Luka 19:10 - AHYERƐLƐ KRONGRON

¹⁰ Na Sona Awa ne wale kyɛ ɔbaapena ná ode bɛ bɔ bamini ɔ.”

Luka 19:10 Iomraidhean Croise

Hesekiel 34:12

Na kyɛbɔ mmoaenneafoɛ ɔpena ye mmoaen bɔ babɔ aya ɔ bɛ boso, wɔ kyẽa bɔ ɔne bɛ wɔ berɛ ne, sɔ ala yeɛ ngɔpena me mmoaen nemɔ bɛ boso ɔ; na ngɔye bɛ ngofi nekaa mukoraa bɔ babɔ aya bahɔ ɔ, wɔ munungum ne awosii kabii kyẽa ne.

Hesekiel 34:16

Bɔ wamini ne, ngɔpena ye boso, yeɛ bɔ bafoa ye maa wahɔ ne, ngɔɔfa ye ngɔwa. Bɔ wabubu ne, ngɔbɔ ye borɛ, bɔ ɔnde apɔ ne, ngɔsa ye anwonyerɛ; na bɛ bɔ balɔ bɔ bɛ nwo yɛ se ne wora, ngɔnea bɛ so; na ngɔfa pɛpɛɛpɛyɛlɛ yeɛ ngɔnea bɛ so ɔ.

Mateo 1:21

Ɔkɔwo baa bienzua, né ato ye dumaa Yesu, ɔnate kyɛ ye yeɛ okole ye mmenia kofi bɛ bɔne nu ɔ.”

Mateo 10:6

na mmom ɛmɔhɔ mmoaen bɔ bamini bɔ bɛ ole Yisrael awuro ama ne berɛ.

Mateo 15:24

Na Yesu buale kyɛ, “Mmoaen bɔ bamini bɔ bɛ ole Yisrael awuro ama ne, bɛ ngome bɛ berɛ yeɛ bɛsomane me ɔ.”

Mateo 18:10

“Ɛmɔnea yé ná ɛmɔammu ngwadaa ye anu biala animtia; na mekã mekyire ɛmɔ kyɛ, nyameɛso dɔ, b’abɔfo mɔ benwu me Baba bɔ ɔwɔ nyameɛso ne nyunu daa.”

Mateo 18:11

[Ɔnate kyɛ, Sona Awa ne wale kyɛ ɔbaale bɛ bɔ bamini nemɔ ngoa.]

Luka 15:32

Ɔsɛ kyɛ yɛgye yɛ nye ná yɛmaa ɔyɛ yɛ fɛ ɔ, ofikyɛ eliɛma ye, owuli, na watingye; ominini, na manwu ye.’ ”

Luka 15:8

“Anaakyɛ brasua beni yeɛ ole sikadwetɛ buru, ná nu ko mini a, ɔngɔsɔ kanea ngɔpoa sua nu berɛ, ná ɔngɔyere ye nwo ngɔpena kɔpem kyɛ okonwu ye ɔ?

Yohane 3:17

“Ofikyɛ, Nyameɛ anzoma Ɔwa ne maa wamma wiase kyɛ oobua wiase ndɛen, na mmom kyɛ ɔkɔfa ye so kole wiase ɔ.

Romanfoɛ 5:6

Mmerɛ bɔ né yɛtɛ yɛ mmerɛ ne, mmerɛ bɔ wahyehyɛ wato berɛ ne anu, Kristo wu mane bɔnefoɛ.

Hebrifoɛ 7:25

Yiti ɔkora de bɛ bɔ bɛfa ye so bɛba Nyameɛ berɛ ne ngoa bɔkɔɔ; ofikyɛ ɔte ase afebɔɔ, na odi bɛ ti dwirɛ ma bɛ.