Luka 16:20 - AHYERƐLƐ KRONGRON

²⁰ Na ehianiɛ bie koso bɔ bɛfrɛ ye Lasarɔso bɔ ngena atutu ye nwo amukoraa ɔ ɔtenane ase. Né bɛfa ye bɛkɔto sikaniɛ n’anoanu berɛ.

Luka 16:20 Iomraidhean Croise

YOB NWOMAA NE 2:7

Yiti Satan fili AWURADE nyunu berɛ hɔle, na ɔpraprale ngena mbiri guale Yob so mane ye nwo tutuli ngena fite ye ti so kɔka ye gya bo.

Edwein 34:19

Teneneeniɛ amaneɛ ɔsone, nakoso AWURADE pepɛ de ye fi ye mukoraa nu.

Edwein 73:14

Daa biala, ɛhawo angome yeɛ ɔba me so ɔ, na ngyerɛmɔ biala bɛtwe me so.

Yesaya 1:6

Ofi ɛmɔ gya kunu kɔkã ɛmɔ ti so, nekaa biala nde apɔ, wapepɛ wapuropuro wayɛ ngenangena bɔ otu mogya ɔ; ngena bɔ bemmia, bɔ bɛngyekye so, bɔ bɛmva ayire bɛnda nu ɔ.

Yeremia 8:22

Aso ayire biala nne Gileade anaa? Aso safoɛ biala nne berɛ anaa? Nzu ati yeɛ me maen awa brasua bennya bɛssale ye anwonyerɛ ye?

Mateo 26:71

Na ofili berɛ hɔle ngurolo ne anu dɔ ne, afaneɛ foforɛ nwuni ye, na osele bɛ bɔ bɛwɔ berɛ ne kyɛ, “Akoaa he, né ye koso ɔne Yesu Nasarɛteniɛ ne yeɛ bɛnate ɔ.”

Luka 16:19

“Esikaniɛ bie tenane ase bɔ né ɔkera kende ne ago, ná odi aleɛ fɛɛ ɔgye ye nye daa biala ɔ.

Luka 16:21

Né ɔpena aleɛ boso bɔ ɔporoporo fi sikaniɛ ne didipono so gua ase ne odi; asa koso, né ngyea bɛbatafe ye ngena nemɔ anu.

Yohane 11:1

Né anwonyerɛ abɔ biaa bie bɔ ye dumaa li Lasarɔso bɔ ofi Betania, bɔ ɔte Maria ne oliɛma Maata bɛ kuro ne.

Asomafoɛ 3:2

Né ebiemɔ bɛso biaa bie bɔ wabubu fi mmerɛ bɔ bɛwole ye ɔ, bɔ daa biala bɛfa ye bɛbato asɔneyɛɛ sua n’anoa bɔ bɛfrɛ ye Anoa Nyemene ne anyunu berɛ, kyɛ ɔsrɛsrɛ nikyee fi bɛ bɔ bɛkwaawura asɔneyɛɛ sua ne anu nemɔ berɛ.

Yakobo 1:9

Ma gyidiniɛ awiɛmvoɛ ɔhoahoa ye nwo wɔ ɛpagyalɛ bɔ bapagya ye ne anu,

Yakobo 2:5

Nniɛma mɔ bɔ ɛmɔla m’ahone nwo ɔ, ɛ́mɔtie! Aso Nyameɛ ɔnneneane nu ɔyyele wiase ahiafoɛ kyɛ bɛyɛ gyidie nu anwonyafoɛ, ná benya agyapadeɛ wɔ ahennie ne anu, ahennie bɔ wafa wahyɛ bɛ bɔ bekuro ye dwirɛ ne bɔ ne?

1 Samuel 2:8

Ɔma ehianiɛ so fi asefuo nu, na ɔma sona bɔ ɔyɛ anwumvo ɔ so fi fofoɛ so, maa ɔtena atitirefoɛ nu, na ɔmaa onya animnyam bia tena so. Ofikyɛ aseɛ nyinasoɛ nemɔ, AWURADE deɛ ɔ, na nyinasoɛ nemɔ so yeɛ wafa ewiase wasie ɔ.