Luka 16:22 - AHYERƐLƐ KRONGRON

²² “Na ɔwale kyɛ ehianiɛ ne wuli, na abɔfo mɔ bɛɛfale ye maa ɔhɔle Abraham berɛ. Esikaniɛ ne koso wuli, na besiele ye.

Luka 16:22 Iomraidhean Croise

YOB NWOMAA NE 21:13

Amumuyɛɛfoɛ di bɛ mmerɛ wɔ anwonya nu, na afei, bɛkɔ ɛborɔ.

Anyandera 14:32

Bɔnefoɛ ye bɔne yeɛ ɔbrɛ ye ase ɔ, nakoso teneneeniɛ de, ole anyelasoɛ wɔ ye wue nu.

Nworɛ Dwirɛhanɛniɛ 8:10

Afei nwuni amumuyɛɛfoɛ bɔ besiele bɛ ɔ. Mmerɛ bɔ bɛte ase ne, né bedi nekaa krongron berɛ akɔneaba. Na kuro bɔ né bɛyɔ amumuyɛɛ wɔ so ne, mmenia wora fili bɛ yɔleɛ ne. Ɛhe koso te mbaen.

Yesaya 14:18

Maen maen ahemvo amukoraa balela wɔ animnyam nu, ebiala la ye asieleɛ nu;

Yesaya 22:16

Wɔ, nzikyɛ yeɛ ele ye yɔ wɔ wa ɔ? Nwa yeɛ wama wɔ sɔ tumi ne ɔ, bɔ yiti apɛ asieleɛ ato berɛ ama wɔ nwo wɔ ɛwa ɔ? Wɔ bɔ apɛ w’asieleɛ ato bokaa so, ná asa apɛ wɔ daberɛ ato nyɔbotaen nu ɔ?

Mateo 18:10

“Ɛmɔnea yé ná ɛmɔammu ngwadaa ye anu biala animtia; na mekã mekyire ɛmɔ kyɛ, nyameɛso dɔ, b’abɔfo mɔ benwu me Baba bɔ ɔwɔ nyameɛso ne nyunu daa.”

Mateo 24:31

Na ɔkɔsoma ye abɔfo mɔ maa bɛkɔfa totorobɛndohulɛ akomvi piri bɛkɔwa, na bɛkɔboaboa bɛ bɔ waneanea nu waye bɛ nemɔ noa bekofi mvrama nna nemɔ anu, kofi anwuro noa koodwu ye noa.

Mateo 8:11

Na mekã mekyire ɛmɔ kyɛ, mmenia pee kofi eyia afiteleɛ ne eyia atɔleɛ bɛkɔwa, na bɛ ne Abraham ne Yisake ne Yakob bɛkɔtena bekodidi wɔ nyameɛso ahennie ne anu.

Marko 8:36

Na sɛ sona nya ewiase amukoraa ná ɔhwere ye kra a, nzikyɛ mvasoɛ yeɛ okonya ɔ?

Luka 12:20

Nakoso Nyameɛ sele ye kyɛ, ‘Kwaseambane! Kɔngɔen ye ala ngole wɔ kra ngofi wɔ sa nu; na nningyein bɔ apena agua berɛ ne, nwa yeɛ bɛkɔyɛ ye deɛ ɔ?’

Luka 16:21

Né ɔpena aleɛ boso bɔ ɔporoporo fi sikaniɛ ne didipono so gua ase ne odi; asa koso, né ngyea bɛbatafe ye ngena nemɔ anu.

Yohane 1:18

Ebiala nnwuni Nyameɛ le; sana Baa komapɛ twe ne, bɔ ɔla Baba n’ahone nwo ne, na ye yeɛ wala ye ali wahyire ɔ.

Yohane 13:23

Na asuafoɛ nemɔ anu ko bɔ Yesu kuro ye dwirɛ paa ne, né watena wakisa Yesu.

Yohane 21:20

Yeɛ Petro pɛle ye nye, na onwuni suaniɛ bɔ Yesu kuro ye dwirɛ paa ne kyɛ oli bɛ si. Sɔ suaniɛ ne yeɛ ɔtena kisale ye wɔ adidie ne abo, ná obisale kyɛ, “Awurade, nwa yeɛ ɔbaaye wɔ ma ne?”

Hebrifoɛ 1:14

Aso bɛ mukoraa bɛtte sunzum asomvoɛ mɔ, bɔ ɔsoma bɛ maa bɛkɔɔso mmenia bɔ bekonya ngoalelɛ ɔ?

Hebrifoɛ 2:14

Na ɔnate kyɛ mmaa nemɔ te anwoɔnaen ne mogya ne ati, Yesu bɔbɔ yɛle ye nwo kyɛ bɛ ala, ɔfale sɔ sona sue ne bie, amaa ɔnate ye wue ne aso wasɛkye abɔnzam bɔ ye yeɛ ole ewue so tumi ne;

Yakobo 1:11

Ofikyɛ eyia pukye bɔ gyireingyirein, na ɔyera ndire ne; ye nyerɛen ne poro gua, na ye nyemene sɛkye. Na sɔ ala yeɛ sikaniɛ koso kɔpɛ nu kɔhɔ wɔ bɔ ɔyɔ nu ɔ.

1 Petro 2:24

Ye bɔbɔ yeɛ ɔsoale yɛ bɔne wɔ ye nipadua nu hɔle bakaa ne aso ɔ, kyɛ, sɛ yawu yafi bɔne nu de a, ɔsɛ kyɛ yɛtena ase yɛma tenenee. Na ye nwo beabealɛ ne yeɛ wafa wasa ɛmɔ anwonyerɛ ɔ.

Nyekyire 14:13

Na ndele kyɛ komviɛ bie fi nyameɛso odwudwo kyire me kyɛ, “Kyerɛ ɛhe: ‘Awufoɛ bɔ bewu Awurade nu fi kekesaala ye bɔ ɔkɔ ne, banya saleɛ.’ ” Na Sunzum ne nwa, “Amba, bekole bɛ nwome wɔ bɛ fɛɛ nwo, ofikyɛ bɛ nnwumaa li bɛ si.”