Luka 17:28 - AHYERƐLƐ KRONGRON

²⁸ Sɔ ala koso yeɛ Lɔto mmerɛ ne yɛle ɔ. Bedidili, bɛnone, bɛtɔle nningyein, bɛyɛle nningyein atɔen, beluale nningyein, na besisili sua mɔ.

Luka 17:28 Iomraidhean Croise

Gyenesise 13:13

Né Sodomfoɛ te amumuyɛɛfoɛ, bɔ bɛyɔ bɔne mbirikua mbirikua betia AWURADE ɔ.

Yeremia 50:40

Na kyɛbɔ Nyameɛ sɛkyele Sodom ne Gomora ne nguro bɔ bepingyepingye bɛ nemɔ nen, kuro sona biala ngɔtena berɛ, yeɛ dasaniɛ biala ngotu ngɔtena nu, AWURADE noa dwirɛ ɛne.

Mateo 21:12

Yesu wurale [Nyameɛ] asɔneyɛɛ sua ne anu, na ɔfoane bɛ bɔ bɛtɔne nningyein ne bɛ bɔ bɛtɔ amukoraa fili asɔneyɛɛ sua nu berɛ. Na obutubutuli sikaasesãlɛfoɛ bɛ poen nemɔ, yeɛ bɛ bɔ bɛtɔne mmorɔnoma ɔ bɛ bia mɔ.

Luka 17:27

Bedidili, bɛnone, begyigyale mmraa, na bɛmane agyaa maa oodwuli kyẽa bɔ Nowa fole ɛlɛen ne anu, ná nzueyilɛ ne wale oohuni bɛ mukoraa ɔ.

Luka 17:29

Na kyẽa bɔ Lɔto fili Sodom hɔle nen, see ne sɔfe tɔ fili nyameɛso oohuhuni bɛ mukoraa.