Luka 18:12 - AHYERƐLƐ KRONGRON

¹² Dapɛn biala meyɛ akɔngyere pɛen nyɔ, na bɔ menya biala, meye so buru nu ngyɛmuɛ ko mema.’

Luka 18:12 Iomraidhean Croise

2 Ahemvo 10:16

Yeɛ Yehu hane kyɛ, “Maa yɛhɔ kɔnea kyɛbɔ matu me nwo masie berɛ mama AWURADE ɔ.” Yiti ɔmane Yehonadabo tenane ye teaseɛnam ne anu bie.

Yesaya 1:15

Sɛ ɛmɔtrɛtrɛ ɛmɔ sa nu (kyɛ ɛmɔbɔ mbaeɛ a,) ngɔye me nye ngɔto buro bɔ mengɔtɛ ɛmɔ so ɔ. Ɛmɔbɔ mbaeɛ pee de, nakoso mengotie, ofikyɛ ɛmɔahã mogya bagua paa.

Malaki 3:8

Aso odi kyɛ sona di Nyameɛ ndurum anaa? Nakoso ɛmɔ de, ɛmɔdi me ndurum. Na ɛmɔbisa kyɛ, ‘Atee beni aso yeɛ yɛdi wɔ ndurum ɔ?’ Ɛmɔdi ye wɔ buru nu ngyɛmuɛ ko ɔne afɔleɛbɔlɛ nu.

Numeri 18:24

ofikyɛ Yisraelfoɛ bɛ nningyein nu buru nu ngyɛmuɛ ko bɔ baye basie berɛ bafa babɔ afɔleɛ bama AWURADE ne, mafa mama Lewifoɛ kyɛ b’agyapadeɛ ɛne. Yiti mahã mafa bɛ nwo kyɛ bengonya agyapadeɛ wɔ Yisraelfoɛ nu.”

Numeri 23:4

Nyameɛ yele ye nwo ali hyirele Balaam, na Balaam sele ye kyɛ, “Masiesie afɔleɛ bokyea nzoo ne, na mafa nandwie nyii ko ɔne boaen nyii ko biala mabɔ afɔleɛ wɔ afɔleɛ bokyea ko biala so.”

Mateo 5:20

Yiti mekã mekyire ɛmɔ kyɛ, sɛ ɛmɔ tenenee andra ahyerɛlɛfoɛ ne Farasiifoɛ deɛ a, ye de ɛmɔ gya baa ngotia nyameɛso ahennie ne anu.

Mateo 6:1

“Ɛ́mɔnea yé ná ɛmɔanyɔ ɛmɔ tenenee yɔleɛ wɔ mmenia nyunu, kyɛbɔ ɔkɔyɛ bɔ bekonwu ɛmɔ ɔ. Ɔba ye sɔ a, ɛmɔngonya akatuaa biala ngofi ɛmɔ Baba bɔ ɔwɔ nyameɛso ne berɛ.

Mateo 6:16

“Sɛ ɛmɔyɛ akɔngyere a, nnɛma ɛmɔyɛ ɛmɔ nyunu bosaa kyɛ nyaatwomfoɛ nemɔ, ofikyɛ benyinya bɛ nyunu kyɛbɔ mmenia konwu kyɛ bɛyɛ akɔngyere ɔ. Nahorɛ nu, mekã mekyire ɛmɔ kyɛ, banya b’akatuaa dada.

Mateo 6:5

“Sɛ ɛmɔbɔ mbaeɛ a, nnɛma ɛmɔyɛ kyɛ nyaatwomfoɛ nemɔ; ofikyɛ bɛ de, bekuro kyɛ begyinagyina ndende wɔ nyianu sua nemɔ nu ne mmorɔnoɛ so bɛbɔ mbaeɛ, kyɛbɔ ɔkɔyɛ bɔ mmenia konwu bɛ ɔ. Nahorɛ nu, mekã mekyire ɛmɔ kyɛ, banya b’akatuaa dada.

Mateo 9:14

Yeɛ Yohane asuafoɛ nemɔ wale Yesu berɛ beebisale ye kyɛ, “Nzu ati yeɛ yɛne Farasiifoɛ yɛtaa yɛyɔ akɔngyere, ná w’asuafoɛ nemɔ de bɛnyɔ akɔngyere ɔ?”

Luka 11:42

“Ɛmɔ Farasiifoɛ, ɛmɔ yaakɔ! Ofikyɛ, ɛmɔfa ɛmeɛ, ɛmanyire ne nyaanyaa biala buru nu ngyɛmuɛ ko bɛma, nakoso ɛmɔbu bɛ nye begua pɛpɛɛpɛyɛlɛ ne Nyameɛ nwo dɔ so. Na ɛhemɔ yeɛ ahaa odi kyɛ ɛmɔyɔ ɔ, bɔ ɛmɔnyakyi ye ngaa nemɔ koso yɔlɛ ɔ.

Luka 17:10

Sɔ ala yeɛ ɛmɔyɔ koso, sɛ ɛmɔyɔ ahyɛdeɛ amukoraa bɔ bafa bama ɛmɔ ne a, odi kyɛ ɛmɔkã kyɛ ‘Yɛte ngoaa bɔ mvasoɛ biala nne yɛ so ɔ, na bɔ ɔte y’asɛdeɛ yeɛ yayɔ ɔ.’ ”

Romanfoɛ 3:27

Afei nzikyɛ yeɛ yɛfa yɛhoahoa yɛ nwo ɔ? Yɛlle hwee! Kyɛ yɛdi mmeraa ne aso anaa? Anaakyɛ yɛ yɔleɛ paa ti ɔ? Daabi, na mmom ɔnate gyidie so.

1 Korintofoɛ 1:29

amaa sona biala anhoahoa ye nwo wɔ Nyameɛ nyunu.

Galatiafoɛ 1:14

Na nyane ngɔsoɛ wɔ Yudasom nu ndrale Yudafoɛ pee bɔ me ne bɛ bɔ tipɛen, na nzɔle me nana mɔ amammerɛ ne anu serɛserɛ.

Ɛfesofoɛ 2:9

nna ɛmɔ nnwumaa ti ɔ, ná ebiala amva anhoahoa ye nwo.

1 Timoteo 4:8

ofikyɛ anwoɔnaen nu mmɔdenbɔlɛ nwo le mvasoɛ kãa de, nakoso nyamesom paa nwo le mvasoɛ wɔ nikyee biala nu, na ole kekesaala ye ngoa ɔne ngoa bɔ ɔbaawa ne nwo bɔhyɛ.

1 Samuel 15:13

Na Samuel dwuli Sɔɔlo nwo berɛ ne, Sɔɔlo sele ye kyɛ, “AWURADE yira wɔ oo! Bɔ AWURADE hyɛle me kyɛ nyɔ ne, mayɔ.”