Luka 16:8 - AHYERƐLƐ KRONGRON

⁸ Na meneɛ ne kamvole hwɛsoniɛ bɔ onni nahorɛ ne, kyɛ wafa nworɛ wato bɔ wayɔ ne anwo. Ofikyɛ, wiase he anu ama bɛfa nworɛ atee so bɛyɔ bɛ nningyein wɔ bɛ mmango mɔ nu bɛtra kanea mma nemɔ.”

Luka 16:8 Iomraidhean Croise

Gyenesise 3:1

Né ewoo te kanda tra eburo kaka biala bɔ AWURADE Nyameɛ ayɔ ɔ. Na obisale braa ne kyɛ, “Yiti Nyameɛ aha kyɛ, ‘Nnɛma ɛmɔdi turo ye anu bakaammaa biala bie’?”

2 Samuel 13:3

Né Amnɔn le obiɛngo bie bɔ oli Yonadabo. Ɔse ole Dawide aliɛma Simea. Né Yonadabo te kanda sona paa.

2 Ahemvo 10:19

Yiti ɛ́mɔfrɛ Baal ngɔmhyɛlɛfoɛ ne amukoraa, bɛ bɔ bɛsɔne ye ne amukoraa, ɔne ye asɔfo nemɔ amukoraa bɛma me. Nnɛmɔma bɛ nu ko po ɔye ye nwo fi nu, ofikyɛ mebaabɔ afɔleɛ piri paa mema Baal. Bɛ nu biala bɔ wamma ne, odi kyɛ beku ye.” Nakoso né Yehu le kanda nworɛ ɔpena bɛ bɔ bɛsɔne Baal ne okũkũ bɛ.

Edwein 17:14

Ao AWURADE, fa wɔ tumi ne pepɛ de me fi adasa mmaa sa nu; adasa mmaa bɔ b’akatuaa wɔ wiase wa ala ne, de me fi bɛ sa nu. Akatuaa bɔ ahyehyɛ ato berɛ ama bɛ ne, fa tua bɛ so kerɛ piri paa; ma bɛ mma mɔ benya akatuaa ne mmorosoɛ, ná bɛ́fa bie bɛ́yakyi bɛ nnomaa mɔ.

Ɛksadɔso 1:10

Ɛ́mɔma yɛfa bɛ yɛfa nworɛ atee bie aso. Anyɔ a bɛkɔsone pee, na sɛ koɛ bie ba a, bɛkɔɔboka yɛ pɔfoɛ mɔ ná baho batia yɛ, ná banya atee banwati bafi maen ye anu.”

Anyandera 12:8

Begyina sona ye nworɛ so yeɛ bɛkamvo ye ɔ, nakoso bɔ adwene nne ye ti anu de, bebu ye animtia.

Mateo 12:32

Ebiala bɔ okodwudwo kotia Sona Awa ne nen, bɛkɔfa bɛkɔhyɛ ye; nakoso bɔ okodwudwo kotia Sunzum Krongron ne de, bɛngɔfa ngɔhyɛ ye, wɔ ewiase wa ne ewiase bɔ ɔ́ba ne anu.

Mateo 17:26

Na Petro buale kyɛ, “Amanvorafoɛ mɔ dɔ.” Yeɛ Yesu sele ye kyɛ, “Nzaade né mmaa nemɔ bɛ nwo atɔ bɛ.

Luka 16:10

“Ebiala bɔ odi nahorɛ wɔ nningyein mmaa mmaa nu ne, odi nahorɛ wɔ nningyein mbiri mbiri nu koso; yeɛ ebiala bɔ onni nahorɛ wɔ nningyein mmaa mmaa nu ne, onni nahorɛ wɔ nningyein mbiri mbiri nu koso.

Luka 16:4

Mese bɔ ngɔyɔ ɔ, na sɛ ode me nhwɛsoɛ adwuma ne ofi me sa a, ngonya mmenia bɔ bekole me b’awuro mɔ nu ɔ.’

Luka 16:7

Yeɛ obisale ko ne koso kyɛ, ‘Wɔ koso, ɛma kerɛ sɛɛ?’ Na obuale kyɛ, ‘Atokoɔ ngotoku ɛyaa ko.’ Na osele ye kyɛ, ‘Wɔ kerɛ ne, ye nwo krataa ɛhe, kyerɛ aburawɔtwɛ!’

Luka 18:6

Na Awurade toale so hane kyɛ, “Ndɛenbualɛniɛ bɔ ɔndengyɛ ne, ɛ́mɔtie edwirɛ bɔ ɔkã!

Luka 20:34

Na Yesu buale bɛ kyɛ, “Ewiase he anu mmenia begya, na bɛfa bɛ bɛma agyaa;

Luka 20:35

nakoso bɛ bɔ bekobu bɛ kyɛ bɛfata kyɛ benya kyɛfa wɔ wiase bɔ ɔ́ba ne ne awufoɛ dwɔsolɛ nu ne de, bengya, yeɛ bɛmva bɛ bɛmma agyaa,

Yohane 12:36

Mmerɛ bɔ ɛmɔle kanea ne de, ɔsɛ kyɛ ɛmɔde kanea ne bedi, amaa ɔnate so ɛmɔayɛ kanea ne mma.” Na Yesu hane ɛhemɔ yiele nen, ofili berɛ, na ɔfale ye nwo feale bɛ.

1 Korintofoɛ 3:18

Nnɛma ebiala lakalaka ye nwo. Sɛ ɛmɔ nu bie dwene kyɛ ɔse wiase nworɛ a, maa ɔyɛ kwaseaa ná wanwu nworɛ.

Ɛfesofoɛ 5:8

ofikyɛ daa ne, né ɛmɔte awosii, nakoso kekesaala ye de, ɛmɔte kanea wɔ Awurade nu. Ɛ́mɔbɔ ɛmɔ bra kyɛ kanea mma,

Filipifoɛ 3:19

Bɛ yeɛ b’ayieleɛ te ɛsɛkyelɛ ɔ, bɛ nyameɛ ole bɛ ko, b’animguaseɛ nu yeɛ b’animnyam wɔ ɔ, na aseɛ so nningyein ngome yeɛ bɛdwene ye nwo ɔ.

1 Tɛsalonikafoɛ 5:5

Ɛmɔ amukoraa ɛmɔte kanea mma ne alehyeleɛ mma. Yɛtte alesaleɛ anaa awosii mmaa.

1 Petro 2:9

Nakoso ɛmɔ de, ɛmɔte mmenia bɔ baneanea nu baye ɛmɔ ɔ, nnehyeɛ asɔfokure, maen krongron, maen bɔ wafa ye wayɛ ye deɛ ɔ, kyɛ ɛmɔɔbɔ bɔ ɔfrɛle ɛmɔ fili awosii nu wale ye kanea bɔ ɔyɛ nwanwa ne anu ne, ye ayɛyelɛ ne dawure.

1 Yohane 3:10

Na ɛhe yeɛ ɔmaa yɛnwu nzonzoleɛ bɔ ɔla abɔnzam ne Nyameɛ mma b’afia ɔ: ebiala bɔ ɔyɔ bɔ ɔndengyɛ anaa bɔ onguro oliɛma dwirɛ ne, ɔtte Nyameɛ awa.