Luka 17:2 - AHYERƐLƐ KRONGRON

² Ahaa ɔte paa ma ye kyɛ bɛkɔfa nyɔboɛ bɔ bɛfa beti aburoo bekosinze ye kɔme, ná bagyi ye bato ɛpo nu, tra kyɛ ɔkɔto ngwadaammaa hemɔ anu ko sundidua ɔ.

Luka 17:2 Iomraidhean Croise

Yesaya 40:11

Ɔkɔma ye mmoaen nemɔ aleɛ kyɛ mmoaenneafoɛ, ɔkɔfa ye sa kɔboaboa ye mmoaen mmaa nemɔ noa, ɔkɔfa bɛ kɔbɔ ye hue so, na okoli mmoaen mmrataen nemɔ anyunu ngaka ngaka.

Sakaria 13:7

O ngrandɛ, dwɔso tia me mmoaenneafoɛ ne, ɔne sona bɔ ɔte me nwoniɛ ne,” Asafo AWURADE noa dwirɛ ɛne. “Pura mmoaenneafoɛ ne, na mmoaen ne kɔbɔ aya, na ngɔkakyi me sa ngɔhɔ mmaa mmaa nemɔ aso.

Mateo 17:27

Nakoso, kyɛbɔ ɔkɔyɛ bɔ yɛngɔyɛ sundidua yɛngɔma bɛ ne ati, kɔ ɛpo nu kɔto koaa; na tiré bɔ ekoli moa kɔhye ye ne, sɛ ebukye ye noa nu a, ekonwu sikaa prɛnprɛn wɔ nu, na fa kotua me ne wɔ yɛ deɛ.”

Mateo 18:10

“Ɛmɔnea yé ná ɛmɔammu ngwadaa ye anu biala animtia; na mekã mekyire ɛmɔ kyɛ, nyameɛso dɔ, b’abɔfo mɔ benwu me Baba bɔ ɔwɔ nyameɛso ne nyunu daa.”

Mateo 18:14

Sɔ ala yeɛ ɛmɔ Baba bɔ ɔwɔ nyameɛso ne, onguro kyɛ ngwadaa hemɔ nu ko po komini ɔ.

Mateo 26:24

Sona Awa ne ɔ́kɔ kyɛbɔ bahyerɛ bafa ye nwo ne, nakoso kuro sona bɔ ɔkɔye Sona Awa ne kɔma ne de, ye yaakɔ! Sɛ banwo sɔ sona ne po a, ahaa ɔte paa ma ye!”

Marko 9:42

“Ebiala bɔ ɔkɔto ngwadaammaa hemɔ bɔ bede me bedi ye anu ko sundidua nen, ahaa ɔte paa ma sɔ sona ne kyɛ bɛkɔfa nyɔboɛ kandinga bɔ bɛfa beti aburoo bekosinze ye kɔme, ná bagyi ye bato ɛpo nu ɔ.

Yohane 21:15

Na bedidili beyiele nen, Yesu bisale Simɔn Petro kyɛ, “Simɔn, Yohane awa, aso ekuro me dwirɛ tra ɛhemɔ?” Obuale ye kyɛ, “Yoo, Awurade, ɛse kyɛ mekuro wɔ dwirɛ.” Yesu sele ye kyɛ, “Nea me mmoaen mmaa nemɔ so!”

1 Korintofoɛ 9:15

Nakoso mmmisale ɛmɔ asɛdeɛ he nwo hwee; yeɛ mengyerɛ krataa he memmrɛ ɛmɔ kyɛ ɛmɔyɔ sɔ asɛdeɛ ne bɛma me. Ofikyɛ, kyɛ ebie kɔma me nwo hoahoalɛ kɔyɛ mbaen de, nzaade maa nwu.

1 Korintofoɛ 9:22

Nyɛle me nwo kyɛ meyɛ mmerɛ wɔ gyidie nu mane bɛ bɔ bɛyɛ mmerɛ wɔ gyidie nu ne, amaa me sa ahã bɛ bɔ bɛyɛ mmerɛ wɔ gyidie nu ne. Mayɛ mmenia mukoraa bɛ sona, kyɛbɔ ɔkɔyɛ ná atee biala aso, mama bɛ nu biemɔ banya daa ngoa ɔ.