Luka 18:13 - AHYERƐLƐ KRONGRON

¹³ “Nakoso ɛtoɔdidelɛniɛ ne de, oogyinane nziɛ nziɛ, na wanguro kyɛ ɔkɔma ye nye so kɔnea nyameɛso po ɔ, na mmom ɔfale ye sa guale ye ahone so hane kyɛ, ‘O Nyameɛ, nde bɔnefoɛ, na nwu me anwumvoin!’

Luka 18:13 Iomraidhean Croise

2 Samuel 12:13

Yeɛ Dawide sele Natan kyɛ, “Yieee! Mayɔ bɔne matia AWURADE.” Na Natan buale Dawide kyɛ, “AWURADE afa wɔ bɔne wahyɛ wɔ, engowu.

2 Aberɛso Dwirɛ 33:19

Ye mbaeɛ bɔ ɔbɔle, kyɛbɔ Nyameɛ tiele ye sufrɛ, ye bɔne amukoraa, ye nahorɛlilɛ, nekaa bɔ osisili asɔneyɛɛ mɔ gyinagyinane Asera dosii mɔ ne amoen mɔ, koraka yeɛ ɔsakyera ne, bahyerɛ ye wɔ mmenia bɔ bɛse ase ne b’abakɔsɛm nwomaa ne anu.

2 Aberɛso Dwirɛ 33:23

Wammrɛ ye nwo ase wamma AWURADE kyɛbɔ ye baba Manase de ɔbrɛle ye nwo ase ne, na mmom Amon yɔle bɔne pee.

Ɛsra 9:6

na nzele kyɛ, “O me Nyameɛ, ɔyɛ me nya paa, na mafɛre kyɛ ngɔpagya me nye ngɔnea wɔ ɔ. Ofikyɛ me Nyameɛ, y’amumuyɛɛ wasone pee, na yɛ mvomsoɛ wadwu nyameɛso.

YOB NWOMAA NE 42:6

Yiti manu me nwo, na me nwo yɛ me nya, na mafa mvuture ne nzoen magua me nwo.”

Edwein 106:6

Yɛne yɛ nana mɔ yayɔ bɔne; yayɔ amumuyɛɛ, na yayɔ bɔne piri.

Edwein 119:41

Ao AWURADE, wɔ ɔdɔ bɔ onni ngasi ne, ye ye ali kyire me, yeɛ wɔ ngoalelɛ ne, kyɛbɔ wɔ bɔhyɛ te ɔ,

Edwein 130:7

Ao Yisrael, fa wɔ wora wura AWURADE nu! Ofikyɛ AWURADE yeɛ ole ɔdɔ bɔ onni ngasi ɔ, na ye yeɛ ɔpepɛ de sona mmorosoɛ ɔ.

Edwein 25:11

Ao AWURADE, wɔ dumaa ti, fa me bɔne kyɛ me, ofikyɛ ɔte piri.

Edwein 25:7

Ao AWURADE, ɔnate wɔ paayɛlɛ ne ati, nnɛkaye me ngwadaa nu bɔne, ɔne me mmeraatolɛ; gyina wɔ ɔdɔ bɔ onni ngasi ne aso ná kaye me!

Edwein 40:12

Ofikyɛ amaneɛ bɔ bɛka a bennwu ye noa ɔ, bapɛ me nwo bayia, m’amumuyɛɛ mɔ babungam bafa me so, bɔ ɔmma mengora mennwu nikye ɔ; bɛsone bɛtra me ti nwiaa, na wamaa ahunundetelɛ atɔ me so.

Edwein 41:4

Ngane kyɛ, “Ao AWURADE, nwu me anwumvoin; sa me anwonyerɛ, ofikyɛ mayɔ bɔne matia wɔ.”

Ɛksadɔso 33:10

Na sɛ mmenia ne amukoraa nwu munungum ningɔnn ne kyɛ ogyi ɛtena sua ne anoa nu berɛ a, bɛ mukoraa bedwɔso begyina, na ebiala bɔ ye ti ase sɔne AWURADE wɔ ye ɛtena sua anoa nu.

Yesaya 1:18

AWURADE nwa nyoo: “Ɛmɔbra ma yɛsiesie yɛ afia. Ɔwɔ nu kyɛ ɛmɔ bɔne te kyɛ adaabene de, nakoso bɛkɔyɛ fufue kyɛ nwera, ɔwɔ nu kyɛ bɛboro kyɛ koogyan, nakoso bɛkɔyɛ kyɛ gyese.

Yesaya 6:5

Na ngane kyɛ, “Edwirɛ ato me oo! Mawu oo! Ofikyɛ nde sona bɔ me noa kekã amumuyɛɛ dwirɛ, yeɛ nde maen bɔ nu ama kekã amumuyɛɛ dwirɛ ɔ nu; ɔnate kyɛ me nye anwu Ɛhene ne, bɔ ye ole Asafo AWURADE!”

Yesaya 66:2

Ɛhemɔ amukoraa mafa me sa yeɛ mayɔ ɔ, yiti ɛhemɔ amukoraa bɛte me deɛ, AWURADE noa dwirɛ ɛne. Nakoso sona bɔ ɔte sɔaa yeɛ mepena ɔ: bɔ ɔbrɛ ye nwo ase ná onya sunzum nu anwobrɛaseɛ ɔ, ɔne bɔ ɔfa anidie ma me dwirɛ ɔ.

Hesekiel 16:63

amaa ɔnate so sɛ mefa wɔ bɔne bɔ ayɔ amukoraa mekyɛ wɔ a, akaye, ná wayɛ wɔ nya, na w’animguaseɛ ne ati ɛngɔtɛ wɔ noa nu ko, AWURADE Nyameɛ noa dwirɛ ɛne.”

Daniel 9:5

yayɔ bɔne, yayɔ amumuyɛɛ, yayɔ bɔ bɛnyɔ ɔ, yayɛ lɔen, kyɛ yali wɔ mmeraa dwirɛ ne wɔ nhyehyɛleɛ ne anwo makyebu ɔ.

Mateo 10:3

Filipo ne Batolomeo; Tɔmase ne Mateo bɔ ɔte ɛtoɔdidelɛniɛ ne; Yakobo bɔ ye baba ole Alfeo ne, yeɛ Tadeo;

Mateo 6:5

“Sɛ ɛmɔbɔ mbaeɛ a, nnɛma ɛmɔyɛ kyɛ nyaatwomfoɛ nemɔ; ofikyɛ bɛ de, bekuro kyɛ begyinagyina ndende wɔ nyianu sua nemɔ nu ne mmorɔnoɛ so bɛbɔ mbaeɛ, kyɛbɔ ɔkɔyɛ bɔ mmenia konwu bɛ ɔ. Nahorɛ nu, mekã mekyire ɛmɔ kyɛ, banya b’akatuaa dada.

Mateo 9:13

Ɛmɔhɔ beesua kyɛbɔ edwirɛ he ye bo kyire ɔ, ‘Anwumvoinnwunɛ yeɛ mekuro ɔ, na nna afɔleɛbɔlɛ ɔ.’ Ofikyɛ mamma kyɛ mebaafrɛ teneneefoɛ, na mmom bɔnefoɛ.”

Marko 11:25

Na sɛ ɛmɔdwɔso begyina kyɛ ɛmɔbɔ mbaeɛ, ná sɛ ebie nwo dwirɛ wɔ ɛmɔ ti anu a, ɛ́mɔfa bɛhyɛ ye; amaa ɔnate so ɛmɔ Baba bɔ ɔwɔ nyameɛso ne koso wafa ɛmɔ mvomsoɛ wahyɛ ɛmɔ. [

Luka 17:12

Na mmerɛ bɔ ɔkwaawura akuraa bie anu nen, mmienzua buru bie bɔ bɛte kwatafoɛ ɔ beeyiale ye, bɔ né baagyinagyina dedeede ɔ,

Luka 22:41

Na ɔhwene ye nwo fili bɛ nwo berɛ hɔle ye nyunu moa kãa nen, obuli ndwerɛ bɔle mbaeɛ kyɛ,

Luka 23:48

Na mmenia amukoraa bɔ bɛwale berɛ kyɛ bɛbaanea bie ne, benwuni bɔ wasi nen, bɛfale bɛ sa befifini b’ahone befili berɛ bɛhɔle.

Luka 5:8

Na Simɔn nwuni ye sɔ nen, obuli ndwerɛ Yesu nyunu berɛ hane kyɛ, “O Awurade, fi me nwo wa kɔ, ofikyɛ nde sona bɔnefoɛ.”

Asomafoɛ 2:37

Na bɛtele sɔ dwirɛ ne nen, opusuli bɛ paa, na bebisale Petro ne asomafoɛ ngaa nemɔ kyɛ, “Aliɛmaa mɔ, nzu yeɛ yɛ́yɔ ɔ?”

Romanfoɛ 5:8

Nakoso Nyameɛ hyirele kyɛbɔ osi kuro yɛ dwirɛ ɔ, ofikyɛ mmerɛ bɔ né yɛtɛ te bɔnefoɛ ne yeɛ Kristo wu mane yɛ ɔ.

2 Korintofoɛ 7:11

Na sɔ aworabɔlɛ he bɔ ɔnate Nyameɛ surolɛ so wawa ye, ɛmɔnea dwumadie paa bɔ wali wɔ ɛmɔ nu ɔ: bɛ noa yelɛ nu, ahinzɛm nu, ɛserɛ nu, me nwo aworadɔlɛ, ɛmɔ mmɔdenbɔlɛ nu, ɔne wereɛtɔlɛ nu. Na atee biala so ɛmɔahyire kyɛ ɛmɔnni fɔ wɔ ɛhemɔ nwo.

1 Timoteo 1:15

Ɛhe te nahorɛ dwirɛ bɔ ɔsɛ kyɛ bede bɛto nu bɔkɔɔ ɔ, kyɛ Kristo Yesu wale wiase oolele bɔnefoɛ bɔ nde bɛ hene ne ngoa.

Hebrifoɛ 4:16

Yiti ɛ́mɔma yɛsi y’ahone yɛbra adom ahennie bia ne nyunu, amaa ɔnate so wanwu yɛ anwumvoin, ná yanya adom bɔ ɔkɔboka yɛ ɔ wɔ mmerɛ bɔ ɔsɛ ɔ nu.

Hebrifoɛ 8:12

Ngonwu b’amumuyɛɛ nwo anwumvoin, na mengɔkaye bɛ bɔne ne bɛ mvomsoɛ ko.”