Luka 18:3 - AHYERƐLƐ KRONGRON

³ Né braa kunaniɛ bie koso wɔ sɔ kuro ne aso, bɔ né ɔtaa ba ye berɛ bafa ye dwirɛ to ye nyunu kyɛ, ‘Di me dwirɛ ma me, ná pepɛ de me fi me pɔfoɛ sa nu.’

Luka 18:3 Iomraidhean Croise

YOB NWOMAA NE 22:9

Ama akunafoɛ mmrasua bele nzanza basa bahɔ, na asisi awisiafoɛ.

YOB NWOMAA NE 29:13

Mmenia bɔ né bɛwɔ anwokyere piri paa nu ne, beyirayirale me, na mmane akunafoɛ mmrasua bɛ wora kyekyele.

Yesaya 1:17

Ɛ́mɔsua bɔ ɔte paa ɔ bɛyɔ, ɛ́mɔpena pɛpɛɛpɛyɛlɛ si atee, ɛ́mɔpepɛ bele bɛ bɔ bɛyɛ anwumvo ɔ, ɛ́mɔhã bie bɛma nyisiaafoɛ, ná ɛmɔgyina akunafoɛ mmrasua si.

Yeremia 5:28

Bayɛ branoa totwetotwee. Amba, bedi nzɛmmɔne bɛtra so; bemmua nyisiaafoɛ ndɛen bɔ ɔtengyɛ ɔ, nakoso sɔ mmenia nemɔ benya bɛ nwo, yeɛ bɛnga bie bɛmma bɛ bɔ bɛyɛ anwumvo ɔ.

Mateo 5:25

“Sona bɔ wasama wɔ ne, ɛne ye bésiesie ɛmɔ afia ndɛndɛ, wɔ mmerɛ bɔ ɛne ye bɛ gya gyi atee so bɛkɔ mbanyi nyunu ɔ. Anyɔ a, sona bɔ wasama wɔ ne kɔfa wɔ kowura ndɛenbualɛniɛ sa, ná ndɛenbualɛniɛ ne koso wafa wɔ wawura wɛmvoɛ ne sa, ná bafa wɔ bato kuku nu.

Luka 18:2

Osele kyɛ, “Ndɛenbualɛniɛ bie tenane kuro bie aso, bɔ né onzuro Nyameɛ ná ɔmvɛre sona ɔ.

Luka 18:4

Na wandɛ ye so alaa maa ɔhyɛle kãa, nakoso nziɛ ye, ɔhane ye ye ti anu kyɛ, ‘Ɔwɔ nu kyɛ menzuro Nyameɛ ná memvɛre sona de,

Luka 18:5

nakoso ɔnate ɛhalɛ bɔ braa kunaniɛ he ɔha me ne ati, ngɔnea ngoli ye dwirɛ ne ngɔma ye, ná wandɔ wangɔ so wammandwane me nwo.’ ”

Deuteronomi 27:19

“ ‘Musue tó sona biala bɔ okobua ɛwɔfoɛ, awisianiɛ anaa kunaniɛ ndɛengyea ɔ.’ Na mmenia ne amukoraa kosuro so kyɛ, ‘Amen!’