Luka 2:11 - AHYERƐLƐ KRONGRON

¹¹ ofikyɛ ɛnɛ kyẽa ye, bawo Ngoadefoɛ bɔ ye ole Kristo, Awurade ne, bama ɛmɔ wɔ Dawide kuro.

Luka 2:11 Iomraidhean Croise

Gyenesise 3:15

Ngɔfa ɛpɔen ngɔto wɔ ne braa n’afia, yeɛ wɔ boso ama ne ye boso ama b’afia; ɔkɔgyerɛgyerɛ wɔ ti, na wɔ wora aha ye gya si.”

Gyenesise 49:10

Ɛhɔtɔ ngofi Yuda sa nu, yeɛ ahennie pɔmaa ngofi ye gya afia, kɔpem kyɛ mmenia kotua ndɔ bɛkɔma ye ɔ, kɔpem kyɛ maen maen kɔyɛ sotie bɛkɔma ye ɔ.

Edwein 2:2

Aseɛ ye aso ahemvo boaboa bɛ nwo, na maenbulɛfoɛ bɛbɔ nu bɛfa adwene betia AWURADE ne bɔ AWURADE wapopa ye ngoo ne kyɛ,

Yesaya 9:6

Ofikyɛ bawo akwadaa bama yɛ, bama yɛ baa bienzua, ye yeɛ ahennie ne kowura ye sa ɔ, na ye dumaa ne, bɛkɔfrɛ ye kyɛ, “Foɛtulɛniɛ Nwanwaniɛ, Nyameɛ Tuminiɛ, Seɛ bɔ ɔwɔ berɛ Afebɔɔ, Asomdwee Hene.”

Mateo 1:16

Yakob wole Yosef bɔ ɔye ole Maria bɔ ɔwole Yesu bɔ bɛfrɛ ye Kristo ne.

Mateo 1:21

Ɔkɔwo baa bienzua, né ato ye dumaa Yesu, ɔnate kyɛ ye yeɛ okole ye mmenia kofi bɛ bɔne nu ɔ.”

Mateo 16:16

Na Simɔn Petro buale kyɛ, “Wɔ ole Kristo ne, Nyameɛ teasefoɛ n’Awa ne.”

Mateo 16:20

Na ɔhyɛle asuafoɛ nemɔ kitii kyɛ nnɛmaa bɛbɔ so bekyire ebiala kyɛ ye ole Kristo ne.

Luka 1:43

Yieee, ɔwale ye sɛ bɔ m’Awurade ani ɔba bapasa me nwo ɔ?

Luka 1:69

na wama ngoalelɛ awɛen so wama yɛ wɔ ye akoaa Dawide awuro;

Luka 2:26

Né Sunzum Krongron aye ahyire ye kyɛ, ongonwu ewue, sana wafa ye nye wanwu Kristo bɔ ɔte Awurade deɛ ne koraka.

Luka 2:4

Na Yosef koso, ofili Nasarɛte bɔ ɔwɔ Galilea sili nu hɔle Dawide kuro Betlehem bɔ ɔwɔ Yudea, ɔnate kyɛ né ofi Dawide awuro ne ye abusua nu.

Yohane 1:41

Olili moa nwuni oliɛma Simɔn, na osele ye kyɛ, “Yanwu Mɛsaya ne” (bɔ ye bo kyire Kristo ne).

Yohane 1:45

Filipo nwuni Nataneɛl, na osele ye kyɛ, “Bɔ Mose, wɔ mmeraa ne anu, ɔne bɔ ngɔmhyɛlɛfoɛ bɛhyerɛle ye nwo dwirɛ ne, yanwu ye: Yesu bɔ ofi Nasarɛte, Yosef awa ne.”

Yohane 11:27

Na obuale ye kyɛ, “Yoo, Awurade, mede medi kyɛ wɔ ole Kristo ne, Nyameɛ Awa ne bɔ ɔ́ba wiase ne.”

Yohane 20:31

Nakoso ɛhemɔ yeɛ bahyerɛ ɔ, kyɛbɔ ɛmɔkole bekoli kyɛ Yesu ole Kristo ne, Nyameɛ Awa ne, na ɛmɔde bedi a, ɛmɔanya ngoa wɔ ye dumaa nu.

Yohane 4:25

Yeɛ braa ne sele ye kyɛ, “Mese kyɛ Mɛsaya (bɔ bɛfrɛ ye Kristo) ne ɔ́ba, na sɛ ɔba a, ye yeɛ okohyire yɛ nningyein amukoraa ɔ.”

Yohane 4:42

Na besele braa ne kyɛ, “Afei de, nna wɔ noa dwirɛ ne ati yeɛ ɔmaa yɛde yɛdi ɔ, na mmom yɛ bɔbɔ yate, na yanwu kyɛ amba, ye ole ewiase Ngoadefoɛ ne.”

Yohane 6:69

na yale yali, na yanwu ye kyɛ wɔ ole Nyameɛ ye Krongronniɛ ne.”

Yohane 7:41

Yeɛ ebiemɔ koso hane kyɛ, “Kristo ne ɛhe!” Nakoso ebiemɔ hane kyɛ, “Kristo ne, Galilea yeɛ okofi kɔwa hɔ anaa?

Asomafoɛ 10:36

Ɛmɔse edwirɛ bɔ ɔfa brɛle Yisrael ɔ, mmerɛ bɔ ɔnate Yesu Kristo so ɔbɔle asomdwee nzɛmba ne nwo dawure ne; ye yeɛ ɔte ebiala Awurade ɔ.

Asomafoɛ 13:23

Sɔ biaa he, ye bosofoɛ nu yeɛ Nyameɛ yele Yisrael Ngoadefoɛ Yesu, kyɛbɔ ye bɔhyɛ te ne.

Asomafoɛ 17:3

Ohyirehyirele nu lili ye nwo adanzeɛ kyɛ, né ɔsɛ kyɛ Kristo ne nwu amaneɛ na odwɔso fi awufoɛ nu. Na ɔhane kyɛ, “Sɔ Yesu he bɔ mekã ye nwo dwirɛ mekyire ɛmɔ ne, ye ole Kristo ne.”

Asomafoɛ 2:36

“Yiti ma Yisrael awuro ama mukoraa benwu ye tofee kyɛ, Yesu he bɔ ɛmɔbɔle ye mmeamudua nu ne ala yeɛ Nyameɛ ayɛ ye Awurade ɔne Kristo ne ɔ.”

Asomafoɛ 5:31

Ye yeɛ Nyameɛ mane ye so siele ye sa famaa so bɔle ye panyi, na ɔyɛle ye Ngoadefoɛ kyɛ ohyire Yisrael maen atee ma benya adwenesakyera na banya bɔnefakyɛ ɔ.

1 Korintofoɛ 15:47

Bele nnɛterɛ yeɛ bɛbɔle sona bɔ oli moa ne ɔ, ofi nnɛterɛ nu. Sona bɔ ɔtɔ so nyɔ ne ole Awurade bɔ ofi nyameɛso ne.

Filipifoɛ 2:11

na noa biala ɔsɛ kyɛ ɔkã ye pefee kyɛ Yesu Kristo te Awurade ná ɔfa hyɛ Baba Nyameɛ animnyam.

Filipifoɛ 3:8

Amba, ɔnate m’Awurade Kristo Yesu nwo nimdeɛ mmorosoɛ ne ati, mebu nningyein amukoraa kyɛ bafi me sa. Ɔnate ye ti nningyein amukoraa afi me sa, nakoso mebu bɛ kyɛ fofoɛ so wura mbaen, amaa ɔnate so manya Kristo;

Kolosefoɛ 2:6

Yiti kyɛbɔ ɛmɔale Awurade Kristo Yesu bato nu nen, ɛmɔhɔ so bɛnate wɔ yde nu.

1 Yohane 4:14

Yanwu ye, na yɛdi adanzeɛ kyɛ Baba ne somane Baa ne maa ɔɔyɛle wiase Ngoadefoɛ.

1 Yohane 5:1

Ebiala bɔ ode di kyɛ Yesu ole Kristo ne te Nyameɛ awa. Na ebiala bɔ okuro Baba ne dwirɛ ne, okuro Baa ne koso dwirɛ.