Luka 2:2 - AHYERƐLƐ KRONGRON

² Ɛhe yeɛ ɔte mmeniahalɛ bɔ oli moa ɔ, mmerɛ bɔ né Kirineo ɔte amrado wɔ Siria ne.

Luka 2:2 Iomraidhean Croise

Mateo 4:24

Ye nwo dwirɛ trɛ hɔle Siria amukoraa, na bɛfale bɛ bɔ bɛnde apɔ amukoraa bɔ anwonyerɛ ne anwondutuo ahoroɔ ayɛ bɛ ɔ, bɛ bɔ sunzummɔne wɔ bɛ so ɔ, ɔne bɛ bɔ ɛpɛlɛ ne apreprɛ wɔ bɛ so ɔ bɛbrɛle ye, na ɔsale bɛ anwonyerɛ.

Luka 2:1

Mmerɛ sɔ ne anu, Kaesare Augusto hyɛle mmeraa kyɛ bɛha ewiase mmenia amukoraa, ná bɛhyerɛ bɛ dumaa.

Luka 2:3

Na mmenia mukoraa bɛhɔle bɛ kuro bɛɛhyerɛle bɛ dumaa.

Luka 3:1

Na Kaesare Tiberio ahennie afoɛ bɔ ɔtɔ so buru ne nnu ne, bɔ né Pontio Pilato te amrado wɔ Yudea nen, bɔ né Herode yeɛ ɔnea Galilea manzini ne aso ne, né oliɛma Filipo yeɛ ɔnea Yiturea ne Trakoniti manzini nemɔ aso ɔ, yeɛ né Lisania koso ɔne Abilene manzini so ɔ.

Asomafoɛ 13:7

Né sɔ biaa ne te supɔ ne aso amrado badwemaniɛ bɔ bɛfrɛ ye Sɛgio Pɔɔlu n’abiɛngo. Amrado ne somane maa bɛɛfale Banaba ne Sɔɔlo bɛwale berɛ, ɔnate kyɛ né okuro kyɛ otie Nyameɛ dwirɛ ne.

Asomafoɛ 18:12

Mmerɛ bɔ né Galio te amrado wɔ Akaia nen, Yudafoɛ nemɔ yɛle ko, bɛhyele Pɔɔlo, na bɛhwene ye bɛhɔle badwafoɛ nyunu.

Asomafoɛ 23:26

“Me, Klɔdio Lisia yeɛ mekyerɛ krataa he mebrɛ Daasebrɛ amrado Felise ɔ; mebisa wɔ.

Asomafoɛ 26:30

Afei ɛhene ne, amrado ne, yeɛ Bɛnise ne bɛ bɔ baha ne amu dwɔsole.

Asomafoɛ 5:37

Ɛhe asi ne, Yudase bɔ ofi Galilea wale wɔ mmerɛ bɔ né bɛka mmenia ɔ, ɔhwene ɛlɔen lili ye si, na ye koso behuni ye, na ye mmenia bɔ beli ye si ne bɔle aya.