Luka 19:6 - AHYERƐLƐ KRONGRON

⁶ Yiti odwuli ase ndɛndɛ, na olele Yesu wɔ anigye nu.

Luka 19:6 Iomraidhean Croise

Yesaya 64:5

Sona bɔ ɔbɔ tenenee bra wɔ anigye so ne, bɔ ɔkaye wɔ ɔfa w’atee so ne, ɛyɛ ye awaawaatuu. Tie, yɛ bɔne maa ɛfɛle yaa, yɛ bɔne nu yeɛ yɛtɛte ye dadadada ɔ, aso ekole yɛ ngoa anaa?

Luka 19:5

Na Yesu dwuli berɛ nen, ɔtole ye ti anwuro, onwuni ye, na osele ye kyɛ, “Sakeo, dwu bra ndɛndɛ! Ofikyɛ w’awuro yeɛ ɔsɛ kyɛ mesikye ɛnɛ ɔ.”

Luka 19:7

Na ɛlɔen ne nwuni ye sɔ nen, bɛ mukoraa bɛyɛle nwuhunwuhu kyɛ, “Biaa bɔnefoɛ he yeɛ wahɔ waasikye ye awuro ɔ.”

Luka 2:16

Yiti bɛhane bɛ nwo bɛhɔle, na beenwuni Maria ne Yosef, ɔne adɔma ne kyɛ ɔla alaka bɔ nyɛmmoa didi nu ɔ nu.

Luka 5:29

Afei Lewi tole poen pirikua wɔ ye awuro mane ye; na ɛtoɔdidelɛfoɛ ne mmenia biemɔ pee bɛ ne bɛ bɛɛtena berɛ.

Asomafoɛ 16:15

Na ɔmaa bɛbɔle ye ne ye awuroama mukoraa asu beyiele nen, osele yɛ kyɛ, “Sɛ ɛmɔabu me kyɛ mede Awurade medi nahorɛ nu a, nzaade ɛmɔbra bɛɛtena m’awuro.” Na ɔhɔle so hane kyɛ yɛma yɛhɔ.

Asomafoɛ 16:34

Afei ɔfale bɛ wale ye awuro ɔɔmane bɛ nikyee maa belili, na ɔne ye awuro ama mukoraa benyane anigye kyɛ banya gyidie wɔ Nyameɛ nu ɔ.

Asomafoɛ 2:41

Na bɛ bɔ belele ye dwirɛ ne belili ne, bɛmane bɛ nwo ate maa bɛbɔle bɛ asu, na mmenia kɔyɛ apee nza bɛɛbokale bɛ so sɔ kyẽa ne ala.