Luka 16:17 - AHYERƐLƐ KRONGRON

¹⁷ Na ɔyɛ mmerɛ kyɛ anwuro ne aseɛ kɔpɛ nu tra kyɛ mmeraa ne anu kaaba pɔtrepɔɔ ko po ɔngɔyɛ adwuma ɔ.

Luka 16:17 Iomraidhean Croise

Yesaya 40:8

Ndire kese, yeɛ nyerɛen nyemene koso otu, nakoso yɛ Nyameɛ dwirɛ de, otimu berɛ afebɔɔ.

Yesaya 51:6

Ɛ́mɔma ɛmɔ nye so bɛ́nea anwuro, ná ɛ́mɔhu bɛ nye ase bɛ́nea aseɛ; ofikyɛ anwuro kotu komini kyɛ nwosina, aseɛ kɔtete kyɛ ɛtena, na so ama kowuwu sɔ ala; nakoso me ngoalelɛ ne de, ɔkɔyɛ afebɔɔ, yeɛ me tenenee ne wora, ye bo ngɔpɛ le.

Mateo 5:18

Nahorɛ nu, mekã mekyire ɛmɔ kyɛ, kɔpem kyɛ anwuro ne aseɛ kɔpɛ nu ɔ, mmeraa ne anu kaaba ko anaa kaaba pɔtrepɔɔ ko po ngofi nu, sana ye mukoraa awa nu koraka.

Luka 21:33

Anwuro ne aseɛ kɔpɛ nu kɔhɔ, nakoso me dwirɛ de, ɔngɔpɛ nu le.

Romanfoɛ 3:31

Yiti ɔnate gyidie he ati yɛto mmeraa ne yɛgua anaa? Dabida! Na mmom yɛde mmeraa ne yɛto nu.

1 Petro 1:25

nakoso Awurade dwirɛ de, otimu berɛ afebɔɔ.” Na edwirɛ he ole nzɛmba bɔ babɔ ye dawure bahyire ɛmɔ ne.

2 Petro 3:10

Nakoso Awurade kyẽa ne kɔwa kyɛ awueniɛ ba [kɔngɔen] ɔ. Na nu yeɛ anwuro kɔbɔ nu kurudududu serɛserɛ kotu komini. See kɔma ewienu abɔdeɛ mɔ kohuro, na aseɛ ne so nningyein amukoraa kɔyera.

Nyekyire 20:11

Afei nwuni ahennie bia fufue pirikua bie ɔne bɔ ɔte so ne, bɔ aseɛ ne nyameɛso nwati fili ye nyunu ne; na bannya nekaa bamma bɛ.

Nyekyire 21:1

Na nwuni nyameɛso foforɛ ne aseɛ foforɛ; ofikyɛ né nyameɛso bɔ oli moa ne ne aseɛ bɔ oli moa ne bapɛ nu bahɔ, yeɛ né ɛpo nne berɛ ko.

Nyekyire 21:4

Okokyikyi bɛ nye abo moen amukoraa. Na ewue nne berɛ ko, aworabɔlɛ ne esuɛ ne yealɛ biala nne berɛ ko, ofikyɛ nningyein daa nemɔ bapɛ nu bahɔ.