Luka 18:43 - AHYERƐLƐ KRONGRON

⁴³ Na berɛ ne ala, onwuni nikye, na olili Yesu si hyɛle Nyameɛ animnyam. Na ɛlɔen ne amukoraa benwuni bɔ wasi nen, bɛ bɛyele Nyameɛ ayɛ.

Luka 18:43 Iomraidhean Croise

Edwein 107:15

Odi kyɛ bɛye AWURADE ayɛ wɔ ye ɔdɔ bɔ onni ngasi ne ati, wɔ ye anwanwadeɛ bɔ ɔyɔ ma adasa mmaa ne ati.

Edwein 107:8

Odi kyɛ bɛye AWURADE ayɛ wɔ ye ɔdɔ bɔ onni ngasi ne ati, wɔ ye anwanwadeɛ bɔ ɔyɔ ma adasa mmaa ne ati.

Edwein 146:8

AWURADE te anyesiniwaafoɛ bɛ nye, AWURADE ma bɛ bɔ baboto ɔ so, AWURADE kuro teneneefoɛ bɛ dwirɛ.

Edwein 30:2

Ao AWURADE, me Nyameɛ, nzu mvrɛle wɔ kyɛ ɛboka me, na asa me anwonyerɛ.

Yesaya 35:5

Na ɛhe kɔma anyesiniwaafoɛ bɛ nye kɔte, asotiniwaafoɛ bɛ so kɔte dwirɛ;

Yesaya 42:16

Na ngɔyɛ anyesiniwaafoɛ taataa ngɔfa atee bɔ bɛnze so ɔ so; ngoli bɛ nyunu ngɔfa atimbire bɔ bɛnze so ɔ so. Ngɔma awosii kɔkakyi hyireinn wɔ bɛ nyunu, na ngɔma mmɔnga mmɔnga atee ne kɔla so. Bɔ ngɔyɔ ngɔma bɛ hɔ ɛne, na mengɔye me sa mengofi bɛ bo.

Yesaya 43:21

maen he, mabɔ ye mama me nwo, kyɛ bɛ́bɔ me nwo ayɛyelɛ dawure.

Mateo 11:5

anyesiniwaafoɛ nwu nikye, bubuafoɛ nate, kwatafoɛ nwo fi, asotiniwaafoɛ te dwudwolɛ, awufoɛ tingye, na bɛkã nzɛmba ne bekyire ehiafoɛ.

Mateo 21:14

Na anyesiniwaafoɛ ne mbakye wale ye berɛ wɔ asɔneyɛɛ sua ne anu, na ɔsale bɛ anwonyerɛ.

Mateo 9:8

Na ɛlɔen ne nwuni ye sɔ nen, ɔyɛle bɛ nwanwa, na bɛhyɛle Nyameɛ bɔ wafa sɔ tumi ne wama mmenia ne animnyam.

Luka 13:17

Na ɔhane sɔ nen, ye pɔfoɛ nemɔ amukoraa bɛfɛrele; na mmenia ne amukoraa bɛ nye gyele animnyam nningyein bɔ ɔyɔle ne amukoraa nwo.

Luka 19:37

Na opingyele berɛ, nekaa bɔ atee ne torotoro kɔ Olive Bokaa ne anwo nen, asuafoɛ ɛlɔen ne amukoraa bɛhyɛle ye bo belili ahurusi, na bɛbɔle ese bɛyele Nyameɛ ayɛ wɔ anwanwadeɛ mbiri mbiri amukoraa bɔ banwu ye ne anwo,

Luka 4:39

Oogyinane ye nwo berɛ, na ɔteateane ɛfokyɛlɛ ne, na otu fili ye nwo; na berɛ ne ala, odwɔsole sole bɛ.

Luka 5:26

Na ɔyɛle bɛ mukoraa nwanwa, na bɛyele Nyameɛ ayɛ; ɛserɛ hane bɛ, na bɛhane kyɛ, “Ɛnɛ de, yanwu edwirɛ bɔ ɔyɛ nwanwa ɔ!”

Luka 9:43

Nyameɛ tumi piri ne yɛle mmenia ne amukoraa nwanwa. Na nningyein amukoraa bɔ Yesu yɔle ne yɛle ebiala nwanwa nen, osele ye asuafoɛ nemɔ kyɛ,

Asomafoɛ 11:18

Agyidifoɛ ne tele ye sɔ nen, banga ye nwo hwee ko, na bɛyele Nyameɛ ayɛ kyɛ, “Nzaade Nyameɛ ama Amaenmaensofoɛ koso adwenesakyera nwo ate bɔ ɔfa bɛ kɔ daa ngoa nu ɔ.”

Asomafoɛ 26:18

Memaa ekobukye bɛ nye, ná ɛye bɛ fi awosii nu ba kanea nu, na ɛye bɛ fi Abɔnzam tumi bo ɛfa bɛ ba Nyameɛ berɛ; amaa banya bɔnefakyɛ, ne tenaberɛ wɔ bɛ bɔ bafa bɛ gyidie bɔ ɔwɔ me nu bate bɛ nwo nemɔ anu.’

Asomafoɛ 4:21

Yiti badwafoɛ ne nwunanwunane bɛ bieku, na bɛyakyili bɛ kyɛ bɛhɔ. Benwuni kyɛ bɛngɔhora ngogyina edwirɛ biala so ngɔhwe bɛ so, ofikyɛ né bɔ wasi ne ati ebiala ye Nyameɛ ayɛ.

Galatiafoɛ 1:24

Na ɔnate me ti bɛhyɛle Nyameɛ animnyam.

1 Petro 2:9

Nakoso ɛmɔ de, ɛmɔte mmenia bɔ baneanea nu baye ɛmɔ ɔ, nnehyeɛ asɔfokure, maen krongron, maen bɔ wafa ye wayɛ ye deɛ ɔ, kyɛ ɛmɔɔbɔ bɔ ɔfrɛle ɛmɔ fili awosii nu wale ye kanea bɔ ɔyɛ nwanwa ne anu ne, ye ayɛyelɛ ne dawure.