛ ne baama Amaenmaensofoɛ, na bekotie koso!” [

1 Korintofoɛ 1:31

Ɛhe ati, bahyerɛ kyɛ, “Ebiala bɔ ɔhoahoa ye nwo ne, maa ɔhoahoa ye nwo wɔ Awurade nu.”

Nyekyire 21:23

Na kuro ne nhia kyɛ eyia kɔbɔ nu anaa ɛsraen kɔta nu ɔ, ofikyɛ Nyameɛ animnyam ta wɔ nu, na Boaen Ba ne yeɛ ɔte ye kanea ɔ.