Luka 17:30 - AHYERƐLƐ KRONGRON

³⁰ Na sɔ ala yeɛ ɔkɔyɛ ɔ wɔ kyẽa bɔ Sona Awa ne kɔye ye nwo ali ne.

Luka 17:30 Iomraidhean Croise

Mateo 16:27

Ɔnate kyɛ, Sona Awa ne ɔne ye abɔfo mɔ bɛkɔwa ye Baba animnyam nu, na okotua ebiala kerɛ kyɛbɔ ye yɔleɛ si te ɔ.

Mateo 24:3

Né Yesu te Olive Bokaa ne aso, na asuafoɛ nemɔ wale ye berɛ ahameɛ beesele ye kyɛ, “Kã kyire yɛ, kyinzu yeɛ ɛhemɔ bɛkɔwa nu ɔ? Na nzikyɛ yeɛ ɔkɔyɛ wɔ walɛ ne ne ewiase ayieleɛ ne nwo sɛngyerɛnneɛ?”

Mateo 24:37

Na kyɛbɔ Nowa aberɛ so deɛ ne yɛle ne, sɔ ala koso yeɛ Sona Awa ne walɛ ɔkɔyɛ ɔ.

Mateo 24:39

na né bɛnze bɔ ɔbaasi ɔ maa oodwuli kyɛ nzueyilɛ ne wale oopiane bɛ mukoraa hɔle ɔ; na sɔ ala yeɛ Sona Awa ne walɛ ɔkɔyɛ ɔ.

Mateo 26:64

Na Yesu buale ye kyɛ, “Ye ala yeɛ ahã ne, nakoso mekã mekyire ɛmɔ kyɛ, ofi ɛnɛ bɔ ɔkɔ ɔ, ɛmɔkonwu Sona Awa ne kyɛ ɔte Tumi sa famaa so, na ɔ́ba anwuro munungum so ɔ!”

Marko 13:26

Na afei mmenia konwu Sona Awa ne kyɛ ole tumi piri ne animnyam ɔ́ba wɔ munungum nu ɔ.

Luka 17:24

Na kyɛbɔ agralaa bɔ frɛ, ná ɔta ewienu fi ye bue ko kɔkã ye bue ko ne, sɔ ala yeɛ Sona Awa ne kɔyɛ wɔ ye kyẽa ne anu ɔ.

Luka 17:29

Na kyẽa bɔ Lɔto fili Sodom hɔle nen, see ne sɔfe tɔ fili nyameɛso oohuhuni bɛ mukoraa.

Luka 21:22

ofikyɛ sɔ ngyẽa ne te wereɛtɔlɛ ngyẽa, bɔ ɔma bɔ bahyerɛ ne amukoraa ba nu ɔ.

Luka 21:27

Na afei mmenia konwu Sona Awa ne kyɛ ole tumi ne animnyam piri ɔ́ba wɔ munungum nu ɔ.

1 Korintofoɛ 1:7

bɔ ɔmaa ɛmɔ ndɔ sii wɔ adom akyɛdeɛ biala nu, wɔ aberɛ bɔ ɛmɔnwondɛ y’Awurade Yesu Kristo walɛ ne ɔ.

1 Korintofoɛ 1:8

Ye yeɛ okogyina ɛmɔ si pindinn koodwu ayieleɛ, amaa ɛmɔanni nikyee biala nwo fɔ wɔ y’Awurade Yesu Kristo kyẽa ne.

Kolosefoɛ 3:4

Na kyẽa bɔ Kristo bɔ ɔte yɛ ngoa ne ɔkɔla ye nwo ali nen, yeɛ bɛkɔla ɛmɔ koso ne ye ali wɔ animnyam nu ɔ.

2 Tɛsalonika 1:7

ná ɔkɔma ɛmɔ bɔ ɛmɔwɔ amaneɛ nu ne, ɛmɔ ne yɛ yɛkonya nwomelelɛ, kyẽa bɔ bɛkɔla Awurade Yesu ne ye abɔfoɛ anwoserɛfoɛ ali bekofi nyameɛso, wɔ see wuronyiwuronyi nu ne,

1 Petro 1:13

Yiti ɛ́mɔsiesie ɛmɔ adwene ma osi pi, ɛ́mɔma ɛmɔ nye la berɛ, ná ɛ́mɔma ɛmɔ anyelasoɛ amukoraa ówura adom bɔ Yesu Kristo kɔfa kɔbrɛ ɛmɔ wɔ ye nwo aliyelɛ ne anu.

1 Petro 1:7

amaa ɔnate so ɛmɔ gyidie ne—bɔ ye nyɔboɛ yɛ se tra sikaa kɔkorɛ, bɔ ɔwɔ nu kyɛ beso bɛnea wɔ see nu po, nakoso ɔsɛkye ne—wakakyi ayɛyelɛ, anidie ne animnyam wɔ Yesu Kristo nwo aliyelɛ ne anu.

1 Petro 4:13

Na mmom, ɛ́mɔma ɔyɛ ɛmɔ fɛ kyɛ ɛmɔnwu Kristo amaneɛ ne bie ɔ, amaa sɛ bɛye ye animnyam ne ali a, ɛmɔ koso ɛmɔali ahurusi ná ɛmɔ nye agye.

1 Yohane 2:28

Na afei me ngwadaa mɔ, ɛmɔhɔ so bɛtena ye nu, amaa sɛ ye walɛ ne dwu ná ɔye ye nwo ali a, yahora yasi y’ahone, na yamvɛre wɔ ye nyunu.

1 Yohane 3:2

Aliɛmaa mɔ, kekesaala ye yɛte Nyameɛ mma, na kyɛbɔ kyẽa bie yɛkosi yɛkɔyɛ ne de, onnya ɔllale ali. Nakoso yɛse kyɛ sɛ ɔye ye nwo ali a, yɛkɔyɛ kyɛ ye ala, ofikyɛ yɛkonwu ye kyɛbɔ ɔte ɔ.

Nyekyire 1:7

Ɛmɔnea! Ɔnate munungum nu ɔ́ba, anyeɛ biala konwu ye, yeɛ bɛ bɔ bɛwɔle ye pealɛɛ ne po bekonwu ye; na ɔnate ye ti aseɛ so mmusua kure amukoraa bɛkɔbɔ awuye. Na sɔ ala yeɛ okosi ɔ. Amen.