Luka 18:14 - AHYERƐLƐ KRONGRON

¹⁴ Na Mekã mekyire ɛmɔ kyɛ, sɔ sona he mmom yeɛ Nyameɛ buale be maa ɔhɔle ye awuro ɔ, na nna ko ne ɔ; ofikyɛ ebiala bɔ ɔma ye nwo so ne, bɛkɔbrɛ ye ase, nakoso bɔ ɔbrɛ ye nwo ase ne de, bɛkɔma ye so.”

Luka 18:14 Iomraidhean Croise

YOB NWOMAA NE 22:29

Sɛ ɔbrɛ ebiemɔ ase a, ɛnwa anwomasoɛ ti ɔ, ofikyɛ ɔpepɛ de anwobrɛaseɛniɛ.

YOB NWOMAA NE 25:4

Nzaade ɔkɔyɛ sɛɛ né dasaniɛ watengyɛ wɔ Nyameɛ nyunu? Sona bɔ brasua awo ye ɔ, ɔkɔyɛ sɛɛ né ye nwo ate?

YOB NWOMAA NE 9:20

Sɛ medi be po a, ahaa me bɔbɔ me noa kobua me fɔ, yeɛ sɛ mvomsoɛ nne me nwo po a, ɔkɔmaa ngonwu kyɛ me dwirɛ nyɛ fɛ.

Edwein 138:6

Ofikyɛ ɔwɔ nu kyɛ AWURADE wɔ anwuro anwuro de, nakoso ɔdo anwobrɛaseɛfoɛ; na anwomasoɛfoɛ de, ɔbrɛ bɛ ase fi dedeede.

Edwein 143:2

W’akoaa, nnɛfa me wura ndɛenbualɛ nu, ofikyɛ teasefoɛ biala nni be wɔ wɔ nyunu.

Ɛksadɔso 18:11

Na afei de, manwu ye kyɛ AWURADE te piri tra bosoen biala, ofikyɛ olele mmenia ne fili Misraimfoɛ sa nu, mmerɛ bɔ né bɛ́hyɛ bɛ anyeborolɛ ne.”

Anyandera 15:33

AWURADE surolɛ te nworɛ bɔ ɔtengyɛtengyɛ sona ɔ, na anwobrɛaseɛ ne animnyam yeɛ bɛnate ɔ.

Anyandera 18:12

Anwomasoɛ mma onyie sona yé, na anwobrɛaseɛ ne animnyam yeɛ bɛnate ɔ.

Anyandera 25:7

ofikyɛ ɔte paa kyɛ bekose wɔ kyɛ, “Bra anwuro faen,” tra kyɛ bekogua wɔ nyunu ase wɔ sona titire ne anyunu. Edwirɛ bɔ wɔ nye anwu ye ne,

Anyandera 29:23

Sona ye anwomasoɛ brɛ ye ase, nakoso bɔ ɔte sunzum nu awiɛmvoɛ ne de, okonya animnyam.

Anyandera 3:34

Nahorɛ nu, ɔgoro ngorohoɛfoɛ nwo, nakoso anwobrɛaseɛfoɛ de, ɔdo bɛ.

Nworɛ Dwirɛhanɛniɛ 9:7

Yiti kɔ so, di w’aleɛ wɔ anigye nu, ná fa anwosɛpɛ no wɔ nzaa, ofikyɛ bɔ ɛyɔ ne, Nyameɛ ale ato nu dadadada.

Yesaya 45:25

AWURADE nu yeɛ Yisrael boso ama mukoraa bekoli ngonim bekonya animnyam ɔ.”

Yesaya 53:11

Okonwu ye kra amaneɛnwunɛ ne aso mvasoɛ maa ye ahone kɔtɔ ye kunu, na m’akoaa teneneeniɛ ne, ye nimdeɛ yeɛ ɔkɔfa kobua mmeni pee be ɔ, ofikyɛ ye yeɛ ɔkɔsoa b’amumuyɛɛ ɔ.

Yesaya 57:15

Ofikyɛ Anwuro Anwuroniɛ ne, bɔ ɔwɔ berɛ afebɔɔ, bɔ ye dumaa ole Krongron ne, ɔnwa nyoo: “Anwuro ne nekaa krongron berɛ yeɛ nde ɔ, na sona bɔ wanya nnuhoɛ ne anwobrɛaseɛ ne, me ne ye yeɛ yɛte ɔ, amaa ɔnate so mama anwobrɛaseɛfoɛ bɛ sunzum anya ngoa, ná mama bɛ bɔ banya nnuhoɛ ne b’ahone anya ngoa.

Yesaya 66:2

Ɛhemɔ amukoraa mafa me sa yeɛ mayɔ ɔ, yiti ɛhemɔ amukoraa bɛte me deɛ, AWURADE noa dwirɛ ɛne. Nakoso sona bɔ ɔte sɔaa yeɛ mepena ɔ: bɔ ɔbrɛ ye nwo ase ná onya sunzum nu anwobrɛaseɛ ɔ, ɔne bɔ ɔfa anidie ma me dwirɛ ɔ.

Daniel 4:37

Na afei de, me Nebukadenesa, mefa ayɛyelɛ, ɛkamvolɛ ne anidie mema nyameɛso Hene ne, ofikyɛ bɔ ɔyɔ amukoraa te turoloo, na ye atee tengyɛ, na bɛ bɔ bɛbɔ anwomasoɛ bra ne, ɔkora brɛ bɛ ase.

Habakuku 2:4

Tie, sona bɔ ɔte anwomasoɛ ne, ye kra ɔndengyɛ wɔ ye nu, nakoso teneneeniɛ de, ɔnate ye gyidie so yeɛ okonya ngoa ɔ.

Mateo 23:12

Na ebiala bɔ ɔmoma ye nwo so ne, bɛkɔbrɛ ye ase; yeɛ ebiala bɔ ɔbrɛ ye nwo ase ne, bɛkɔma ye so.

Mateo 5:3

“Sunzum nu ehiafoɛ banya saleɛ, ofikyɛ bɛ yeɛ nyameɛso ahennie ne te bɛ deɛ ɔ.

Luka 1:52

Watu tumifoɛ mɔ wafi b’ahennie bia so, na wapagya awiɛmvoɛ mɔ so.

Luka 10:29

Nakoso ye de, né ɔpena kyɛ obua ye nwo be ne ati, obisale Yesu kyɛ, “Na nwa yeɛ ɔte mmiɛngo ɔ?”

Luka 14:11

Ofikyɛ ebiala bɔ ɔma ye nwo so ne, bɛkɔbrɛ ye ase; na bɔ ɔbrɛ ye nwo ase ne, bɛkɔma ye so.”

Luka 16:15

Yiti Yesu sele bɛ kyɛ, “Ɛmɔte mmenia bɔ ɛmɔbu bɛ nwo kyɛ bɛtengyɛ wɔ mmenia nyunu, nakoso Nyameɛ yeɛ ɔse ɛmɔ ti anu ɔ. Ofikyɛ, bɔ ɔmoma ye nwo so wɔ mmenia nu ne, ɔte akyiwadeɛ wɔ Nyameɛ nyunu.

Romanfoɛ 3:20

Yiti bengogyina mmeraa nnwumaa so bengobua sona biala be wɔ Nyameɛ nyunu, ofikyɛ mmeraa ne de, ɔma sona nwu ye bɔne.

Romanfoɛ 4:5

Na sona bɔ ɔmva ye nwo ndo nnwumaa paa so, na mmom ode Nyameɛ bɔ obua bɔnefoɛ be di nen, Nyameɛ bu sɔ sona ne gyidie kyɛ tenenee ma ye.

Romanfoɛ 5:1

Afei de, ɔnate gyidie so yɛne Nyameɛ y’afia ayɛ ko ne ati, yɛnate y’Awurade Yesu Kristo so yanya asomdwee wɔ Nyameɛ nu.

Romanfoɛ 8:33

Nwa yeɛ ɔkɔbɔ bɛ bɔ Nyameɛ waneanea nu waye bɛ ne kwaadu ɔ? Nyameɛ yeɛ obua be ɔ.

Galatiafoɛ 2:16

Nakoso yɛse kyɛ ɔnate sona gyidie wɔ Yesu Kristo nu so yeɛ Nyameɛ bua ye be ɔ, na mmom ɔnnate mmeraa ne aso lilɛ. Yɛ koso yale Kristo yali, amaa ɔnate sɔ gyidie ne aso Nyameɛ abua yɛ be, na nna kyɛ mmeraa ne aso lilɛ ti ɔ; ofikyɛ nna mmeraa ne aso lilɛ yeɛ Nyameɛ kɔfa kobua sona biala be ɔ.

Yakobo 4:10

Ɛ́mɔbrɛ ɛmɔ nwo ase wɔ Awurade nyunu, na ɔkɔma ɛmɔ so.

Yakobo 4:6

Nakoso adom bɔ ɔfa ma ne, ɔsone pee. Na ye sɔ ati yeɛ Ahyerɛlɛ ne kã kyɛ, “Nyameɛ nye sa anwomasoɛfoɛ, na ɔdo anwobrɛaseɛfoɛ.”

1 Samuel 1:18

Na Hana sele kyɛ, “Mesrɛ wɔ, w’adaworoma, do w’afaneɛ sɔ ala.” Afei Hana fili berɛ hɔle, odidili, na aworabɔlɛ andira ye ko.