Luka 16:16 - AHYERƐLƐ KRONGRON

¹⁶ “Mmeraa ne ne ngɔmhyɛlɛfoɛ nemɔ bɛpem Yohane so; na ofi sɔ mmerɛ ne, bɛ́ka Nyameɛ ahennie ne nwo nzɛmba ne, na ebiala pere kɔ nu.

Luka 16:16 Iomraidhean Croise

Mateo 10:7

Na ɛmɔkɔ a, ɛmɔhã kyɛ, ‘Nyameɛso ahennie ne apingye.’

Mateo 15:11

“Nna bɔ ɔkɔ sona noa nu yeɛ ogua ye nwo fiɛ ɔ, na mmom bɔ ofi sona noa nu ba ne yeɛ ogua ye nwo fiɛ ɔ.”

Mateo 21:32

Ofikyɛ Yohane fale tenenee atee so yeɛ ɔwale ɛmɔ berɛ ɔ, na ɛmɔanne ye banni. Nakoso ɛtoɔdidelɛfoɛ ne adwamanbɔlɛfoɛ de, belele ye belili; na ɛmɔnwuni ye sɔ ne po, ye si ye ɛmɔanzesã ɛmɔ adwene banne ye banni.”

Mateo 3:2

Ɔnwa, “Ɛ́mɔsakyera ɛmɔ adwene, ofikyɛ nyameɛso ahennie ne apingye!”

Mateo 4:17

Ofi mmerɛ sɔ ne yeɛ Yesu hyɛle ye bo hane nzɛmba ne kyɛ, “Ɛ́mɔsakyera ɛmɔ adwene, ofikyɛ nyameɛso ahennie ne apingye!”

Mateo 4:23

Yesu hyinini Galilea amukoraa yɛle ngyerɛkyerɛ wɔ bɛ nyianu sua nemɔ anu, ɔhane ahennie ne nwo nzɛmba ne, na ɔsale anwonyerɛ ne anwommerɛlɛ ahoroɔ wɔ maen ne anu.

Marko 1:14

Na bɛhyele Yohane bɛtole kuku nu ne asi ne, Yesu wale Galilea ɔɔhane Nyameɛ ahennie ne nwo nzɛmba.

Marko 1:45

Nakoso, biaa ne de, ofili berɛ hɔle nen, ɔhyɛle ye bo ɔbɔle edwirɛ ne dawure maa otenele. Na ye sɔ ati, Yesu angora wanye ye nyunu wangɔ kuro biala so ko; na mmom ɔhale ɛserɛ ne aso berɛ, na mmenia fili nekaa biala bɛwale ye berɛ.

Luka 10:11

‘Ɛmɔ kuro wa mvuture po bɔ wahã yɛ gya bo ne, yɛporoporo yɛgua ɛmɔ ti so; na yɛ́ma ɛmɔnwu ye kyɛ, Nyameɛ ahennie ne wapingye ɛmɔ.’

Luka 10:9

ɛ́mɔsa nu ayarefoɛ anwonyerɛ, ná ɛmɔhã behyire berɛ ama kyɛ, ‘Nyameɛ ahennie ne apingye ɛmɔ.’

Luka 16:29

“Nakoso Abraham buale ye kyɛ, ‘Bele Mose ne ngɔmhyɛlɛfoɛ nemɔ wɔ dɔ; odi kyɛ betie bɛ!’

Luka 16:31

Na obuale ye kyɛ, ‘Sɛ bengotie Mose ne ngɔmhyɛlɛfoɛ nemɔ a, ye de sɛ ebie fi awufoɛ nu dwɔso po a, bengole ngoli.’ ”

Luka 9:2

Afei ɔsomane bɛ kyɛ bɛɛbɔ Nyameɛ ahennie ne nwo dawure, ná bɛsa anwonyerɛ.

Yohane 1:45

Filipo nwuni Nataneɛl, na osele ye kyɛ, “Bɔ Mose, wɔ mmeraa ne anu, ɔne bɔ ngɔmhyɛlɛfoɛ bɛhyerɛle ye nwo dwirɛ ne, yanwu ye: Yesu bɔ ofi Nasarɛte, Yosef awa ne.”

Yohane 11:48

Sɛ yɛyakyi ye maa ɔtoa so sɔ a, mmenia amukoraa bekole ye bekoli, na Romanfoɛ kɔwa kɔɔsɛkye yɛ wa ne yɛ maen ne!”

Yohane 12:19

Yeɛ Farasiifoɛ nemɔ sisele bɛ nwo kyɛ, “Yeɛ ɛmɔanwu kyɛ ɛmɔngɔhora bɛngɔyɔ ye nwo huu! Ɛ́mɔnea, kyɛ ewiase atu bi waali ye si ɔ.”

Yohane 5:4

Né odwu mmerɛ bie a, abɔfo dwu ba ɛkwaa ne anu ɔbaponda nzue ne; na sɛ nzue ne ponda a, ebiala bɔ okoli moa kɔɔtɔ nu ne, anwonyerɛ biala bɔ ɔha ye ne, ye nwo sa.]

Asomafoɛ 3:18

Nyameɛ ama bɔ ɔfale ngɔmhyɛlɛfoɛ ne amu so ha tole berɛ daa tete ne kyɛ ye Kristo ne konwu amaneɛ ne awa nu.