Luka 2:26 - AHYERƐLƐ KRONGRON

²⁶ Né Sunzum Krongron aye ahyire ye kyɛ, ongonwu ewue, sana wafa ye nye wanwu Kristo bɔ ɔte Awurade deɛ ne koraka.

Luka 2:26 Iomraidhean Croise

Edwein 2:2

Aseɛ ye aso ahemvo boaboa bɛ nwo, na maenbulɛfoɛ bɛbɔ nu bɛfa adwene betia AWURADE ne bɔ AWURADE wapopa ye ngoo ne kyɛ,

Edwein 2:6

“Me AWURADE, me bɔbɔ, masi me hene mafa ye matena me bokaa krongron Sion so.”

Edwein 25:14

AWURADE ne bɛ bɔ besuro ye ne yeɛ betu asure ɔ, na ɔye ye apam ne ali kyire bɛ.

Yesaya 61:1

AWURADE Nyameɛ Sunzum wɔ me so, ɔnate kyɛ AWURADE apopa me ngoo kyɛ nga nzɛmba ngyire bɛ bɔ bɛyɛ anwumvo ɔ; wasoma me kyɛ mmangyekye bɛ bɔ bɛ wora abɔ ɔ bɛ wora, kyɛ nga ngyire bɛ bɔ bahye bɛ nnure ɔ kyɛ banya fawɔnwodi, ɔne bɛ bɔ babɔ bɛ panwu ɔ kyɛ bayakyi bɛ;

Amose 3:7

Amba, AWURADE Nyameɛ ngɔyɔ nikyee biala, bɔ ɔngɔla ye mvealeɛ nu dwirɛ ne ali ngohyire ye somvoɛ mɔ ngɔmhyɛlɛfoɛ nemɔ ɔ.

Mateo 2:12

Né babɔ bɛ kɔkɔ wɔ laleɛ nu kyɛ nnɛmaa besa bɛkɔ Herode dɔ ko, yiti bɛfale atee foforɛ so besa bɛhɔle bɛ maen nu.

Luka 2:29

“Awurade, afei de yakyi w’akoaa ate asomdwee nu, kyɛbɔ wɔ dwirɛ ne ɔte ne;

Luka 9:27

Nahorɛ nu, mekã mekyire ɛmɔ kyɛ, mmenia biemɔ gyigyi wa bɔ bengonwu ewue, kɔpem kyɛ bekonwu Nyameɛ ahennie ne koraka ɔ.”

Yohane 1:41

Olili moa nwuni oliɛma Simɔn, na osele ye kyɛ, “Yanwu Mɛsaya ne” (bɔ ye bo kyire Kristo ne).

Yohane 20:31

Nakoso ɛhemɔ yeɛ bahyerɛ ɔ, kyɛbɔ ɛmɔkole bekoli kyɛ Yesu ole Kristo ne, Nyameɛ Awa ne, na ɛmɔde bedi a, ɛmɔanya ngoa wɔ ye dumaa nu.

Yohane 4:29

“Ɛmɔbra bɛɛnea oo, biaa bie bɔ wahã bɔ mayɔ amukoraa wahyire me ɔ! Aso nna ye ole Kristo ne anaa?”

Yohane 8:51

Nahorɛ nu paa, mekã mekyire ɛmɔ kyɛ, sɛ ebie di me dwirɛ so a, ongowu le.”

Asomafoɛ 10:38

kyɛbɔ Nyameɛ fale Sunzum Krongron ne tumi popale Yesu bɔ ofi Nasarɛte; kyɛbɔ ohyinihyini yɛlɛ paa, ɔsale bɛ bɔ abɔnzam hyɛ bɛ so amukoraa anwonyerɛ ɔ, ofikyɛ Nyameɛ boka ye so.

Asomafoɛ 17:3

Ohyirehyirele nu lili ye nwo adanzeɛ kyɛ, né ɔsɛ kyɛ Kristo ne nwu amaneɛ na odwɔso fi awufoɛ nu. Na ɔhane kyɛ, “Sɔ Yesu he bɔ mekã ye nwo dwirɛ mekyire ɛmɔ ne, ye ole Kristo ne.”

Asomafoɛ 2:36

“Yiti ma Yisrael awuro ama mukoraa benwu ye tofee kyɛ, Yesu he bɔ ɛmɔbɔle ye mmeamudua nu ne ala yeɛ Nyameɛ ayɛ ye Awurade ɔne Kristo ne ɔ.”

Asomafoɛ 9:20

Ɔhɔle nyianu sua nemɔ nu berɛ ne ala, ɔɔhane Yesu nwo dwirɛ kyɛ ye ole Nyameɛ Awa ne.

Hebrifoɛ 11:5

Ɔnate gyidie so yeɛ behwimini Henɔke bɛhɔle bɔ wanwu ɔ. Ebiala annwu ye, ofikyɛ Nyameɛ fale ye hɔle. Na anzana bɛbaafa ye bɛkɔ nyameɛso nen, né ye nwo adanzeɛ kyire kyɛ ɔsɔ Nyameɛ nye.