Luka 16:23 - AHYERƐLƐ KRONGRON

²³ Na ɔwɔ abɔnzam see nu, ná onwu amaneɛ nen, ɔtole ye nye anwuro, na onwuni Abraham wɔ dedeede ɔne Lasarɔso kyɛ ɔwɔ ye berɛ ɔ.

Luka 16:23 Iomraidhean Croise

Edwein 16:10

Ofikyɛ ɛngɔma me kra ngɔha ɛborɔ, yeɛ ɛngɔma w’anwoteeniɛ ne ngɔporɔ ɛborɔ kumaa nu.

Edwein 49:15

Nakoso Nyameɛ kɔpɔ me kra kofi ɛborɔ sa nu, ofikyɛ okole me. Sela

Edwein 86:13

Ofikyɛ wɔ ɔdɔ bɔ onni ngasi bɔ ɛye ye ali kyire me ne, ɔte piri, na apepɛ ale me kra afi ɛborɔ kumaa nu.

Edwein 9:17

Bɔnefoɛ bekowu bɛkɔhɔ ɛborɔ, maen maen amukoraa bɔ bɛ wora fi Nyameɛ ne koso, sɔ ala.

Anyandera 15:24

Ngoa atee bɔ ɔkɔ anwuro yeɛ nworɛniɛ fa so ɔ, amaa ɔnate so wangɔ ɛborɔ wɔ aseɛ bo dɔ.

Anyandera 5:5

Ye gya diedie sona kɔ ewue nu, na ye agyirɛtulɛ fa sona kɔ ɛborɔ.

Anyandera 7:27

Ye awuro te ɛborɔ atee, na ɔtorotoro kɔ ewue ye pumbu mɔ nu.

Anyandera 9:18

Nakoso bienzua ne, ɔnze kyɛ berɛ te ewue kuro ɔ, na mmienzua bɔ bɛkɔ ye nekaa ne, ɛborɔ bo dɔ yeɛ baagua ɔ.

Yesaya 14:15

Nakoso bagyi wɔ bato ɛborɔ, ɛborɔ kumaa kuronguronn ne abo paa.

Yesaya 14:9

Ɛborɔ bɔ ɔwɔ aseɛ bo dɔ ne, waboaboa ye nwo kyɛ ɛba a ɔbaayia wɔ. Wakanyane awufoɛ bɔ né mmerɛ bie bɛte aseɛ so mbanyi amukoraa. Wama bɛ bɔ né bɛte maen maen ahemvo amukoraa badwɔso bafi b’ahennie bia so kyɛ bɛɛyɛ wɔ akwaaba.

Mateo 11:23

Na wɔ, Kapanɔm, bɛkɔma wɔ so bɛkɔhɔ nyameɛso anaa? Daabi. Bekogyi wɔ bɛkɔto abɔnzam see nu. Ofikyɛ, nnwumaa mbiri mbiri bɔ bɛyɔle bɛ wɔ wɔ nu ne, sɛ bɛyɔle bɛ wɔ Sodom a, ahaa ɔtɛwɔ berɛ maa waadwu ɛnɛ.

Mateo 18:9

Yeɛ sɛ wɔ nye to wɔ sundidua a, tu ná gyi to! Ɔte paa ma wɔ kyɛ ɛkɔfa anyeɛ ko kɔhɔ ngoa nu tra kyɛ ɛkɔfa anyeɛ nyɔ, ná bekogyi wɔ bɛkɔto amaneɛnwunɛ see nu ɔ.

Mateo 23:33

Ewoo, ɛkyenebene mmaa! Ɔkɔyɛ sɛɛ né ɛmɔahora banwati bafi amaneɛnwunɛ kuro ndɛenbualɛ ne anu?

Mateo 5:22

Na mekã mekyire ɛmɔ kyɛ, ebiala bɔ ɔkɔfɛ oliɛma so yaa nen, okoli fɔ wɔ ndɛenbualɛ nu; ebiala bɔ okose oliɛma kyɛ ɔte sona mbaen nen, okoli fɔ badwa nyunu. Ebiala bɔ okose kyɛ, ‘Wɔ kwaseambane’ nen, okoli fɔ, na ɔkɔhɔ abɔnzam see nu.

Mateo 5:29

Yiti sɛ wɔ nye famaa diedie wɔ kɔ bɔne nu a, tu ná gyi to! Ɔte paa kyɛ ɛkɔtɔ bue tra kyɛ bekogyi wɔ mumua ne amu bɛkɔto abɔnzam see nu ɔ.

Mateo 8:29

Na yieee, bɛteateane nu kyɛ, “Nzikyɛ yeɛ yɛne wɔ le yɔ ɔ, wɔ, Nyameɛ Awa? Ɛwale wa kyɛ ɛbaateetee yɛ koraka ná mmerɛ ne adwu anaa?”

Luka 16:24

Na ɔteane nu kyɛ, ‘Ngya Abraham ee, nwu me anwumvoin oo, ná soma Lasarɔso maa ɔfa ye sa mmɛseka noa ɔbɔ nzue nu, ná ɔɔfa hã me temverema so ma so yɛ fɔnwoo; ɔnate kyɛ me nwo yerayera me wɔ see wuronyiwuronyi he anu!’

Luka 16:28

ofikyɛ nniɛma mmienzua mɔ bɛte nnu, ná ɔɔbɔ bɛ kɔkɔ, ná bɛ koso bamma ɛwa amaneɛnwunɛ ne anu bie.’

Luka 8:28

Na mmerɛ bɔ onwuni Yesu nen, ɔteane nu serɛserɛ tole ye nwo yele ye gya bo, na ɔteane nu hane kyɛ, “Yesu, Anwuro Anwuro Nyameɛ n’Awa, nzikyɛ yeɛ me ne wɔ le yɔ ɔ? Mesrɛ wɔ, nnɛteetee me!”

1 Korintofoɛ 15:55

Wɔ, ewue, wɔ noa borɔ wɔ ni? Wɔ, ewue, wɔ ngonim wɔ ni?”

2 Petro 2:4

Na sɛ Nyameɛ amva abɔfo mɔ bɔ bɛyɔle bɔne ne nwo wangyɛ bɛ, ná mmom ogyili bɛ guale ɛborɔ kumaa kuronguronn awosii kabii nu, ná ɔbɔle bɛ panwu kyɛ ɔfa nwondɛ ndɛenbualɛ ne a;

Nyekyire 20:10

Na abɔnzam bɔ ɔlakalakale bɛ ne de, befindini ye bɛtole see ne sɔfe abura ne anu, nekaa bɔ kaka ne ne ngɔmhyɛlɛniɛ ngondomboniɛ ne bɛwɔ ne, na bɛkɔfa bɛ bɛkɔfa yealɛ nu alehyeleɛ ne alesaleɛ nu afebɔɔ.