Luka 17:26 - AHYERƐLƐ KRONGRON

²⁶ Na kyɛbɔ Nowa mmerɛ ne yɛle ne, sɔ ala yeɛ Sona Awa ne mmerɛ koso kɔyɛ ɔ.

Luka 17:26 Iomraidhean Croise

Gyenesise 6:5

Afei AWURADE nwuni kyɛ kuro sona amumuyɛɛ asone pee wɔ aseɛ ye aso, na nzusuleɛ tɛɛ ngome ayi ye ti anu tɛkyɛ daa.

Gyenesise 6:7

Yiti AWURADE hane kyɛ, “Ngonua kuro sona bɔ mabɔ ye ne boso ngofi aseɛ ye aso: mmenia ne ngaka mbiri ne ngaka bɔ bɛtwe bɛ nwo ase ne ewienu nnomaa, ofikyɛ manu me nwo kyɛ nyɔle bɛ ɔ.”

Gyenesise 6:8

Nakoso Nowa de, ye yɔleɛ sɔle AWURADE nye.

Yesaya 22:13

Nakoso nea: anwosɛpɛlɛ ne anigye, nandwie ne mmoaen hunɛ, naenlilɛ ne nzaanonɛ. (Na ɛmɔnwa) “Ɛ́mɔma yɛdidi ná yɛno, ofikyɛ ɛhema né yawu.”

Luka 17:22

Na osele ye asuafoɛ nemɔ kyɛ, “Mmerɛ bie kɔwa bɔ Sona Awa ne, ɛmɔkohuro kyɛ ɛmɔkonwu ye ngyẽa nemɔ anu ko ɔ, nakoso ɛmɔngonwu ye.

Luka 17:24

Na kyɛbɔ agralaa bɔ frɛ, ná ɔta ewienu fi ye bue ko kɔkã ye bue ko ne, sɔ ala yeɛ Sona Awa ne kɔyɛ wɔ ye kyẽa ne anu ɔ.

Luka 17:27

Bedidili, bɛnone, begyigyale mmraa, na bɛmane agyaa maa oodwuli kyẽa bɔ Nowa fole ɛlɛen ne anu, ná nzueyilɛ ne wale oohuni bɛ mukoraa ɔ.

Luka 17:7

“Ɛmɔ nu nwa yeɛ ole akoaa bɔ ɔyɔ fieso adwuma, anaakyɛ ɔnea mmoaen so, ná akoaa ne fi eburo ba a, ɔkɔhã kohyire akoaa ne kyɛ, ‘Ka wɔ nwo bra baadidi’ ɔ?

Luka 18:8

Na mekã mekyire ɛmɔ kyɛ, okoli bɛ dwirɛ kɔma bɛ ndɛndɛ. Nakoso, Sona Awa ne ba a, aso okonwu gyidie wɔ aseɛ ye aso?”

Hebrifoɛ 11:7

Ɔnate gyidie so yeɛ Nowa le suronyi tiele kyẽa bie nningyein bɔ né bɛbaasi ne nwo kɔkɔbɔlɛ ɔ, na ɔbobɔle ɛlɛen alaka bɔ ɔne ye awuro ama bɛfale so benyane ngoa ɔ. Ɔnate ɛhe aso Nowa buale wiase foɛ, na ɔɔyɛle tenenee bɔ ɔnate gyidie so benya ye ne koliagyaa.

2 Petro 2:5

ná sɛ wamva daa tete wiase nwo wangyɛ ye, na mmom olele Nowa bɔ ɔte tenenee nzɛmbahanɛniɛ, ɔne mmenia nzoo bɔ bɛboka ye so ne, ná ɔfale nzueyilɛ ɔɔkatale amumuyɛɛfoɛ wiase so a;

2 Petro 3:6

Na ɔnate so ala yeɛ nzue yili sɛkyele wiase bɔ né ɔwɔ berɛ wɔ b’aberɛ so ne ɔ.