Luka 19:17 - AHYERƐLƐ KRONGRON

¹⁷ Yeɛ osele ye kyɛ, ‘Mmo, akoaa paa! Ɔnate kyɛ ali kãa bie nwo nahorɛ ne ati, nea nguro buru so.’

Luka 19:17 Iomraidhean Croise

Gyenesise 39:4

Yosef sɔle ye mene nye. Ɔsole ye, na biaa ne fale ye tuale ye awuro ne anoa, na ɔfale bɔ ole ye amukoraa wurale ye sa.

Anyandera 27:18

Ebiala bɔ ɔnea borɔdoma bakaa so ne, odi ye mma ne bie, yeɛ bɔ ɔso ye mene ne koso, ye mene kɔhyɛ ye animnyam.

Mateo 25:21

Yeɛ ye mene ne sele ye kyɛ, ‘Mmo, akoaa paa ne nahorɛniɛ! Ali kaaba bie nwo nahorɛ, ngɔfa bɔ ɔsone ɔ ngowura wɔ sa; bra baanya wɔ mene anigye ne anu kyɛfa!’

Luka 16:10

“Ebiala bɔ odi nahorɛ wɔ nningyein mmaa mmaa nu ne, odi nahorɛ wɔ nningyein mbiri mbiri nu koso; yeɛ ebiala bɔ onni nahorɛ wɔ nningyein mmaa mmaa nu ne, onni nahorɛ wɔ nningyein mbiri mbiri nu koso.

Luka 19:16

Bɔ oli moa ne wale, na osele kyɛ, ‘Me mene, wɔ mina ne, mvasoɛ mina buru awa ye nwo.’

Luka 19:18

Na bɔ ɔtɔ so nyɔ ne wale oosele kyɛ, ‘Me mene, wɔ mina ne, mvasoɛ mina nnu awa ye nwo.’

Luka 22:30

amaa ɔnate so ɛmɔadidi ná ɛmɔano wɔ me poen so wɔ m’ahennie nu, ná ɛmɔatenatena ahennie bia so babua Yisrael mmusua kure buru ne nyɔ ne ndɛen.”

Romanfoɛ 2:29

Na mmom Yudaniɛ kaenn ole sona bɔ ɔte Yudaniɛ wɔ ahone nu ɔ; ɔte sunzum nu nikye, na ɔtte anwoɔnaen nu nikye. Nna kuro sona, na mmom Nyameɛ yeɛ ɔye sɔ sona ne ayɛ ɔ.

1 Korintofoɛ 4:5

Yiti nnɛma ɛmɔbua ndɛen koraka ná mmerɛ ne wadwu, koraka né Awurade awa, na ye yeɛ ɔkɔye mvealeɛ nu dwirɛ bɔ ɔwɔ awosii nu kofite ɔ, ná wasa mmenia ti anu nzusuleɛ wagua dwaaso. Na afei ebiala konya ɛkamvolɛ bɔ ɔfata ye ɔ kofi Nyameɛ berɛ.

2 Timoteo 2:10

Yiti ɔnate mmenia bɔ baneanea nu baye bɛ ne ati, memia me nye menwu amaneɛ mukoraa, amaa ɔnate so bɛ koso banya ngoalelɛ bɔ ɔwɔ Kristo Yesu nu ne ɔne animnyam afebɔɔ ne.

1 Petro 1:7

amaa ɔnate so ɛmɔ gyidie ne—bɔ ye nyɔboɛ yɛ se tra sikaa kɔkorɛ, bɔ ɔwɔ nu kyɛ beso bɛnea wɔ see nu po, nakoso ɔsɛkye ne—wakakyi ayɛyelɛ, anidie ne animnyam wɔ Yesu Kristo nwo aliyelɛ ne anu.

1 Petro 5:4

Na sɛ Mmoaenneafoɛ panyi ne ɔye ye nwo ali a, ɛmɔkonya animnyam abotire bɔ ɔnzɛkye koraa ne.

1 Samuel 2:30

Yiti AWURADE Yisrael Nyameɛ nwa nyoo, ‘Nhyɛle bɔ kyɛ w’abusua ne wɔ nana abusua bekoli sɔfo bɛkɔso me daa.’ Nakoso kekesaala ye de, AWURADE nwa: ‘Mengɔma sɔ dwirɛ ne ngɔyɛ adwuma! Ofikyɛ bɛ bɔ bedi me ni ne, me koso ngoli bɛ ni, yeɛ bɛ bɔ betiatia me nyunu ne, me koso mengɔfa bɛ ngɔyɛ huu.