Luka 16:2 - AHYERƐLƐ KRONGRON

² Yiti ɔfrɛle ye bisale ye kyɛ, ‘Nzikyɛ dwirɛ yeɛ metete mefa wɔ nwo ye? Wɔ nhwɛsoɛ adwuma ne, bra baabu ye nwo ngondaa, ofikyɛ mengɔma ɛngɔyɛ hwɛsoniɛ adwuma ne ko.’

Luka 16:2 Iomraidhean Croise

Nworɛ Dwirɛhanɛniɛ 12:14

Ɔnate kyɛ, Nyameɛ kobua yɔleɛ biala nwo ndɛen, bɔ yayɔ ye mvealeɛ nu boka so, kyɛ paa oo, kyɛ tɛɛ oo, okobua ye nwo ndɛen.

Mateo 12:36

“Na mekã mekyire ɛmɔ kyɛ, edwirɛ mbaen biala bɔ mmenia kɔhã ne, bekobu ye nwo ngondaa ndɛenbualɛ kyẽa ne.

Mateo 20:8

“Na aleɛ dwole nen, bobe boo mene ne sele ye hwɛsoniɛ ne kyɛ, ‘Frɛ adwumayɔlɛfoɛ nemɔ ná tua bɛ kerɛ; hyɛ ye bo fi bɛ bɔ bɛwale nziɛ nemɔ aso kɔpem bɛ bɔ belili moa bɛwale ne aso.’

Luka 12:20

Nakoso Nyameɛ sele ye kyɛ, ‘Kwaseambane! Kɔngɔen ye ala ngole wɔ kra ngofi wɔ sa nu; na nningyein bɔ apena agua berɛ ne, nwa yeɛ bɛkɔyɛ ye deɛ ɔ?’

Luka 12:42

Na Awurade buale kyɛ, “Nwa ole awuro so neafoɛ nahorɛniɛ ne nworɛniɛ ne, bɔ ye mene kɔfa ye awuro berɛ ngoaa mɔ kowura ye sa, kyɛ ɔma bɛ b’aleɛ wɔ mmerɛ bɔ ɔsɛ ɔ nu ɔ?

Luka 16:1

Na Yesu sa sele ye asuafoɛ nemɔ kyɛ, “Né sikaniɛ bie wɔ berɛ bɔ ole hwɛsoniɛ bɔ ɔnea ye agyapadeɛ so ɔ. Na bɛɛbɔle ye kwaadu behyirele ye kyɛ ɔ́sɛkye ye agyapadeɛ ne.

Luka 16:3

Na hwɛsoniɛ ne hane ye ye ti anu kyɛ, ‘Na ɛhe de, meyɛ ye sɛ, ofikyɛ me mene ɔbaale nhwɛsoɛ adwuma ne ofi me sa nu. Me nwo nyɛ se bɔ ngɔhora adwuma serɛ yɔ ɔ, yeɛ mefɛre koso kyɛ ngɔsrɛsrɛ ɔ.

Romanfoɛ 14:12

Yiti yɛ nu biala kobu ye bɔbɔ ye nwo ngondaa kohyire Nyameɛ.

1 Korintofoɛ 1:11

Nniɛma mɔ, Kloe awuro ama mɔ baatia me gya so kyɛ ɛmɔ afia nwo koraa.

1 Korintofoɛ 4:2

Afei koso, bɔ bɛpena ye wɔ somvoɛ mɔ nwo ole kyɛ bekoli nahorɛ ɔ.

1 Korintofoɛ 4:5

Yiti nnɛma ɛmɔbua ndɛen koraka ná mmerɛ ne wadwu, koraka né Awurade awa, na ye yeɛ ɔkɔye mvealeɛ nu dwirɛ bɔ ɔwɔ awosii nu kofite ɔ, ná wasa mmenia ti anu nzusuleɛ wagua dwaaso. Na afei ebiala konya ɛkamvolɛ bɔ ɔfata ye ɔ kofi Nyameɛ berɛ.

2 Korintofoɛ 5:10

Ofikyɛ, odi kyɛ yɛ mukoraa yɛkogyina Kristo ndɛenbualɛ bia ne nyunu. Na bɔ sona biala wayɔ ye wɔ sɔ anwoɔnaen he anu ne, kyɛ paa oo, anaa bɔne oo, okonya ye nwo akatuaa.

1 Timoteo 4:14

Adom akyɛdeɛ bɔ ɔnate ngɔmhyɛlɛ so ɔne mbanyi mɔ sa bɔ bɛfa beguale wɔ so bɛfa bɛmane wɔ ne, nnɛbu wɔ nye gua so.

1 Timoteo 5:24

Mmenia biemɔ bɛ bɔne la dwaaso, na odi bɛ nyunu kɔ ndɛenbualɛ nu; nakoso ebiemɔ deɛ de, ɔda ali nziɛ ye.

1 Petro 4:10

Na kyɛbɔ ɛmɔ nu biala wanya adom akyɛdeɛ ne, ɛ́mɔfa bɛ́so ɛmɔ nwo ɛmɔ nwo, kyɛ Nyameɛ adom ahoroɔ ne nwo neafoɛ paa mɔ.

1 Petro 4:5

Nakoso bekobu ye nwo ngondaa bekohyire bɔ wasiesie ye nwo kyɛ ɔbaabua ateasefoɛ ne awufoɛ ndɛen ne.

Nyekyire 20:12

Na nwuni awufoɛ, kwahweabaa mɔ ne atitire kyɛ begyigyi ahennie bia ne nyunu. Bebukyebukyele nwomaa nemɔ anu, besa bebukyele nwomaa foforɛ bie bɔ ɔte ngoa nwomaa ne anu. Na begyinane edwirɛ bɔ bahyerɛ ye wɔ nwomaa nemɔ anu so bebuale awufoɛ ndɛen, kyɛbɔ bɛ nnwumaa te ɔ.