Luka 16:15 - AHYERƐLƐ KRONGRON

¹⁵ Yiti Yesu sele bɛ kyɛ, “Ɛmɔte mmenia bɔ ɛmɔbu bɛ nwo kyɛ bɛtengyɛ wɔ mmenia nyunu, nakoso Nyameɛ yeɛ ɔse ɛmɔ ti anu ɔ. Ofikyɛ, bɔ ɔmoma ye nwo so wɔ mmenia nu ne, ɔte akyiwadeɛ wɔ Nyameɛ nyunu.

Luka 16:15 Iomraidhean Croise

1 Aberɛso Dwirɛ 29:17

Me Nyameɛ, mese kyɛ ɛneanea ahone nu, na wɔ nye gye sona bɔ ye bra te sannwuu ɔ nwo. M’ahone nu te, na maye me kunu sefaa yeɛ mafa sɔ nningyein nemɔ amukoraa mabɔ afɔleɛ mama wɔ ɔ. Na kekesaala ye, wɔ maen bɔ bayia wa ye, manwu kyɛ bele anigye baye bɛ kunu sefaa babɔ afɔleɛ bama wɔ ɔ.

2 Aberɛso Dwirɛ 6:30

ye de tie bɛ sufrɛ wɔ nyameɛso, nekaa bɔ ɛte ne, ná fa bɛ bɔne kyɛ bɛ. Wɔ ngome yeɛ ɛse sona biala ye ti anu dwirɛ ɔ. Yɔ ma ebiala kyɛbɔ ɔfata ye ɔ, ofikyɛ ɛse kuro sona biala ti anu dwirɛ,

Edwein 10:3

Ofikyɛ bɔnefoɛ bɛfa bɔ ɔla b’ahone nwo bɛhoahoa bɛ nwo, yeɛ adifuuniɛ ɔnoma AWURADE odwudwo otia ye.

Edwein 49:13

Bɛ bɔ bede bɛ nwo bedi ne, sɔ yeɛ b’ayieleɛ te ɔ, bɛ bɔ bɛfa bɛ nwo bɛto b’anwonya so ne, b’ayieleɛ ɛne. Sela

Edwein 49:18

Mmerɛ bɔ ɔte ngoa nu ne, obuli ye nwo kyɛ wayie ye yé, ofikyɛ sɛ sona nya ye nwo a, mmenia kamvo ye.

Edwein 7:9

Ao bɔnefoɛ b’amumuyɛɛ ne, ma ye bo ɔpɛ, nakoso sona bɔ ɔtengyɛ ne de, ma ye bo otindim. Ao Nyameɛ bɔ ɛtengyɛ ɔ, wɔ yeɛ ɛse mmenia ti anu ne b’ahone nu dwirɛ ɔ.

Anyandera 16:5

Ebiala bɔ ɔte ahandaen ne, AWURADE kyi ye, nahorɛ nu, ɔngɔfa ye nwo ngoli tɔtorɔtɔɔ.

Anyandera 20:6

Mmeni pee nwa bɛ bɔbɔ bɛte paa, nakoso sona bɔ odi nahorɛ de, nwa yeɛ okonwu bie ɔ?

Anyandera 21:2

Bɔ sona yɔ biala, ɔtengyɛ wɔ ye nye so, nakoso AWURADE yeɛ ɔkari ye ti anu dwirɛ nea ɔ.

Yeremia 17:10

Me AWURADE, me yeɛ mepɛnzɛpɛnzɛ adwene nu, ná meso ahone menea ɔ, kyɛ metua ebiala so kerɛ kyɛbɔ ye atee si te ɔ, ɔne kyɛbɔ ye yɔleɛ si te ɔ.

Malaki 3:15

Na afei de, yɛbu ahandaenfoɛ kyɛ bɛ yeɛ banya saleɛ ɔ; amba, bɛ bɔ bɛbɔ bra tɛɛ ne yeɛ benya ngɔsoɛ ɔ; amba, bɛ bɔ beso Nyameɛ bɛnea ne yeɛ benya bɛ ti bedidi nu ɔ.’ ”

Mateo 23:5

Bɔ bɛyɔ amukoraa te bɔ mmenia konwu bɛ ɔ; ofikyɛ bɛyɛ bɛ ngayeɛ nwomaa ne tɛtrɛtɛɛ, yeɛ bɛyɛ bɛ ndaadeɛ noa bɔ banwo ne ndendenn.

Mateo 6:16

“Sɛ ɛmɔyɛ akɔngyere a, nnɛma ɛmɔyɛ ɛmɔ nyunu bosaa kyɛ nyaatwomfoɛ nemɔ, ofikyɛ benyinya bɛ nyunu kyɛbɔ mmenia konwu kyɛ bɛyɛ akɔngyere ɔ. Nahorɛ nu, mekã mekyire ɛmɔ kyɛ, banya b’akatuaa dada.

Mateo 6:2

Yiti sɛ ɛyɔ adɔeɛ a, nnɛbɔ ye nwo dawure, kyɛbɔ nyaatwomfoɛ bɛyɔ ye nyianu sua mɔ nu ne dwaaso, kyɛbɔ mmenia kɔkamvo bɛ ne. Nahorɛ nu, mekã mekyire ɛmɔ kyɛ, bɛ sa ahã b’akatuaa dada.

Mateo 6:5

“Sɛ ɛmɔbɔ mbaeɛ a, nnɛma ɛmɔyɛ kyɛ nyaatwomfoɛ nemɔ; ofikyɛ bɛ de, bekuro kyɛ begyinagyina ndende wɔ nyianu sua nemɔ nu ne mmorɔnoɛ so bɛbɔ mbaeɛ, kyɛbɔ ɔkɔyɛ bɔ mmenia konwu bɛ ɔ. Nahorɛ nu, mekã mekyire ɛmɔ kyɛ, banya b’akatuaa dada.

Luka 10:29

Nakoso ye de, né ɔpena kyɛ obua ye nwo be ne ati, obisale Yesu kyɛ, “Na nwa yeɛ ɔte mmiɛngo ɔ?”

Luka 11:39

Na Awurade sele ye kyɛ, “Ɛmɔ Farasiifoɛ de, ɛmɔnwunzi kwangoa ne prɛte nwo, nakoso ɛmɔ nu de, apoo ne bɔne yɔleɛ ayi ye tɛkyɛ.

Luka 18:11

Na Farasiiniɛ ne gyinane berɛ bɔle mbaeɛ ye ti anu kyɛ, ‘O Nyameɛ, meda wɔ ase kyɛ me de, nnde kyɛ mmenia ngaa ne ɔ: apoobɔlɛfoɛ, ngondombofoɛ, agyaasɛkyelɛfoɛ, anaakyɛ ɛtoɔdidelɛniɛ he po.

Luka 18:14

Na Mekã mekyire ɛmɔ kyɛ, sɔ sona he mmom yeɛ Nyameɛ buale be maa ɔhɔle ye awuro ɔ, na nna ko ne ɔ; ofikyɛ ebiala bɔ ɔma ye nwo so ne, bɛkɔbrɛ ye ase, nakoso bɔ ɔbrɛ ye nwo ase ne de, bɛkɔma ye so.”

Luka 18:21

Na biaa ne buale kyɛ, “Mvi me ngwadaa nu yeɛ mali ɛhemɔ amukoraa so ɔ.”

Luka 18:9

Na ebiemɔ bɔ bɛfa bɛ nwo bɛto bɛ bɔbɔ bɛ nwo so kyɛ bɛtengyɛ, ná bebu bɛ mmango animtia ne, obuli bɛ anyandera he:

Luka 20:20

Yiti bɛtetɛle ye. Na bɛsomane mmenia biemɔ bɔ bayɛ bɛ nwo kyɛ bɛte mmeni paa ɔ maa bɛhɔle ye berɛ, kyɛ bɛɛfa dwirɛ besua ye ngaen, ná bagyina so baye ye bawura amrado tumi ne ye mmeraa sa.

Luka 20:47

bɛ yeɛ bɛbɔ akunafoɛ mmrasua apoo bede bɛ nningyein ɔ, nakoso bɛpati bɛbɔ mbaeɛ tendenn bekyire. Na bɛ yeɛ bekobua bɛ foɛ piri paa ɔ.”

Yohane 2:25

yiti onhia kyɛ ebiala koli sona nwo adanzeɛ kohyire ye ɔ, ɔnate kyɛ ye bɔbɔ ɔse mmenia mukoraa ahone nu dwirɛ.

Yohane 21:17

Yesu bisale ye ye pɛen nza so kyɛ, “Simɔn, Yohane awa, aso ekuro me dwirɛ?” Na Petro wora bɔle kyɛ wabisa ye pɛen nza kyɛ, “Aso ekuro me dwirɛ?” Na obuale ye kyɛ, “Awurade, ɛse nikyee biala; ɛse kyɛ mekuro wɔ dwirɛ.” Yeɛ Yesu sele ye kyɛ, “Nea me mmoaen nemɔ so.

Asomafoɛ 1:18

(Sɔ Yudase ne, ɔfale sikaa bɔ onya fili ye amumuyɛɛ ne anu tɔle aseɛ, na ye kɔme ɔɔwɔle berɛ nen, ye ko pakyele, na ye nyaa mukoraa tu guale.

Asomafoɛ 1:24

Na bɛbɔle mbaeɛ kyɛ, “Awurade, wɔ yeɛ ɛse ebiala ti anu dwirɛ ɔ, yiti mmenia nyɔ he, kyire yɛ bɛ nu ko bɔ aye ye

Asomafoɛ 15:8

Na Nyameɛ bɔ ɔse angorangora biala ti anu adwene ne lili bɛ adanzeɛ, na ɔmane bɛ Sunzum Krongron ne kyɛbɔ ɔfa mane yɛ ne ala.

Romanfoɛ 3:20

Yiti bengogyina mmeraa nnwumaa so bengobua sona biala be wɔ Nyameɛ nyunu, ofikyɛ mmeraa ne de, ɔma sona nwu ye bɔne.

Romanfoɛ 8:27

Na bɔ ɔpɛnzɛpɛnzɛ mmenia ti anu adwene nu ne, ɔse Sunzum ne ti anu adwene, ofikyɛ Sunzum ne srɛ ma anwoteefoɛ kyɛbɔ Nyameɛ pɛ si te ɔ

1 Korintofoɛ 4:5

Yiti nnɛma ɛmɔbua ndɛen koraka ná mmerɛ ne wadwu, koraka né Awurade awa, na ye yeɛ ɔkɔye mvealeɛ nu dwirɛ bɔ ɔwɔ awosii nu kofite ɔ, ná wasa mmenia ti anu nzusuleɛ wagua dwaaso. Na afei ebiala konya ɛkamvolɛ bɔ ɔfata ye ɔ kofi Nyameɛ berɛ.

1 Petro 3:4

na mmom ɛ́mɔma ɔyɛ ahone nu nikyee bɔ anyeɛ nnwu ye, sunzum bɔ odwo, ɔbrɛ ye nwo ase, nikyee bɔ ɔmborɔ, bɔ ɔte nikyee nyɔboɛserɛ wɔ Nyameɛ nyunu ɔ.

1 Petro 5:5

Sɔ ala yeɛ ɛmɔ bɔ ɛmɔte mmabunu ne koso, ɔsɛ kyɛ ɛmɔbrɛ ɛmɔ nwo ase bewura mbanyi mɔ bo ɔ. Ɛmɔ amukoraa, ɛ́mɔfa anwobrɛaseɛ bɛ́hera, ná ɛ́mɔfa bɛ́so ɛmɔ nwo ngoko ngoko, ofikyɛ Nyameɛ nye sa anwomasoɛfoɛ, na ɔdo anwobrɛaseɛfoɛ.

Nyekyire 2:23

Ngohũhũ ye mma mɔ, na asɔre nemɔ amukoraa bekonwu kyɛ me yeɛ mepɛnzɛpɛnzɛ sona ti anu ne ahone nu dwirɛ nu ɔ; na ngɔma ɛmɔ nu biala akatuaa kyɛbɔ ye nnwumaa te ɔ.

1 Samuel 16:7

Nakoso AWURADE sele ye kyɛ, “Nnɛnea kyɛbɔ osi te ɔ anaa ye tendenn, ofikyɛ nna ye yeɛ mekuro ɔ. Na kyɛbɔ sona si nwu nikyee ne, nna sɔ yeɛ AWURADE nwu ye ɔ. Bɛ nye so nikye yeɛ sona nea ɔ, nakoso AWURADE de, ɔnea b’ahone nu.”