Luka 17:29 - AHYERƐLƐ KRONGRON

²⁹ Na kyẽa bɔ Lɔto fili Sodom hɔle nen, see ne sɔfe tɔ fili nyameɛso oohuhuni bɛ mukoraa.

Luka 17:29 Iomraidhean Croise

Yesaya 1:9

Sɛ Asafo AWURADE anyakyi yɛ mmenia kãa bie ma bannya bɛ ti bannidi nu a, ahaa yayɛ kyɛ Sodom, ahaa yakakyi kyɛ Gomora.

Yesaya 13:19

Na Babilɔn bɔ ɔte ahennie mɔ nu animnyam ne, Kaldeafoɛ b’anwohoahoa piri ne, ɔkɔyɛ kyɛ Sodom ne Gomora bɔ Nyameɛ huhuni bɛ ne.

Yeremia 50:40

Na kyɛbɔ Nyameɛ sɛkyele Sodom ne Gomora ne nguro bɔ bepingyepingye bɛ nemɔ nen, kuro sona biala ngɔtena berɛ, yeɛ dasaniɛ biala ngotu ngɔtena nu, AWURADE noa dwirɛ ɛne.

Hosea 11:8

Ao Efraim, ɔkɔyɛ sɛɛ né maye wɔ mama? Ao Yisrael, ɔkɔyɛ sɛɛ né maye me sa mafi wɔ bo? Ɔkɔyɛ sɛɛ né masɛkye wɔ kyɛ Adema? Ɔkɔyɛ sɛɛ né mabɔ wɔ tɔɔ kyɛ Seboyim? Me nyaa woso wɔ me kunu, ao, m’anwumvoinnwunɛ ayɛ piri paa.

Amose 4:11

“Nnuane ɛmɔ nu biemɔ boso kyɛbɔ me, Nyameɛ, nnuane Sodom ne Gomora bɛ boso ne. Na né ɛmɔte kyɛ gyetia bɔ baye bafi see bɔ ogye nu ɔ, nakoso ɛmɔanza bamma me berɛ,” AWURADE noa dwirɛ ɛne.

Sefania 2:9

Yiti, kyɛbɔ nde ase ye, amba, Moabo kɔkakyi kyɛ Sodom, yeɛ Amonfoɛ bɛkɔkakyi kyɛ Gomora, ndetema ne ngyee ngumaa aseɛ ne aseɛ pralaa afebɔɔ. Na me maen mmaa bɔ bɛkɔha ne, bɛkɔfẽ bɛ bɛkɔfa, yeɛ me maen mmaa bɔ bekonya bɛ ti bekodidi nu ne, bɛkɔfa bɛkɔyɛ bɛ deɛ, Asafo AWURADE, Yisrael Nyameɛ noa dwirɛ ɛne.”

Luka 17:28

Sɔ ala koso yeɛ Lɔto mmerɛ ne yɛle ɔ. Bedidili, bɛnone, bɛtɔle nningyein, bɛyɛle nningyein atɔen, beluale nningyein, na besisili sua mɔ.

Luka 17:30

Na sɔ ala yeɛ ɔkɔyɛ ɔ wɔ kyẽa bɔ Sona Awa ne kɔye ye nwo ali ne.

2 Petro 2:6

ná sɛ obuale Sodom ne Gomora nguro foɛ ɔbɔle bɛ tɔɔ, ɔsɛkyele bɛ maa bɛyerale bɛtɔle nzoen, ná ɔfa yɛle nhwɛsoɛ mane bɛ bɔ nziɛ ye bɛkɔbɔ amumuyɛɛ bra a;

Yuda 1:7

Na sɔ ala yeɛ Sodom ne Gomora ne nguro bɔ bapɛ bɛ nwo bayia, bɔ bɛyɛle kyɛ ɛhemɔ, bɔ bɛlɔle asukɔ wɔ adwamanbɔlɛ nu, ná bɛbɔle nnaa nu musue ne, bafa bɛ bayɛ see afebɔɔ nwo nhwɛsoɛ bato berɛ ɔ.

Nyekyire 11:8

Na bɛ fuin nemɔ kɔlela kuro piri ne dwaaso, kuro bɔ sunzum nu bɛfrɛ ye Sodom ne Misraim ne, nekaa bɔ bɛbɔle b’Awurade koso mmeamudua nu ne.

Nyekyire 14:10

sɔ sona ne koso kɔno Nyameɛ ahonehulɛ nzaa bɔ wahwie ye gyengɔgyengɔ wagua ye yaafɛlɛ kulie nu ne bie; na bɛkɔteetee ye wɔ see ne sɔfe nu wɔ abɔfo krongron mɔ nyunu ne Boaen Ba ne nyunu.

Nyekyire 19:20

Na bɛhyele kaka ne, ɔne ngɔmhyɛlɛniɛ ngondomboniɛ ne koso bɔ ɔyɔle nzɛngyerɛnneɛ wɔ ye nyunu, bɔ ɔfa lakalakale bɛ bɔ bale kaka ne nzorɛhyɛlɛ ne, ɔne bɛ bɔ bɛkotole ye honi ne. Na befindini bɛ munyɔ anyekaenn so beguale see abura bɔ sɔfe ogye wɔ nu ne anu.