Luka 2:27 - AHYERƐLƐ KRONGRON

²⁷ Na Sunzum ne kanyane ye maa ɔhɔle asɔneyɛɛ sua ne anu berɛ. Na mmerɛ bɔ awofoɛ ne fale akwadaa Yesu bɛwale kyɛ bɛbaayɔ kyɛbɔ mmeraa ne ahyehyɛ bɛma ye ne,

Luka 2:27 Iomraidhean Croise

Yeremia 32:11

Na mvale aseɛ tɔnenɛ nwo ngrataa, bɔ bagyina mmeraa ne amammerɛ so bafa nzɔanoɛ basɔ ye noa ne, ɔne bɔ bamva nzɔanoɛ banzɔ ye noa ne,

Mateo 4:1

Afei Sunzum ne fale Yesu hɔle ɛserɛ so kyɛ abɔnzam ooso ye nea.

Luka 2:22

Na bɛ nwo petenɛ mmerɛ dwuli, kyɛbɔ Mose mmeraa ne kyire ne, bɛfale ye bɛhɔle Yerusalem kyɛ bɛkwaafa ye bɛma Awurade;

Luka 2:28

Simeon lele akwadaa ne tole ye sa so, na ɔyele Nyameɛ ayɛ kyɛ,

Luka 2:41

Afoɛnoa biala, né ye awofoɛ bɛkɔ Abɔtra aluolue ne abo wɔ Yerusalem.

Luka 2:48

Na benwuni ye nen, bɛ nwo dwirili bɛ, na ye maame sele ye kyɛ, “Mma, nzikyɛ dwirɛ yeɛ afa ali yɛ sɔa ye? Tie, me ne wɔ baba yɛle ahunundetelɛ yeɛ yapena wɔ ɔ.”

Luka 2:51

Na ɔne bɛ besa bɛhɔle Nasarɛte, na ɔbrɛle ye nwo ase mane bɛ. Na ye maame fale edwirɛ hemɔ amukoraa siele ye ti anu.

Luka 4:1

Na Yesu, bɔ Sunzum Krongron ayi ye nu tɛkyɛ ne, ofili Yɔɔdan nwo dɔ wale, na Sunzum ne fale ye hɔle ɛserɛ so,

Asomafoɛ 10:19

Na Petro gu so ɔdwenedwene nyekyire ne nwo nen, Sunzum ne sele ye kyɛ, “Nea, mmenia nza bie bɛpena wɔ.

Asomafoɛ 11:12

Na Sunzum ne hã hyirele me kyɛ me ne bɛ yɛhɔ, na nnɛmaa meyɛ nyeyemuɛ. Sɔ aliɛmaa nzia hemɔ koso bɛbokale me so yeɛ yɛhɔle biaa n’awuro berɛ ɔ.

Asomafoɛ 16:7

Na bedwuli Misia manzini ndendeneɛ so ne, bɛyɛle kyɛ bɛkɔ Bitinia, nakoso Yesu Sunzum ne amma bɛ ate.

Asomafoɛ 8:29

Na Sunzum ne sele Filipo kyɛ, “Kɔ teaseɛnam ne anwo berɛ!”

Galatiafoɛ 4:4

Nakoso mmerɛ bɔ Nyameɛ ahyehyɛ ato berɛ ne dwuli ne, ɔsomane Ɔwa ne maa ɔwale. Brasua yeɛ ɔwole ye ɔ, na bɛwole ye bewurale mmeraa ne abo,

Nyekyire 1:10

Né nwɔ Sunzum nu wɔ Awurade kyẽa ne, na ndele komviɛ piri bie wɔ me si dɔ, bɔ ɔte kyɛ totorobɛndo ɔ kyɛ,

Nyekyire 17:3

Yiti ɔfale me wurale sunzum nu hɔle ɛserɛ so. Na nwuni braa bie bɔ ɔte kaka kɔkorɛ bie aso, bɔ musue dumaa mɔ wɔ ye nwo amukoraa, bɔ ole tire nzoo ne mmɛen buru ɔ.