Luka 18:16 - AHYERƐLƐ KRONGRON

¹⁶ Nakoso Yesu frɛle ngwadaa nemɔ maa bɛwale ye nwo berɛ, na osele asuafoɛ nemɔ kyɛ, “Ɛ́mɔma ngwadaa nemɔ ate ma bɛbra me berɛ, na nnɛma ɛmɔsi bɛ ate; ofikyɛ ɛhemɔ sɔa ye yeɛ Nyameɛ ahennie ne ɔte bɛ deɛ ɔ.

Luka 18:16 Iomraidhean Croise

Gyenesise 21:4

Abraham awa Yisake lili ɛlɛbɔtwɛ nen, ɔpɛle ye bienzua, kyɛbɔ Nyameɛ hyɛle ye ne.

2 Aberɛso Dwirɛ 20:13

Sɔ mmerɛ ne, Yuda amukoraa begyinane AWURADE nyunu; bɛ ne bɛ ngwadaa ne bɛ ye mɔ ne bɛ mma mɔ.

Yeremia 32:39

Ngɔma bɛ ahone ko ne atee ko, amaa ɔnate so basuro me afebɔɔ, ɔnate bɛ bɔbɔ bɛ yeeyɛlɛ, ɔne kyẽa bie bɛ mma mɔ yeeyɛlɛ ti.

Mateo 19:14

Nakoso Yesu sele kyɛ, “Ɛ́mɔma ngwadaa nemɔ ate ma bɛbra me berɛ, na nnɛma ɛmɔsi bɛ ate; ofikyɛ ɛhemɔ sɔa ye yeɛ nyameɛso ahennie ne ɔte bɛ deɛ ɔ.”

Luka 18:15

Bɛfale ngwadaammaa koso bɛbrɛle Yesu kyɛ ɔfa ye sa hã bɛ. Na ye asuafoɛ nemɔ nwuni ye sɔ nen, bedwudwole bɛ.

Luka 18:17

Nahorɛ nu, mekã mekyire ɛmɔ kyɛ, ebiala bɔ wanne Nyameɛ ahennie ne wando nu kyɛ akwadaa ne, ɔngɔhɔ nu le.”

Asomafoɛ 2:39

Ofikyɛ Nyameɛ anohoba ne wɔ berɛ ma ɛmɔ ne ɛmɔ mma ne bɛ bɔ bɛwɔ dedeede, ɔne ebiala bɔ Awurade, yɛ Nyameɛ, kɔfrɛ ye kɔwa ye berɛ ɔ.”

1 Korintofoɛ 14:20

Aliɛmaa mɔ, nnɛma ɛmɔdwene kyɛ ngwadaa, bɔne nu de, ɛ́mɔyɛ kyɛ nnɔma na mmom adwene nu ɛ́mɔyɛ mbanyi.

1 Korintofoɛ 7:14

Ofikyɛ wiaseniɛ huɛ ne, ɔnate ɔye so yeɛ ye nwo te ɔ; sɔ ala koso yeɛ wiaseniɛ yeɛ ne, ɔnate ohu so yeɛ ye nwo te ɔ. Na sɛ wamma ye sɔ de a, ahaa ɛmɔ mma mɔ nwo kogua fiɛ, nakoso kyɛbɔ ɔte ye de, bɛ nwo te wɔ Nyameɛ nyunu.

Deuteronomi 29:11

ɛmɔ mma, ɛmɔ aye mɔ, ɔne ɛwɔfoɛ mɔ bɔ bɛwɔ w’asikyeleɛ ne anu, bɔ bɛ yeɛ bebubu eyein bɛma wɔ ná bɛsa nzue bɛma wɔ ɔ;

Deuteronomi 31:12

Ma mmenia ne bɛ́bɔ dwaa: mmienzua, mmrasua, ngwadaa ne ɛwɔfoɛ mɔ bɔ bɛtete wɔ nguro nemɔ aso ɔ; amaa ɔnate so batie, ná basua kyɛbɔ besuro AWURADE ɛmɔ Nyameɛ ɔ, ná bali mmeraa he anu dwirɛ mukoraa so nahorɛ nu.

1 Petro 2:2

Ɛmɔte kyɛ nnɔma bɔ bawo bɛ foforɛ ɔ, yiti ɛ́mɔpena sunzum nu nyɔfonesue bɔ ye nwo te ɔ, amaa ɔnate so ɛmɔanyi nu bahɔ ngoalelɛ nu,