Luka 18:31 - AHYERƐLƐ KRONGRON

³¹ Yesu fale asuafoɛ buru ne nyɔ nemɔ hɔle ahameɛ, na osele bɛ kyɛ, “Ɛ́mɔtie, yɛ́fo yɛ́kɔ Yerusalem, na nikyee biala bɔ ngɔmhyɛlɛfoɛ nemɔ bahyerɛ bafa Sona Awa ne anwo ne, ɔkɔwa nu.

Luka 18:31 Iomraidhean Croise

Daniel 9:26

Na afoɛ nzoo sɔ alaa aburasia ne nyɔ ne asi ne, bekohã bɔ bapopa ye ngoo ne, bɔ ebiala ngɔpepɛ ngole ye ɔ. Na afei katakyie bie bɔ ɔbaawa ne, ye lɔen ne kɔsɛkye kuro ne ne nekaa krongron ne. Ye ayieleɛ kɔwa ye so ndɛndɛ so, koɛ kɔhɔ so koodwu sɔ mmerɛ n’ayieleɛ, mmerɛ bɔ bahyehyɛ amaneɛ wɔ nu ne.

Sakaria 13:7

O ngrandɛ, dwɔso tia me mmoaenneafoɛ ne, ɔne sona bɔ ɔte me nwoniɛ ne,” Asafo AWURADE noa dwirɛ ɛne. “Pura mmoaenneafoɛ ne, na mmoaen ne kɔbɔ aya, na ngɔkakyi me sa ngɔhɔ mmaa mmaa nemɔ aso.

Mateo 16:21

Ofi sɔ mmerɛ ne, Yesu hyɛle ye bo hyirele ye asuafoɛ nemɔ kyɛ, odi kyɛ ɔkɔ Yerusalem ná okonwu amaneɛ pee wɔ maen mbanyi ne asɔfo mbanyi ne ahyerɛlɛfoɛ mɔ bɛ sa nu, ná beku ye, ná ye ɛlɛsa so otingye.

Mateo 27:63

na bɛhane kyɛ, “Yɛ mene, yɛkaye kyɛ sɔ nnakannakaniɛ ne ɔte ase ne, ɔhane kyɛ, ‘Ɛlɛsa asi ne, ngotingye’

Marko 8:9

Bɛ bɔ bedidili ne, bɛkɔyɛ apee nna. Na oguale bɛ ate.

Luka 10:30

Yeɛ Yesu buale kyɛ, “Biaa bie fili Yerusalem kyɛ ɔ́torotoro kɔ Yeriko, na oolili amia wɔ awerɔm awuefoɛ bɛ sa nu. Na bepuropurole ye nwo ndaadeɛ, bepurapurale ye, na bɛyakyili ye berɛ bɛhɔle bɔ né ɔpena wu ɔ.

Luka 9:22

Na osele kyɛ, “Odi kyɛ Sona Awa ne nwu amaneɛ pee, ná maen mbanyi, asɔfo mbanyi ne ahyerɛlɛfoɛ bɛpo ye, ná beku ye, ná ye ɛlɛsa ne aso otingye.”

Luka 9:51

Na ɔwale kyɛ, mmerɛ bɔ ɔsɛ kyɛ bɛfa ye bɛkɔ nyameɛso ɔ ɔpena pingye nen, ɔfa siele ye nye so kyɛ ɔkɔhɔ Yerusalem.