Luka 16:19 - AHYERƐLƐ KRONGRON

¹⁹ “Esikaniɛ bie tenane ase bɔ né ɔkera kende ne ago, ná odi aleɛ fɛɛ ɔgye ye nye daa biala ɔ.

Luka 16:19 Iomraidhean Croise

Ɛseta 8:15

Afei Modekae fili Nana Ahasuro berɛ fitele. Né owura ahemvo ataadeɛ bɔ ɔte bibire ne fufue, nwera ne koogyan aguasoɛ, na né ɔbɔ sikaa kɔkorɛ abotire. Na Susa kuro berɛ ama bɔle ese belili ahurusi.

Anyandera 14:24

Anwonya te nworɛfoɛ b’abotire, na ngwaseafoɛ de, egyiminɛ ala yeɛ bagyimi ɔ.

Anyandera 31:22

Ɔnwo ye bɔbɔ ye bomo, ɔhera nwera paa ne kende.

Yesaya 3:23

bɛ neanu, bɛ nwera, bɛ ti so ngatasoɛ ne, ɔne ngatanyunu ne.

Hesekiel 16:13

Mvale sikaa kɔkorɛ ne ɛdwetɛ nziesiele wɔ nwo, na ɛherale nwera paa, kende ne ɛtena bɔ bali adwii bagua nu ɔ. Elili esam paa, woɛ ne ngoo aleɛ; enyini yɛle nyemene paa, na enyane ahennie dibea.

Hesekiel 16:49

Tie, eliɛma brasua Sodom ye amumuyɛɛ ɛhe: ɔne ye mma mmrasua mɔ bɛyɛle ahandaen, adidi mmorosoɛ, benyane bɛ nwo mane bɛ so anu tɔle bɛ, yeɛ bammoka ehiafoɛ ne bɛ bɔ bɛyɛ anwumvo ɔ.

Hesekiel 27:7

Nwera bɔ ofi Misraim bɔ bali adwii bagua nu yeɛ ɔte wɔ lɛen mvrama tena bɔ ɔte wɔ frangaa ɔ, bibire ne koogyan bɔ ofi Elisa mboanoa yeɛ ɔte wɔ ngatasoɛ ɔ.

Marko 15:17

Bɛfale ataadeɛ kɔkorɛ bie bewurale ye, na bɛfale mmowue bɛnwone abotire bɛbɔle ye.

Marko 15:20

Na bɛgorole ye nwo beyiele nen, bɛyele ataadeɛ kɔkorɛ ne, na bɛfale ye bɔbɔ ye ataadeɛ ne bewurale ye. Na bɛfale ye bɛhɔle kyɛ bɛkwaabɔ ye mmeamudua nu.

Luka 15:13

Na wangyɛ biala yeɛ baa kãa ne boaboale ye agyapadeɛ deɛ amukoraa noa ɔ, na otuli atee hɔle maen bɔ ɔwɔ dede bie aso, na dɔ yeɛ ɔbɔle asanzabra mane ye anwodeɛ ne fili ye sa ɔ.

Luka 16:1

Na Yesu sa sele ye asuafoɛ nemɔ kyɛ, “Né sikaniɛ bie wɔ berɛ bɔ ole hwɛsoniɛ bɔ ɔnea ye agyapadeɛ so ɔ. Na bɛɛbɔle ye kwaadu behyirele ye kyɛ ɔ́sɛkye ye agyapadeɛ ne.

Luka 16:18

“Bienzua biala bɔ okoyira ɔye ná okogya braa foforɛ nen, ɔsɛkye agyaa; yeɛ bienzua biala bɔ okogya brasua bɔ ohu ayira ye nen, ɔsɛkye agyaa.

Luka 16:20

Na ehianiɛ bie koso bɔ bɛfrɛ ye Lasarɔso bɔ ngena atutu ye nwo amukoraa ɔ ɔtenane ase. Né bɛfa ye bɛkɔto sikaniɛ n’anoanu berɛ.

Nyekyire 17:4

Né braa ne hera ɛtena kɔkorɛ gonn ne afasebire. Né wafa sikaa kɔkorɛ ne mbembenanneɛ ne afire paa wasiesie ye nwo, na né otira sikaa kɔkorɛ kulie bɔ akyiwadeɛ mɔ ne ye adwamanbɔlɛ fiɛ ne wayi ye tɛkyɛ ɔ.

Nyekyire 18:16

“Yaakɔ oo, yaakɔ oo! Kuro piri bɔ né ɔhera nwera paa, kende ne ago, ná ɔfa sikaa kɔkorɛ, mbembenanneɛ ne afire paa siesie ye nwo ɔ!

Nyekyire 18:7

Kyɛbɔ osi hyɛle ye nwo animnyam pee ná ɔgyele ye nye wɔ anwonya nu ne, sɔ ala yeɛ ɛ́mɔma ye amaneɛnwunɛ ne aworabɔlɛ ɔ́yɛ pee ɔ. Ofikyɛ ɔhane ye wɔ ye ti anu kyɛ, ‘Nde ɛhemmaa bɔ nde berɛ ɔ, nnde kunaniɛ, na mengoli aworabɔlɛ le.’

Maenbulɛfoɛ 8:26

Esikaa kɔkorɛ asomade bɔ bɛfa bɛmane Gideon ne, nu nonɛ te kilo buru ne ngona (asora mbembenanneɛ, akomuade, ɔne kende bɔ Midian ahemvo mɔ fa siesie bɛ nwo ɔ, ɔne ngaa bɔ ogua b’afupɔngɔ mɔ kɔme anu ɔ).