Luka 19:26 - AHYERƐLƐ KRONGRON

²⁶ ‘Na mekã mekyire ɛmɔ kyɛ, ebiala bɔ ole bie ne, bɛkɔfa somaa bɛkɔboka ye so; nakoso bɔ olle bie ne, bɔ ole ye ne po, bekole bekofi ye sa nu.

Luka 19:26 Iomraidhean Croise

2 Samuel 7:15

Nakoso me dɔ pindinn ne de, mengɔye ngofi ye so, kyɛbɔ nyele ɔdɔ ne mvili Sɔɔlo so ne. Ye yeɛ nduli ye mvili bia so mvale wɔ nziele so ɔ.

Edwein 109:8

Ma ye ngoa ɔyɛ tika, ma sona foforɛ ole ye dibea ne.

Mateo 13:12

Na ebiala bɔ ole bie ne, bɛkɔfa ebieku bɛkɔboka ye so, ná wanya ye mmorosoɛ; nakoso ebiala bɔ olle bie ne de, bɔ ole ye ne po, bekole bekofi ye sa nu.

Mateo 21:43

“Ɛhe ati, mekã mekyire ɛmɔ kyɛ, bekole Nyameɛ ahennie ne bekofi ɛmɔ sa nu bɛkɔfa bɛkɔma maen bɔ bekosu ahennie ne anu mmaa ɔ. [

Marko 4:25

Ofikyɛ bɔ ole bie ne, bɛkɔfa pee bɛkɔboka ye so; na bɔ olle bie ne, bɔ ole ye ne po, bekole bekofi ye sa nu.”

Luka 16:3

Na hwɛsoniɛ ne hane ye ye ti anu kyɛ, ‘Na ɛhe de, meyɛ ye sɛ, ofikyɛ me mene ɔbaale nhwɛsoɛ adwuma ne ofi me sa nu. Me nwo nyɛ se bɔ ngɔhora adwuma serɛ yɔ ɔ, yeɛ mefɛre koso kyɛ ngɔsrɛsrɛ ɔ.

Luka 19:25

(Na besele ye kyɛ, ‘Yɛ mene, naa ole mina buru dada!’)

Luka 8:18

Yiti kyɛbɔ ɛmɔtie edwirɛ ne, ɛ́mɔdwene ye nwo yé. Ofikyɛ, ebiala bɔ ole bie ne, bɛkɔfa bieku bɛkɔboka ye so; na bɔ olle bie ne, bɔ osusu kyɛ ole ye ne po, bekole bekofi ye sa nu.”

Asomafoɛ 1:20

“Ofikyɛ bahyerɛ ye Edwein Nwomaa ne anu kyɛ, ‘Ma ye atenaleɛ ɔyɛ dandue, nnɛma ebiala tena nu.’ ‘Yeɛ ye diberɛ ne, ma ebie ɔfa!’

2 Yohane 1:8

Ɛ́mɔnea ɛmɔ nwo yé, amaa bɔ ɛmɔafɛ banya ye ne wamvi ɛmɔ sa, na mmom ɛmɔanya ye nwo akatuaa mukoraa.

Nyekyire 2:3

Mese kyɛ anya animia paa, na ɔnate me dumaa ti anwu amaneɛ, nakoso w’abasa nu mmu.

Nyekyire 3:11

Méba ndɛndɛ, yiti sɔ bɔ anya ye ne anu yé, ná ebiala anne w’abotire ne.

1 Samuel 15:28

Yeɛ Samuel sele ye kyɛ, “AWURADE ale Yisrael ahennie ne wafi wɔ sa nu ɛnɛ kyẽa ye, na wafa wama sona foforɛ bɔ ɔte paa tra wɔ ɔ.

1 Samuel 2:30

Yiti AWURADE Yisrael Nyameɛ nwa nyoo, ‘Nhyɛle bɔ kyɛ w’abusua ne wɔ nana abusua bekoli sɔfo bɛkɔso me daa.’ Nakoso kekesaala ye de, AWURADE nwa: ‘Mengɔma sɔ dwirɛ ne ngɔyɛ adwuma! Ofikyɛ bɛ bɔ bedi me ni ne, me koso ngoli bɛ ni, yeɛ bɛ bɔ betiatia me nyunu ne, me koso mengɔfa bɛ ngɔyɛ huu.