Luka 16:25 - AHYERƐLƐ KRONGRON

²⁵ “Nakoso Abraham sele ye kyɛ, ‘Mma, kaye kyɛ mmerɛ bɔ né ɛte ase ne, elili wɔ mmerɛ, na Lasarɔso de, onwuni amaneɛ; nakoso kekesaala ye de, ye wora akyekye, na wɔ koso de, wɔ nwo yerayera wɔ.

Luka 16:25 Iomraidhean Croise

YOB NWOMAA NE 22:18

Nakoso ye yeɛ wafa nningyein paa wayi b’awuro tɛkyɛɛ ɔ, na me de, mekyi bɔnefoɛ bɛ foɛtulɛ kɔkɔkɔkɔ.

Edwein 17:14

Ao AWURADE, fa wɔ tumi ne pepɛ de me fi adasa mmaa sa nu; adasa mmaa bɔ b’akatuaa wɔ wiase wa ala ne, de me fi bɛ sa nu. Akatuaa bɔ ahyehyɛ ato berɛ ama bɛ ne, fa tua bɛ so kerɛ piri paa; ma bɛ mma mɔ benya akatuaa ne mmorosoɛ, ná bɛ́fa bie bɛ́yakyi bɛ nnomaa mɔ.

Edwein 49:11

Ɔwɔ nu kyɛ bɛfale bɛ dumaa bɛtole b’aseɛ so de, nakoso b’asieleɛ yeɛ ɔte b’awuro afebɔɔ ɔ, na ɔte bɛ daberɛ aworɛ ndoatoasoɛ amukoraa nu.

Edwein 73:7

Bayɛ piri ma bɛ nye asi ayɛ kutukutuu, ngwaseasɛm yeɛ wayi bɛ ti anu to ɔ.

Awuye 1:7

Na Yerusalem ye anwokyere ne aworabɔlɛ mmerɛ nu, ɔkayele ye nningyein nyemene amukoraa, bɔ mmerɛ bie né ole ye ne. Mmerɛ bɔ ye mmenia beelili pɔfoɛ ne sa nu, bɔ wannya ebiala maa wammoka ye ne, bɛ bɔ bekyi ye nemɔ benwuni ye, na bɛgorole ye nwo, ɔnate ye asefinɛ ne ati.

Daniel 5:30

Na sɔ kɔngɔen ne ala, behuni Kaldeafoɛ hene Bɛlsasa.

Mateo 27:63

na bɛhane kyɛ, “Yɛ mene, yɛkaye kyɛ sɔ nnakannakaniɛ ne ɔte ase ne, ɔhane kyɛ, ‘Ɛlɛsa asi ne, ngotingye’

Marko 9:45

Na sɛ wɔ gya to wɔ sundidua a, pɛ to. Ɔte paa ma wɔ kyɛ ɛkɔfa agyirɛ ko kɔhɔ ngoa nu tra kyɛ ɛkɔfa agyirɛ nyɔ kɔhɔ amaneɛnwunɛ see bɔ onnua le nu ɔ,

Luka 16:20

Na ehianiɛ bie koso bɔ bɛfrɛ ye Lasarɔso bɔ ngena atutu ye nwo amukoraa ɔ ɔtenane ase. Né bɛfa ye bɛkɔto sikaniɛ n’anoanu berɛ.

Luka 16:23

Na ɔwɔ abɔnzam see nu, ná onwu amaneɛ nen, ɔtole ye nye anwuro, na onwuni Abraham wɔ dedeede ɔne Lasarɔso kyɛ ɔwɔ ye berɛ ɔ.

Luka 16:26

Na ɛhe amukoraa si ne, bɔnga pirikua bie la yɛne ɛmɔ afia, kyɛbɔ ɔkɔyɛ bɔ bɛ bɔ bekuro kyɛ befi wa bɛba ɛmɔ dɔ ne, bɛngɔhora ba ɔ. Yeɛ bɛ bɔ bɛwɔ dɔ ne koso, bɛngora bɛndra bɛmma yɛ wa.’

Luka 6:24

“Nakoso ɛmɔ bɔ ɛmɔanya ɛmɔ nwo de, ɛmɔ yaakɔ! Ofikyɛ ɛmɔanya ɛmɔ aworakyekyerɛ dada!

Yohane 16:33

Mahã ɛhemɔ mahyire ɛmɔ, amaa ɔnate so ɛmɔanya me nu asomdwee. Ɛmɔkɔfa amaneɛ nu wɔ wiase de, nakoso ɛ́mɔma ɛmɔ ahone tɔ ɛmɔ kunu! Mali wiase so ngonim.”

Asomafoɛ 14:22

na bɛhyɛle asuafoɛ nemɔ kra nguraen, betuli bɛ foɛ kyɛ bɛhɔ so begyina pindinn wɔ gyidie ne anu, na bɛhane kyɛ, ɔsɛ kyɛ yɛfa amaneɛnwunɛ pee nu yɛkɔ Nyameɛ ahennie nu.

Romanfoɛ 8:7

Ofikyɛ anwoɔnaen nu adwenedwene pɔ Nyameɛ, ɔngora mmerɛ ye nwo ase nwura Nyameɛ mmeraa bo, ɔngora nyɔ sɔ amba.

Deuteronomi 28:17

Musue kɔto wɔ kɛndɛen ne wɔ kukue.

Filipifoɛ 3:19

Bɛ yeɛ b’ayieleɛ te ɛsɛkyelɛ ɔ, bɛ nyameɛ ole bɛ ko, b’animguaseɛ nu yeɛ b’animnyam wɔ ɔ, na aseɛ so nningyein ngome yeɛ bɛdwene ye nwo ɔ.

1 Tɛsalonikafoɛ 3:3

amaa sɔ amaneɛnwunɛ hemɔ ammo ɛmɔ nu biala so. Ofikyɛ ɛmɔ bɔbɔ ɛmɔse kyɛ amaneɛnwunɛ bɔ odi kyɛ yɛnwu ye hɔ ala ɛne.

Hebrifoɛ 11:25

na mmom ohurole kyɛ ɔne Nyameɛ mmenia bekonwu amaneɛ tra kyɛ okoli fɛɛ wɔ bɔne nu mmerɛ kãa bie ɔ.

1 Yohane 2:15

Nnɛma ɛmɔkuro ewiase anaa nu nningyein dwirɛ. Na sɛ ebie kuro ewiase dwirɛ a, né Baba ne dɔ nne ye nu.

Nyekyire 7:14

Na mmuale ye kyɛ, “Me mene, wɔ yeɛ ɛse ɔ.” Na osele me kyɛ, “Ɛhemɔ ole bɛ bɔ bafa amaneɛ piri ne anu bafite, ná bapo bɛ ndaadeɛ maa wayɛ fufue wɔ Boaen Ba ne mogya nu ɔ.