Luka 18:32 - AHYERƐLƐ KRONGRON

³² Ofikyɛ bɛkɔye ye bekowura Amaenmaensofoɛ sa, na bɛkɔgoro ye nwo, bɛkɔbɔ ye alapaa, ná bafefe nwɔserɛ bagua ye nwo.

Luka 18:32 Iomraidhean Croise

Yesaya 50:6

Mvale me si mane bɛ bɔ befi me mbire ne, mvale me so taa nu mane bɛ bɔ betutu kanza ne. Beguale me nyunu ase, bɛfefele nwɔserɛ beguale me nyunu, nakoso mamva me nyunu mamvea.

Yesaya 52:14

Na kyɛbɔ ɔyɛle mmeni pee bɔ benwuni ye ne nwanwa, ofikyɛ ye nyunu mengyemengyele, bɔ né onzoma sona, bɔ né ye sona sue deɛ onzoma kuro sona deɛ ne ati,

Yesaya 53:3

Mmenia buli ye animtia, na bɛpole ye; ɔte sona bɔ ɔfale aworabɔlɛ nu ná onwuni yealɛ ɔ, bebuli ye animtia kyɛ sona bɔ mmenia nwu ye a bɛye bɛ nye bɛto buro ɔ, yeɛ yamva ye yanyɛ huu.

Mika 5:1

Ao koɛhonɛfoɛ awa brasua, afei boa wɔ noa koɛhonɛfoɛ kure kure; watua yɛ kuro ne; Yisrael maenbulɛniɛ ne, bɛkɔfa bakaa bɛkɔbɔ ye mvoka.

Mateo 16:21

Ofi sɔ mmerɛ ne, Yesu hyɛle ye bo hyirele ye asuafoɛ nemɔ kyɛ, odi kyɛ ɔkɔ Yerusalem ná okonwu amaneɛ pee wɔ maen mbanyi ne asɔfo mbanyi ne ahyerɛlɛfoɛ mɔ bɛ sa nu, ná beku ye, ná ye ɛlɛsa so otingye.

Mateo 20:19

na bɛkɔfa ye bekowura Amaenmaensofoɛ sa kyɛ bɛgoro ye nwo, ná befi ye mbire, ná bɛbɔ ye mmeamudua nu; na ye ɛlɛsa ne aso okotingye.”

Mateo 22:6

yeɛ bɛ ngaa ne wora bɛhyele ye somvoɛ nemɔ beguale bɛ nyunu ase, na behuni bɛ.

Mateo 26:67

Afei bɛfefele nwɔserɛ beguale ye nyunu, bɛbobɔle ye, yeɛ ebiemɔ bobɔle ye nye so

Mateo 27:2

Bɛkyekyele ye, na bɛfale ye bɛhɔ beewurale amrado Pontio Pilato sa.

Marko 14:65

Na ebiemɔ hyɛle ye bo bɛfefele nwɔserɛ beguale ye nwo, bɛkatale ye nye, na bɛbobɔle ye, na besele ye kyɛ, “Hyɛ ngɔm!” Na asomvoɛ nemɔ bobɔle ye nye so.

Marko 15:1

Na aleɛ baahye ne, ndɛndɛ so, asɔfo mbanyi ne maen mbanyi ne ahyerɛlɛfoɛ ne badwafoɛ ne amukoraa bɛhɔle agyina, na bɛkyekyele Yesu bɛfale ye beewurale Pilato sa.

Luka 18:33

Bekofi ye mbire, ná bahu ye, na ye ɛlɛsa ne aso okotingye.”

Luka 23:1

Afei mmenia worawora ne amukoraa bedwɔsole, na bɛfale ye bɛhɔle Pilato nyunu.

Luka 23:11

Na Herode ne ye asraafoɛ bɛpepɛle ye nzoaa, bɛgorole ye nwo; na afei ɔfale ataadeɛ nyemenenyemene bie wurale ye, na ɔmaa besa bɛfale ye bɛɛmane Pilato.

Luka 23:35

Né mmenia nemɔ begyigyi berɛ bɛnea. Na mbanyi nemɔ gorole ye nwo kyɛ, “Olele ebiemɔ, sɛ ye ole Kristo ne bɔ Nyameɛ aneanea nu aye ye ne a, maa ole ye nwo e!”

Yohane 18:22

Na Yesu hane sɔ nen, asomvoɛ mɔ bɔ begyigyi berɛ ne, bɛ nu ko bɔle ye nye so, na ɔhane kyɛ, “Sɔ yeɛ ɛ́ma ɔsɔfo panyi paa ne mmuayɛɛ ɔ?”

Yohane 18:28

Yeɛ bɛfale Yesu befili Kaifa berɛ bɛhɔle amrado n’aluo berɛ; na né ɔte ngyerɛmɔ tutuutu. Nakoso bɛ bɔbɔ de, bangɔ amrado n’aluo berɛ bie, kyɛbɔ ɔkɔyɛ bɔ bɛ nwo ngogua fiɛ, ná bahora bali Abɔtra (aleɛ) ne ɔ.

Yohane 18:30

Na bebuale ye kyɛ, “Sɛ akoaa he ɔtte mmeraatolɛniɛ a, ahaa yamva ye yammrɛ wɔ.”

Yohane 18:32

Na ɛhe sili mane Yesu dwirɛ bɔ ɔhã fale ewue horɛ bɔ okowu ne nwo wale nu.

Yohane 18:35

Na Pilato buale ye kyɛ, “Nde Yudaniɛ anaa? Wɔ bɔbɔ wɔ maen ne asɔfo mbanyi yeɛ bɛfale wɔ bɛbrɛle me ɔ; nzikyɛ yeɛ ayɔ ɔ?”

Asomafoɛ 2:23

Na sɔ Yesu ne, bɛyele ye bɛmane, ɔnate kyɛ né Nyameɛ ayɔ sɔ nhyehyɛleɛ ne, yeɛ né koso ɔse sɔ dada. Na ɛmɔfale bɔnefoɛ so bɛbɔle ye mmeamudua nu behuni ye.

Asomafoɛ 3:13

Abraham ne Yisake ne Yakob Nyameɛ bɔ ɔte yɛ nana mɔ Nyameɛ ne, ɔhyɛle Ɔwa Yesu animnyam, nakoso ɛmɔyele ye bɛmane mbanyi mɔ, na ɛmɔgyinane Pilato nyunu bɛpole ye wɔ mmerɛ bɔ ahaa né wayɛ ye adwene kyɛ ɔyakyi ye ɔ.