Luka 17:3 - AHYERƐLƐ KRONGRON

³ Yiti ɛ́mɔnea ɛmɔ nwo yé! Sɛ eliɛma yɛ wɔ tɛɛ a, kã ye nyunu, na sɛ ɔsakyera ye adwene a, fa kyɛ ye.

Luka 17:3 Iomraidhean Croise

Edwein 141:5

Ma teneneeniɛ ɔbo me, ná ohwi me nyunu wɔ ɔdɔ nu. Nnɛmaa bɔnefoɛ bɛfa bɛ ngoo bɛpopa me ti so, ofikyɛ mebɔ mbaeɛ daa metia b’amumuyɛɛ ne.

Ɛksadɔso 34:12

Aseɛ bɔ ɛ́kɔ so ne, nea yé ná ɛne so ama anyɛ apam, ná wanyɛ wɔ so ngaen.

Anyandera 17:10

Sɛ etwi badwemma nyunu a, ɔkɔ ye nu tra kyɛ ekofi kwaseaa mbire ɛyaa ɔ.

Anyandera 27:5

Ɛpakye nu etwi ebie nyunu a, ɔte paa tra kyɛ ekuro ye dwirɛ bɔ ɛnna ye ali ɔ.

Anyandera 9:8

Nnɛtwi ngorohoɛniɛ nyunu, ná wambɔ wɔ; sɛ etwi nworɛniɛ nyunu a, okohuro wɔ dwirɛ.

Lewitikɔso 19:17

Nnɛdwene ebiɛngo nwo adwene tɛɛ, na mmom fa edwirɛ tɛɛ bɔ wayɔ ne to ye nyunu, ná anza ye nwo anyɔ bɔne.

Mateo 18:21

Yeɛ Petro wale Yesu berɛ oobisale ye kyɛ, “Awurade, pɛen nyɛɛ yeɛ nniɛma yɛ me tɛɛ a, mva ngyɛ ye ɔ? Pɛen nzoo anaa?”

Luka 21:34

“Ɛ́mɔnea ɛmɔ nwo yé, ná poentolɛ ndrasoɛ ne nzaabolɛ ne asetena nu dadwene wanni ɛmɔ ti, ná sɔ kyẽa ne ammamvu ɛmɔ nu kyɛ ngaen;

Ɛfesofoɛ 5:15

Yiti ɛ́mɔnea ɛmɔ nwo yé wɔ atee bɔ ɛmɔnate so ɔ nwo; nnɛma ɛmɔyɛ kyɛ mmenia bɔ bɛnze nworɛ ɔ, na mmom kyɛ nworɛfoɛ.

Deuteronomi 4:15

“Kyẽa bɔ AWURADE dwudwo hyirele ɛmɔ fili see ne anu wɔ Horebo nen, ɛmɔannwu AWURADE, yiti ɛmɔnea ɛmɔ nwo yé paa,

Deuteronomi 4:23

Yiti ɛ́mɔnea yé ná ɛmɔ wora amvi apam bɔ AWURADE ɛmɔ Nyameɛ ɔne ɛmɔ yɛle ne, ná ɛmɔanyɔ amoen biala sɛso, kyɛbɔ AWURADE wɔ Nyameɛ abera wɔ ne.

Deuteronomi 4:9

“Nakoso ɛ́mɔnea yé, ɛ́mɔnea ɛmɔ nwo yé, ná ɛmɔ wora amvi nningyein bɔ ɛmɔ nye anwu ye ne, yeɛ nnɛmɔma ofi ɛmɔ ti anu le wɔ mmerɛ biala bɔ ɛmɔte ngoa nu ɔ. Ɛ́mɔfa béhyirehyire ɛmɔ mma ne ɛmɔ nnomaa;

Hebrifoɛ 12:15

Ɛ́mɔnea yé na Nyameɛ adom ne ammɔ ɛmɔ, na ɛmɔ nu biala anyɛ ye nwo bakaa ndii weewee, bɔ ɔfa ɛhawo brɛ mmeni pee na ogua bɛ nwo fiɛ ɔ;

Yakobo 5:19

Nniɛma mɔ, sɛ ɛmɔ nu bie di nahorɛ ne nwo makyebu, ná ebie sa fa ye ba a,

2 Yohane 1:8

Ɛ́mɔnea ɛmɔ nwo yé, amaa bɔ ɛmɔafɛ banya ye ne wamvi ɛmɔ sa, na mmom ɛmɔanya ye nwo akatuaa mukoraa.