Luka 16:3 - AHYERƐLƐ KRONGRON

³ Na hwɛsoniɛ ne hane ye ye ti anu kyɛ, ‘Na ɛhe de, meyɛ ye sɛ, ofikyɛ me mene ɔbaale nhwɛsoɛ adwuma ne ofi me sa nu. Me nwo nyɛ se bɔ ngɔhora adwuma serɛ yɔ ɔ, yeɛ mefɛre koso kyɛ ngɔsrɛsrɛ ɔ.

Luka 16:3 Iomraidhean Croise

Ɛseta 6:6

Yiti Haman wale nu, na Nana Ahasuro bisale ye kyɛ, “Sona bɔ me nye kɔgye kyɛ ngɔbɔ ye aba so ne, nzikyɛ yeɛ nyɔ ma ye ɔ?” Yeɛ Haman hane ye wɔ ye ti anu kyɛ, “Nwa koraa yeɛ Nana kɔbɔ ye aba so kɔtra me ɔ?”

Anyandera 13:4

Bɔ ɛfoen sona ɔpena biala, ongonya ye, nakoso sona bɔ okuro adwuma de, ye kra sa kã bɔ ɔpena ɔ.

Anyandera 15:19

Sona bɔ ɔte foen ne, ye atee te mmowue mmowue, nakoso teneneeniɛ de, ye atee te atimbire.

Anyandera 18:9

Sona bɔ ɔte foen wɔ ye adwuma nwo ne, oliɛma ole sona bɔ ɔsɛkye nningyein ɔ.

Anyandera 19:15

Ɛfoen ma sona da hatee, yeɛ akwadworɔ sona di hɔen.

Anyandera 20:4

Prakasua ti, ɛfoen sona nzo boo, yiti fieso aleɛ falɛ dwu a, né ɔpena bie, nakoso onnya bie.

Anyandera 29:21

Sɛ ɛkorɔkorɔ wɔ kanganiɛ fi ye ngwadaa nu a, nziɛ ye ɔkɔyɛ ye nwo kyɛ baa.

Yesaya 10:3

Nzu yeɛ ɛmɔkɔyɔ ye wɔ asohwenɛ kyẽa ne ɔne amaneɛnwunɛ bɔ okofi dedeede kɔwa ne anu ɔ? Nwa berɛ yeɛ ɛmɔkɔnwati bɛkɔɔpena mmokalɛ ɔ, nisua yeɛ ɛmɔkɔyakyi ɛmɔ anwonya ne ɔ?

Yeremia 5:31

ngɔmhyɛlɛfoɛ nemɔ bedi ngɔndorɔ, yeɛ asɔfo nemɔ bedi bɛ bɔbɔ bɛ ti piri; na sɔ yeɛ me maen ne kuro ɔ, nakoso odwu ayieleɛ ne a, ɛmɔkɔyɔ ye sɛ?

Hosea 9:5

Aluolue kyẽa bɔ bahyehyɛ bato berɛ ne, AWURADE poentolɛ kyẽa ne dwu a, nzikyɛ yeɛ ɛmɔkɔyɔ ɔ?

Mateo 20:8

“Na aleɛ dwole nen, bobe boo mene ne sele ye hwɛsoniɛ ne kyɛ, ‘Frɛ adwumayɔlɛfoɛ nemɔ ná tua bɛ kerɛ; hyɛ ye bo fi bɛ bɔ bɛwale nziɛ nemɔ aso kɔpem bɛ bɔ belili moa bɛwale ne aso.’

Marko 10:46

Afei bedwuli Yeriko. Na mmerɛ bɔ Yesu ne ye asuafoɛ nemɔ ne mmenia pee befi Yeriko bɛkɔ nen, né Timeo awa Batemeo, bɔ ɔte anyesiniwaaniɛ ɔ, ɔte atee noa berɛ ɔsrɛsrɛ nikye.

Luka 12:17

Na osusuli ye nwo wɔ ye ti anu kyɛ, ‘Ɛhe de, ngɔyɛ ye sɛ koraa, ofikyɛ nnne nekaa bɔ ngɔfa me nnɔbaeɛ ne ngosie ɔ?’

Luka 16:2

Yiti ɔfrɛle ye bisale ye kyɛ, ‘Nzikyɛ dwirɛ yeɛ metete mefa wɔ nwo ye? Wɔ nhwɛsoɛ adwuma ne, bra baabu ye nwo ngondaa, ofikyɛ mengɔma ɛngɔyɛ hwɛsoniɛ adwuma ne ko.’

Luka 16:20

Na ehianiɛ bie koso bɔ bɛfrɛ ye Lasarɔso bɔ ngena atutu ye nwo amukoraa ɔ ɔtenane ase. Né bɛfa ye bɛkɔto sikaniɛ n’anoanu berɛ.

Luka 16:22

“Na ɔwale kyɛ ehianiɛ ne wuli, na abɔfo mɔ bɛɛfale ye maa ɔhɔle Abraham berɛ. Esikaniɛ ne koso wuli, na besiele ye.

Luka 16:4

Mese bɔ ngɔyɔ ɔ, na sɛ ode me nhwɛsoɛ adwuma ne ofi me sa a, ngonya mmenia bɔ bekole me b’awuro mɔ nu ɔ.’

Luka 18:4

Na wandɛ ye so alaa maa ɔhyɛle kãa, nakoso nziɛ ye, ɔhane ye ye ti anu kyɛ, ‘Ɔwɔ nu kyɛ menzuro Nyameɛ ná memvɛre sona de,

Yohane 9:8

Na mandamu berɛ ama ne bɛ bɔ banwu ye le kyɛ mmerɛ bie né ɔsrɛsrɛ nikyee ne, bebisale kyɛ, “Nna biaa he yeɛ né ɔte berɛ ɔsrɛsrɛ nikyee ye?”

Asomafoɛ 3:2

Né ebiemɔ bɛso biaa bie bɔ wabubu fi mmerɛ bɔ bɛwole ye ɔ, bɔ daa biala bɛfa ye bɛbato asɔneyɛɛ sua n’anoa bɔ bɛfrɛ ye Anoa Nyemene ne anyunu berɛ, kyɛ ɔsrɛsrɛ nikyee fi bɛ bɔ bɛkwaawura asɔneyɛɛ sua ne anu nemɔ berɛ.

Asomafoɛ 9:6

nakoso dwɔso ná kɔ kuro ne anu dɔ, na bɛkɔhã bɔ ɔsɛ kyɛ ɛyɔ ɔ bekohyire wɔ.”

2 Tɛsalonika 3:11

Ofikyɛ yatete ye kyɛ mmenia biemɔ wɔ ɛmɔ nu bɔ bɛnatenate basabasa, bɔ bɛnyɔ adwuma biala, na mmom bɛfa bɛ noa bɛtoto mmenia dwirɛ nu ɔ.