Luka 18:15 - AHYERƐLƐ KRONGRON

¹⁵ Bɛfale ngwadaammaa koso bɛbrɛle Yesu kyɛ ɔfa ye sa hã bɛ. Na ye asuafoɛ nemɔ nwuni ye sɔ nen, bedwudwole bɛ.

Luka 18:15 Iomraidhean Croise

Luka 18:16

Nakoso Yesu frɛle ngwadaa nemɔ maa bɛwale ye nwo berɛ, na osele asuafoɛ nemɔ kyɛ, “Ɛ́mɔma ngwadaa nemɔ ate ma bɛbra me berɛ, na nnɛma ɛmɔsi bɛ ate; ofikyɛ ɛhemɔ sɔa ye yeɛ Nyameɛ ahennie ne ɔte bɛ deɛ ɔ.

Luka 9:54

Na mmerɛ bɔ ye asuafoɛ Yakobo ne Yohane benwuni ye sɔ nen, besele kyɛ, “Awurade, ekuro kyɛ yɛma see fi nyameɛso bayera bɛ [kyɛbɔ Elia yɔle ne] anaa?”

1 Samuel 1:24

Ɔpɛle akwadaa ne nyɔfone nen, ɔne ye bɛhɔle AWURADE awuro wɔ Silo, ɔwɔ nu kyɛ né akwadaa ne onnyini. Ɔfale ɛhemɔ koso bokale so: nandwie nyii bɔ wali afoɛ nza ɔ, esam graa ko, yeɛ bobe nzaa kɔndoa ko.

1 Samuel 1:25

Afei behuni nandwie nyii ne, na bɛfale akwadaa ne bɛbrɛle Eli.