Luka 19:5 - AHYERƐLƐ KRONGRON

⁵ Na Yesu dwuli berɛ nen, ɔtole ye ti anwuro, onwuni ye, na osele ye kyɛ, “Sakeo, dwu bra ndɛndɛ! Ofikyɛ w’awuro yeɛ ɔsɛ kyɛ mesikye ɛnɛ ɔ.”

Luka 19:5 Iomraidhean Croise

Nworɛ Dwirɛhanɛniɛ 9:10

Adwuma biala bɔ wɔ sa kɔsɔ nu kyɛ ɛyɔ ne, fa w’anwoserɛ yɔ, ofikyɛ ɛborɔ dɔ bɔ ɛbaahɔ ne, adwuma anaa adwene anaa nimdeɛ anaa nworɛ nne dɔ.

Hesekiel 16:6

“Na mmerɛ bɔ mebaapɛ nu, ná nwuni wɔ kyɛ ɛbenzebenze wɔ nu ɛla berɛ wɔ wɔ mogya nu ne, nzele wɔ wɔ mmerɛ bɔ né ɛla wɔ mogya nu ne kyɛ, ‘Nya ngoa oo!

Luka 19:10

Na Sona Awa ne wale kyɛ ɔbaapena ná ode bɛ bɔ bamini ɔ.”

Luka 19:2

Na yieee, né biaa bie bɔ ye dumaa li Sakeo ɔ ɔwɔ berɛ, bɔ ɔte ɛtoɔdidelɛniɛ panyi bɔ ye sa nu le bie ɔ.

Luka 19:4

Yiti otuli amirika lili moa ɔɔfole akyea bie aso kyɛbɔ okonwu ye ɔ, ofikyɛ berɛ yeɛ né ɔkwaafa ɔ.

Luka 19:6

Yiti odwuli ase ndɛndɛ, na olele Yesu wɔ anigye nu.

Yohane 1:48

Na Nataneɛl bisale ye kyɛ, “Nisua yeɛ ɛse me ɔ?” Yesu buale kyɛ “Anzana Filipo baafrɛ wɔ, bɔ né ɛwɔ borɔdoma bakaa ne abo nen, yeɛ nwuni wɔ ɔ.”

Yohane 14:23

Na Yesu buale ye kyɛ, “Sɛ ebie kuro me dwirɛ a, okoli me dwirɛ so, na me Baba kohuro ye dwirɛ, na yɛkɔwa ye berɛ, ná yaayɔ yɛ atenaleɛ wɔ ye berɛ.

2 Korintofoɛ 6:1

Yɛte bokafoɛ wɔ Nyameɛ adwuma nu, yiti yɛsrɛ ɛmɔ kyɛ, nnɛmɔma Nyameɛ adom bɔ ɛmɔanya ye ne yɛ mbaen.

Ɛfesofoɛ 3:17

amaa Kristo afa gyidie so watena ɛmɔ ahone nu, ná ɛ́mɔatira ndii batindim wɔ ɔdɔ nu,

Hebrifoɛ 13:2

Ɛ́mɔnea kyɛ ɛmɔkole ɛwɔfoɛ mɔ wɔ ɛmɔ awuro ɔ, ofikyɛ ebiemɔ fale sɔ atee he aso besikyele Nyameɛ abɔfo mɔ wɔ b’awuro bɔ né bɛnze ɔ.

Nyekyire 3:20

Tie! Ngyi anoa ne asi mebɔ nu; na sɛ ebie te me komvi ná okobukye anoa ne a, ngowura nu ngɔwa ye berɛ, ná me ne ye yaadidi, ná ɔne me koso adidi.