Luka 18:30 - AHYERƐLƐ KRONGRON

³⁰ bɔ ongonya ye mmɔhoɛ pee sɔ mmerɛ ye anu, ɔne daa ngoa wɔ wiase bɔ ɔbaawa ne anu ɔ.”

Luka 18:30 Iomraidhean Croise

YOB NWOMAA NE 42:10

Yob bɔle mbaeɛ mane ye damvo nemɔ yiele nen, AWURADE maa osa sili ye gya nu bieku. Bɔ né Yob ole ye daa ne amukoraa, AWURADE fale ye mmɔhoɛ nyɔ mane ye.

Edwein 119:103

Wɔ dwirɛ ne, kyɛbɔ osi yɛ me fɛ ɔ! Ɔyɛ me noa nu fɛ tra woɛ!

Edwein 119:111

Wɔ noa dwirɛ ne te m’agyapadeɛ afebɔɔ; na ɔma me anigye wɔ m’ahone nu.

Edwein 119:127

Amba, me nye gye wɔ mmeraa dwirɛ ne anwo tra esikaa kɔkorɛ, tra esikaa kɔkorɛ paa.

Edwein 119:162

Medi ahurusi wɔ wɔ dwirɛ ne anwo, kyɛ ebie bɔ wanya koɛ nu nzesadeɛ pee ɔ.

Edwein 119:72

Wɔ noa nu mmeraa te paa ma me tra esikaa kɔkorɛ ne ɛdwetɛ apee apee.

Edwein 37:16

Nikyee kãa biala bɔ teneneeniɛ ole ye ne, odi mu tra bɔnefoɛ pee b’anwonya.

Mateo 12:32

Ebiala bɔ okodwudwo kotia Sona Awa ne nen, bɛkɔfa bɛkɔhyɛ ye; nakoso bɔ okodwudwo kotia Sunzum Krongron ne de, bɛngɔfa ngɔhyɛ ye, wɔ ewiase wa ne ewiase bɔ ɔ́ba ne anu.

Mateo 4:24

Ye nwo dwirɛ trɛ hɔle Siria amukoraa, na bɛfale bɛ bɔ bɛnde apɔ amukoraa bɔ anwonyerɛ ne anwondutuo ahoroɔ ayɛ bɛ ɔ, bɛ bɔ sunzummɔne wɔ bɛ so ɔ, ɔne bɛ bɔ ɛpɛlɛ ne apreprɛ wɔ bɛ so ɔ bɛbrɛle ye, na ɔsale bɛ anwonyerɛ.

1 Timoteo 4:8

ofikyɛ anwoɔnaen nu mmɔdenbɔlɛ nwo le mvasoɛ kãa de, nakoso nyamesom paa nwo le mvasoɛ wɔ nikyee biala nu, na ole kekesaala ye ngoa ɔne ngoa bɔ ɔbaawa ne nwo bɔhyɛ.

1 Timoteo 6:6

Nakoso nyamesom paa bɔ ɔma wɔ kunu dwo wɔ ne, ɔte anwonya piri;

Nyekyire 2:10

Nnɛsuro amaneɛ biala bɔ ɛbaanwu ye ɔ. Tie, abɔnzam kɔfa ɛmɔ nu biemɔ kogua kuku nu, kyɛ ɔfa so ɛmɔ nea, na ɛmɔkonwu amaneɛ eleburu. Di nahorɛ kodwu ewue nu, na ngɔma wɔ ngoa abotire.

Nyekyire 2:17

Bɔ ole asoɛ ne, maa otie bɔ Sunzum ne kã kyire asɔre nemɔ ne: Bɔ odi ngonim ne, ngɔma ye mvealeɛ nu mana ne bie maa okoli, na ngɔma ye nyɔboɛ fufue, na nyɔboɛ ne aso yeɛ bahyerɛ dumaa foforɛ bɔ ebiala nze bagua ɔ, sana sona bɔ onya ye ne angome.’

Nyekyire 3:21

Na bɔ odi ngonim ne, ngɔmaa ɔne me kɔtena m’ahennie bia so, kyɛbɔ me koso mali ngonim ná me ne me Baba yatena ye ahennie bia so ne.