Luka 19:47 - AHYERƐLƐ KRONGRON

⁴⁷ Na daa biala ɔyɛle ngyerɛkyerɛ wɔ asɔneyɛɛ sua ne anu. Né asɔfo mbanyi, ahyerɛlɛfoɛ ne maen mbanyi bɛpena kyɛ ahaa beku ye ɔ,

Luka 19:47 Iomraidhean Croise

Mateo 21:23

Yesu wurale asɔneyɛɛ sua ne anu, na ogu so ɔyɛ ngyerɛkyerɛ nen, asɔfo mbanyi ne maen mbanyi bɛwale ye berɛ beebisale ye kyɛ, “Tumi beni yeɛ egyi so bɔ ɛyɔ sɔ nningyein hemɔ ye? Na nwa yeɛ ɔmane wɔ sɔ tumi ne ɔ?”

Mateo 26:55

Na sɔ mmerɛ ne anu ala, Yesu sele ɛlɔen ne kyɛ, “Yiti ngrandɛ ne mmopura yeɛ ɛmɔfa bɛbakye me ɔ, kyɛ awerɔm awueniɛ bɔ ɛmɔba ye so ɔ? Ndenane asɔneyɛɛ sua ne anu nyɛle ngyerɛkyerɛ daa biala, nakoso ɛmɔangye me.

Marko 11:18

Na asɔfo mbanyi ne ahyerɛlɛfoɛ nemɔ bɛtele sɔ dwirɛ ne nen, bɛpenane atee bɔ bɛkɔfa so bekohu ye ɔ; nakoso né besuro ye, ofikyɛ ye ngyerɛkyerɛ ne yɛle ɛlɔen ne amukoraa nwanwa.

Marko 12:12

Na ahaa bɛpena kyɛ bɛkye Yesu ɔ, ofikyɛ benwuni kyɛ anyandera bɔ obuli ne, ɔne bɛ. Nakoso né besuro ɛlɔen ne, yiti bɛyakyili ye berɛ bɛhɔle.

Marko 14:1

Né waha elenyɔ maa bedi Abɔtra ne Paanoo Kabrɛdi aluolue ne. Na asɔfo mbanyi ne ahyerɛlɛfoɛ nemɔ bɛpenane atee bɔ bɛkɔfa so bɛkɔhye Yesu kudɛɛ, ná bahu ye ɔ.

Marko 14:49

Né me ne ɛmɔ yɛwɔ asɔneyɛɛ sua ne anu meyɛ ngyerɛkyerɛ daa, nakoso ɛmɔangye me; na Ahyerɛlɛ ne, kyɛbɔ ɔkɔwa nu ti ɔ.”

Luka 19:48

nakoso bannya ye nwo ate, ofikyɛ né mmenia ne amukoraa bayɛ asoɛ betie edwirɛ bɔ ɔkã ne.

Luka 20:19

Na ahyerɛlɛfoɛ ne asɔfo mbanyi nemɔ benwuni kyɛ anyandera he bɔ Yesu buli ne, ɔne bɛ, yiti ahaa bɛpena kyɛ bɛkye ye berɛ ne ala, nakoso né besuro ɛlɔen ne.

Yohane 10:39

Na bɛbɔle mmɔden bieku kyɛ bɛkɔhye ye ɔ, nakoso onyane ye nwo tetele fili bɛ sa nu hɔle.

Yohane 18:20

Na Yesu buale ye kyɛ, “Me de, madwudwo pefee mahyire wiase; nyɛle me ngyerɛkyerɛ mmerɛ biala wɔ nyianu sua mɔ nu ne asɔneyɛɛ sua ne anu, nekaa bɔ Yudafoɛ amukoraa bɛbayia ɔ; na manga dwirɛ biala wɔ mvealeɛ nu.

Yohane 7:19

Aso Mose amva mmeraa ne wamma ɛmɔ? Nakoso ɛmɔ nu biala nni mmeraa ne aso. Nzu ati yeɛ ɛmɔpena me beku me ɔ?”

Yohane 7:44

Na bɛ nu biemɔ penane kyɛ bɛkɔhye ye ɔ, nakoso ebiala amva ye sa wanga ye.