Luka 17:31 - AHYERƐLƐ KRONGRON

³¹ “Sɔ kyẽa ne, sona bɔ ɔwɔ sua ti afia, bɔ ye nningyein wɔ sua nu ne, onni kyɛ odwu ba kyɛ ɔbaafa kɔ; yeɛ sona bɔ ɔwɔ fieso ne koso, onni kyɛ osa ye si ba.

Luka 17:31 Iomraidhean Croise

YOB NWOMAA NE 2:4

Na Satan buale AWURADE kyɛ, “Na ye nwonaen koso ɛ! Bɔ sona le ye amukoraa, okuro kyɛ ɔkɔmaa ɔkɔhwere ye, ná wanya ngoa.

Yeremia 45:5

Na wɔ, aso nningyein mbiri mbiri yeɛ ɛpena mma wɔ nwo ɔ? Nnɛpena, ofikyɛ ngɔprapra musue ngogua anwoɔnaen amukoraa so, AWURADE noa dwirɛ ɛne. Nakoso wɔ de, ekonya wɔ ti kodidi nu kyɛ koɛ nu nzesadeɛ wɔ nekaa biala bɔ ɛkɔhɔ ɔ.”

Mateo 16:26

Na sɛ sona nya ewiase amukoraa ná ɔhwere ye kra a, nzikyɛ mvasoɛ yeɛ okonya ɔ? Anaakyɛ, nzikyɛ yeɛ sona kɔhora kɔfa kɔsesã ye kra ngoa ɔ?

Mateo 6:25

“Yiti mekã mekyire ɛmɔ kyɛ, nnɛmɔma ɛmɔ asetena nu adwenedwene tɔ ɛmɔ so, kyɛ nzu yeɛ ɛmɔkoli ɔ; anaakyɛ nzu yeɛ ɛmɔkɔno ɔ, anaakyɛ ɛmɔ nipadua nwo, kyɛ nzu yeɛ ɛmɔkɔhera ɔ. Aso ngoa nwo nhia ndra aleɛ? Aso nipadua nwo nhia ndra ɛtena anaa?

Luka 21:21

Ye de, bɛ bɔ bɛwɔ Yudea ne, odi kyɛ bɛnwati bɛkɔ mmokaa nemɔ aso; yeɛ bɛ bɔ bɛwɔ Yerusalem ne, odi kyɛ befi nu bɛkɔ; na bɛ bɔ bɛwɔ nguraa nemɔ anu ne, onni kyɛ bekoowura kuro ne anu ɔ,